Is-suġġerimenti se jintwerew wara li tibda tikteb fil-kaxxa tat-tiftix. Uża l-buttuni tal-vleġġa 'l fuq u tal-vleġġa 'l isfel biex tiċċekkja. Uża l-buttuna enter biex tagħżel. Jekk l-għażla tiegħek tkun frażi, dik il-frażi se tiġi mfittxija. Jekk is-suġġeriment ikun link, il-brawżer se jiftaħ dik il-paġna.
Regoli

Ir-rekwiżiti tas-saħħa u s-sigurtà għaż-żjarat ta' Airbnb

Waqt il-pandemija tal-COVID-19, importanti li żżomm quddiem għajnejk is-saħħa u s-sigurtà. Ħloqna sett ta' regoli tas-sigurtà għall-COVID-19 obbligatorji kemm għall-Hosts kif ukoll għall-klijenti tal-listings ta' Airbnb, mibnija fuq il-linji gwida maħruġa mill-Għaqda Dinjija tas-Saħħa u ċ-Ċentri Amerikani għall-Kontroll tal-Mard. Minbarra dan, għandek tkun taf xi jgħidu l-linji gwida għas-saħħa u s-sigurtà ġenerali għall-ħarsien kontra l-COVID-19, tkompli taġġorna ruħek dwar ir-restrizzjonijiet u l-avviżi dwar l-ivvjaġġar maħruġa mill-gvernijiet u timxi mal-liġijiet u l-linji gwida nazzjonali kollha.

Airbnb ħolqot linji gwida u programmi biex tnaqqas ir-riskji għas-saħħa u s-sigurtà iżda dawn il-miżuri ma jistgħux ineħħu r-riskji kollha. Nissuġġerulek tikseb parir professjonali kif ukoll li tieħu iktar prekawzjonijiet int u tiddeċiedi li tibbukkja żjara jew esperjenza fuq Airbnb, speċjalment jekk tagħmel parti minn kategorija ta' nies f'riskju ikbar (eż.: persuni li għandhom iktar minn 65 sena jew persuni li diġà morda b'kundizzjonijiet bħad-dijabete jew il-mard tal-qalb). Sir af iktar dwar il-linji gwida tas-saħħa u s-sigurtà għall-Organizzaturi u għall-parteċipanti tal-Esperjenzi ta' Airbnb.

Ir-regoli tas-sigurtà għall-COVID-19 (meħtieġa)

Meta l-liġijiet u l-linji gwida tal-post fejn jinsab il-listing jeħtiġuk tagħmel hekk, ilbes maskra u żomm it-tbegħid soċjali

Meta jkunu meħtieġa jagħmlu hekk mil-liġijiet jew mil-linji gwida tal-post fejn jinsab il-listing, il-Hosts u l-klijenti kollha għandhom:

  • Jilbsu maskra jew għata tal-wiċċ meta jiltaqgħu wiċċ imb'wiċċ
  • Iżommu dejjem 2 metri 'l bogħod minn xulxin

Jimxu mal-proċess għat-tindif imtejjeb f'5 passi ta' Airbnb bejn żjara u oħra

Kull Host u klijent ta' Airbnb huwa meħtieġ li jimxi mar-regoli tas-sigurtà għall-COVID-19 imsemmija hawn fuq, inkluż il-proċess għat-tindif imtejjeb f'5 passi ta' Airbnb bejn kull żjara u oħra. Jista' jkun hemm xi konsegwenzi jekk xi Host jew klijent jibqa' jikser dal-linji gwida — inkluż li l-kont tiegħu jiġi sospiż u li jitneħħa mill-komunità.

Iktar linji gwida għal meta tivvjaġġa u tilqa' n-nies waqt il-pandemija tal-COVID-19

Ma jivvjaġġawx u ma jilqgħux nies jekk kienu qrib ta' xi ħadd marid bil-COVID-19 jew jekk ikollhom xi sintomi tal-COVID-19

Biex inħarsu s-saħħa u s-sigurtà tal-komunità tagħna, il-Hosts (u dawk kollha li jistgħu jidħlu f'listing qabel jew waqt żjara) m'għandhomx jidħlu fil-listing(s) tagħhom jew jiltaqgħu wiċċ imb'wiċċ mal-klijenti u, il-klijenti m'għandhomx jagħmlu checkin f'listing jekk kellhom waħda minn dawn il-kundizzjonijiet li ġejjin:

  • Marid bil-COVID-19, jew dal-aħħar kellek riżultat pożittiv għall-marda
  • Taħseb li int marid bil-, jew li ġejt f'kuntatt mal-COVID-19 u qed tistenna r-riżultati tat-test biex tikkonferma jekk intix marid jew le
  • Għandek is-sintomi tal-COVID-19 jew qed taħseb li tista' tkun marid bil-COVID-19
  • Dal-aħħar kont qrib, għal tul ta' ħin, ta' persuna li hija kkonfermata jew hemm suspett li hija marida bil-COVID-19

Għal iktar dettalji dwar kif tivvjaġġa b'mod responsabbli waqt il-pandemija tal-COVID-19, aqra l-artiklu tagħna dwar iż-żjarat fejn il-klijent ikollu joqgħod kwarantina jew maqtugħ mill-bqija tan-nies.

    Jaħslu jdejhom ta' sikwit

    Ara li taħsel idejk ta' spiss, iktar u iktar jekk tiltaqa' ma' nies li mhux parti mill-booking tiegħek u jekk tkun qed tmiss l-uċuħ u l-pożati fi spazju maqsum mal-oħrajn jew f'żona komuni.

    • Aħsel idejk sew bl-ilma u bis-sapun għal mill-inqas 20 sekonda
    • Jekk ma jkollokx aċċess għas-sapun u l-ilma, uża sanitizer tal-idejn magħmul minn mill-inqas 60% alkoħol; għatti u għorok idejk sakemm jinxef is-santizer

    Jimxu mal-liġijiet u l-linji gwida tal-post fejn jinsab il-listing għal dak li għandu x'jaqsam mal-maskri u t-tbegħid soċjali fiż-żoni komuni jew fl-ispazji maqsuma mal-oħrajn

    Meta tkun f'żona komuni jew fi spazju maqsum (bħala Host jew klijent), meta tiltaqa' ma' nies li mhux parti mill-booking tiegħek, imxi mal-liġijiet u l-linji gwida tal-post fejn jinsab il-listing tiegħek għal dak li għandu x'jaqsam mal-ilbies tal-maskri u t-tbegħid soċjali. Il-Hosts għandhom, kull meta jistgħu, joffru checkin mingħajr il-ħtieġa ta' kuntatt ma' nies oħra.

    Żomm f'moħħok li jekk ma tħossokx komdu/a toqgħod f'kamra privata jew spazju maqsum mal-oħrajn, nissuġġerulek tibbukkja post sħiħ minflok. Jekk ma tħossokx komdu/a tilqa' n-nies f'kamra privata jew fi spazju maqsum mal-oħrajn, tista' ttella' l-post kollu tiegħek, jew jekk ma tistax tagħmel hekk, tieqaf tilqa' n-nies għal ftit taż-żmien.

    Il-Hosts għandhom ukoll jimxu mal-linji gwida tal-post fejn jinsab il-listing meta jiġu biex jilqgħu n-nies fi kmamar privati, fi spazji maqsuma mal-oħrajn u meta jiddeċiedu dwar in-numru ta' nies li jistgħu jinġabru fil-listing.

    Żomm f'moħħok: Airbnb tipprojbixxi li jsiru parties jew avvenimenti fil-listings ta' Airbnb madwar id-dinja kollha. Għal iktar informazzjoni aqra l-Politika għall-Parties u l-Avvenimenti tagħna.

    Iktar linji gwida għall-Hosts ta' kmamar privati u spazji maqsuma mal-oħrajn

    Jekk int Host b'listings ta' kamra privata jew spazju maqsum mal-oħrajn, għandek ukoll:

    • Tillimita l-għadd ta' klijenti skont il-ħtieġa biex kulħadd ikun jista' jżomm it-tbegħid soċjali fiż-żoni komuni skont il-liġijiet u l-linji gwida tal-post fejn jinsab il-listing
    • Meta tkun tista' tagħmel hekk b'mod sigur waqt żjara, trewwaħ iż-żoni komuni kif mitlub mill-proċess għat-tindif imtejjeb f'5 passi
    • Tnaddaf u tissanitizza ż-żoni komuni (bħall-kmamar tal-banju u l-kċejjen) ta' sikwit kemm jista' jkun

    Xi gvernijiet jistgħu jqiegħdu xi restrizzjonijiet fuq l-ospitalità fi kmamar privati jew jistgħu joħolqu iktar obbligi jew rekwiżiti għal dawk l-ispazji. Ara li tirrevedi u timxi ma' kull gwida tas-sigurtà u t-tindif oħra maħruġa mill-gvern u/jew mill-awtoritajiet tas-saħħa tal-ġurisdizzjoni lokali tiegħek.

    X'għandek tagħmel jekk waqt jew wara ż-żjara tiegħek tirċievi riżultat li għandek il-COVID-19

    Jekk dal-aħħar imradt bil-COVID-19 jew bdejt tħoss xi sintomi tal-COVID-19, ikkuntattja tabib u nissuġġerulek li barra l-awtoritajiet lokali, tavża wkoll lil dawk li stajt marradt meta ltqajt magħhom.

    Dal-artiklu kienlek ta' għajnuna?

    Artikli relatati

    Ikseb l-għajnuna bil-bookings, bil-kont tiegħek u b'affarijiet oħra.
    Idħol jew irreġistra