Is-suġġerimenti se jintwerew wara li tibda tikteb fil-kaxxa tat-tiftix. Uża l-buttuni tal-vleġġa 'l fuq u tal-vleġġa 'l isfel biex tiċċekkja. Uża l-buttuna enter biex tagħżel. Jekk l-għażla tiegħek tkun frażi, dik il-frażi se tiġi mfittxija. Jekk is-suġġeriment ikun link, il-brawżer se jiftaħ dik il-paġna.
Regoli legali

Kif tiddeċiedi kif tilqa' n-nies fuq Airbnb

Biex timxi mal-liġijiet għall-ħarsien tal-konsumaturi tal-UE, Airbnb jeħtiġilha titlob lill-Hosts jiddikjaraw humiex qed jilqgħu n-nies f'isimhom jew bħala negozju. L-istatus tiegħek se jintwera fir-riżultati tat-tiftix u fuq il-listings tiegħek għall-klijenti bbażati fiż-Żona Ekonomika Ewropea (ŻEE). Dil-informazzjoni tgħinna wkoll noffrulek il-faċilitajiet li jgħoddu għall-mod ta' kif tilqa' n-nies.

Kif tifhem x'inhu l-istatus tiegħek—jekk intix qed tilqa' n-nies bħala negozju jew f'ismek

  • Qed tilqa' n-nies bħala negozju: Normalment titqies li qed tilqa' n-nies bħala negozju jekk li tilqa' n-nies fuq Airbnb hija l-professjoni ewlenija jew id-dħul ewlieni tiegħek jew jekk tagħmel parti minn negozju stabbilit, bħal pereżempju boutique hotel jew kumpanija tal-amministrazzjoni tal-propjetà. Jekk qed toffri l-postijiet fejn toqgħod bħala kumpanija jew bħala sid uniku barra d-dinja diġitali, allura l-attivitajiet tal-ospitalità tiegħek fuq Airbnb wisq probabbli huma attività kummerċjali. Titqies ukoll bħala negozju jekk, għal tul ta' żmien, ta' sikwit tilqa' n-nies fuq Airbnb bl-għan li taqla' l-flus. In-numru ta' postijiet fejn toqgħod u/jew Esperjenzi li toffri fuq Airbnb flimkien man-numru ta' bookings li tikseb jistgħu wkoll jagħtuk ħjiel ta' jekk titqiesx bħala negozju. Dil-lista mhix kompluta għax hemm affarijiet oħra li jistgħu jitqiesu biex tifhem jekk intix qed tilqa' n-nies bħala negozju.
  • Qed tilqa' n-nies f'ismek: Normalment titqies li qed tilqa' n-nies f'ismek jekk li tilqa' n-nies fuq Airbnb mhux il-professjoni ewlenija jew id-dħul ewlieni tiegħek (pereżempju qed tilqa' n-nies fuq Airbnb biex iddaħħal xi ħaġa tal-flus żejda jew il-post fejn toqgħod tiegħek ma jkunx disponibbli ta' sikwit fuq Airbnb).

Żomm f'moħħok: Airbnb mhix kapaċi tgħidlek x'inhu l-istatus tiegħek bħala Host. Jekk tħoss li m'intix ċert/a dwar l-istatus tiegħek bħala Host, nissuġġerulek titlob parir ta' avukat jew xi espert legali ieħor.

Għaliex jeħtieġlek tagħti dil-informazzjoni

Biex timxi mal-liġijiet tal-ħarsien tal-konsumatur tal-UE, għall-klijenti ġewwa ż-Żona Ekonomika Ewropea (ŻEE), Airbnb jeħtiġilha turi l-istatus tiegħek bħala Host fir-riżultati tat-tiftix u fuq il-listings tiegħek. Aħna nużaw dil-informazzjoni biex noffrulek ukoll il-faċilitajiet li jgħoddu għall-mod ta' kif tilqa' n-nies.

Kif tiddikjara l-istatus tiegħek bħala Host

Int u toħloq il-listing tiegħek jew iktar tard se nitolbuk biex bħala Host tiddikjara jekk intix qed tilqa' n-nies f'ismek jew bħala negozju. Se tintalab tiddikjara l-istatus tiegħek darba biss. Jekk l-affarijiet jinbidlu u jkun jeħtieġlek taġġorna l-istatus tiegħek, tista' taċċessa l-istatus tiegħek bħala Host mid-Dettalji tal-Kont. Jekk ma tkunx tista' teditja d-dettalji direttament, jekk jogħġbok ikkuntattja lill-Għajnuna lill-Komunità.

Rekwiżiti oħra għall-Hosts li jilqgħu n-nies bħala negozju

Dil-informazzjoni tgħodd għall-Hosts li jilqgħu n-nies bħala negozju u li huma bbażati ġewwa ż-Żona Ekonomika Ewropea (ŻEE).

Li tagħti l-informazzjoni dwar in-negozju tiegħek

    Jekk int Host li tilqa' n-nies bħala negozju, il-liġijiet għall-ħarsien tal-konsumatur jeħtieġu li qabel il-booking tagħti xi informazzjoni dwar in-negozju tiegħek b'mod ċar u li jinftiehem lill-klijenti li jkunu qed jaħsbu biex jibbukkjaw miegħek. Fost dil-informazzjoni meħtieġa hemm:

    • L-identità tiegħek, bħal pereżempju l-isem uffiċjali tan-negozju tiegħek
    • L-indirizz tan-negozju tiegħek (ma naċċettawx kaxxi postali bħala indirizz)
    • Id-dettalji ta' kuntatt tiegħek (bħan-numru tat-telefown u l-indirizz tal-email)
    • In-numru tar-reġistrazzjoni kummerċjali tiegħek (jekk obbligat/a li jkollok numru)
    • In-numru tal-VAT (jekk obbligat/a jkollok numru)
    • Il-kamra tal-kummerċ li n-negozju tiegħek imsieħeb magħha (jekk ikun il-każ)
    • Id-dettalji tal-liċenzja li kellek tikseb, inkluż l-isem tal-awtorità li ħarġitlek il-liċenzja (jekk għandha l-obbligu ta' liċenzja)

    Żomm f'moħħok: Skont iċ-ċirkostanzi tiegħek, it-tip ta' informazzjoni li jeħtieġlek tagħti jaf tinbidel. Jekk ma tafx x'inhuma eżatt l-obbligi tiegħek bħala Host li tilqa' n-nies bħala negozju, nissuġġerulek li titlob parir ta' avukat jew xi espert legali ieħor

    Tista' żżid u teditja d-dettalji tan-negozju tiegħek (kif spjegat hawn fuq) mit-taqsima dettalji tan-negozju tal-kont ta' Airbnb tiegħek. Wara li tkun tajtna d-dettalji tan-negozju tiegħek, dad-dettalji se jibdew jintwerew awtomatikament fuq il-listings tiegħek kollha. L-istatus tiegħek bħala Host privat jew bħala negozju ma jiddependix mid-dettalji tan-negozju li żżid jew tneħħi. Il-Hosts privati ma jistgħux juru d-dettalji tan-negozju tagħhom fuq il-paġna tal-listings.

    Li tagħti l-informazzjoni dwar il-postijiet fejn toqgħod u l-prezzijiet tiegħek

    Ara li tagħti deskrizzjoni preċiża u kompluta tal-postijiet fejn toqgħod li qed toffri. Tħalli barra l-ebda informazzjoni li jaf ikun jeħtieġ klijent. Jeħtieġlek tara wkoll li l-prezz tal-postijiet fejn toqgħod tiegħek jinkludi t-tariffi obbligatorji kollha (bħal pereżempju tat-taxxa tal-VAT).

    Il-klijenti li jibbukkaw post fejn toqgħod fuq Airbnb mingħand Host li jilqa' n-nies bħala negozju għandhom dritt iħollu l-kuntratt fi żmien 14-il jum minn meta jibbukkjaw?

      Skont Art. 16 (l) tad-Direttiva dwar id-Drittijiet tal-Konsumatur tal-UE, fil-każ ta' kuntratti marbuta mal-postijiet fejn toqgħod tal-industrija tal-ivvjaġġar, il-klijenti m'għandhomx id-dritt li jħollu l-kuntratt jekk il-kuntratt fih data jew żmien partikolari ta' meta għandu jingħata s-servizz. Biss importanti li tavża lill-klijenti tiegħek li m'għandhomx dritt iħollu l-kuntratt.

      Jekk jogħġbok żomm f'moħħok: B'daqshekk ma jfissirx li l-klijent jitlef id-dritt li jikkanċella skont il-politika ta' kanċellazzjoni li tkun għażilt għal-listing tiegħek.

        Żomm f'moħħok: Dil-paġna maħsuba biss biex tagħti informazzjoni ġenerali. L-informazzjoni mogħtija qatt m'għandha titqies bħala parir legali. Jekk tħoss li ma fhimtx sew xi jgħidu l-liġijiet għall-każ tiegħek, itlob parir ta' avukat jew xi espert legali ieħor.

        Artikli relatati

        Ikseb l-għajnuna bil-bookings, bil-kont tiegħek u b'affarijiet oħra.
        Idħol jew irreġistra