X'għandek tagħmel jekk il-post li se tkun qed toqgħod fih ma jkunx nadif waqt iċ-checkin

Għandek dejjem tibda billi tikkuntattja lill-Host tiegħek biex tippruvaw tilħqu ftehim. Hemm ċans kbir li jkun jista' jgħinek issolvi l-problema. Jekk il-Host ma jkunx jista' jgħinek jew jekk tixtieq titlob flusek lura, se ssibna hawn biex ngħinuk.

Ressaq talba għall-ħlas lura

Dan huwa kif għandek tħejjiha:

1. Iġbor il-provi: Jekk tista', ħu xi ritratti jew vidjow biex tagħti prova tal-problemi bħal xi kumdità nieqsa jew bil-ħsara.
2. Ibgħat it-talba tiegħek: Iddeskrivi l-problema u tella' xi ritratti jew vidjow jekk tista'. Tista' titlob lill-Host biex isewwi l-problema, titlob il-ħlas lura għat-tariffa tat-tindif jew, jekk ikun hemm problemi serji, titlob biex tikkanċella l-booking tiegħek u titħallas flusek kollha lura għall-iljieli tal-booking li jkun għad fadal.
3. Stenna t-tweġiba tieħu: Se tkun tista' titlob lil Airbnb biex tidħol għalik u tgħinek jekk il-Host jirrifjuta jew ma jweġibx. Airbnb se timxi mal-Politika dwar l-Ibbukkjar mill-Ġdid u l-Ħlasijiet Lura biex tifhem x'tip ta' għajnuna tista' tagħtik.

Kif titlob l-għajnuna ta' Airbnb

Għalkemm l-aħjar ħaġa tkun li f'kull każ il-Host u l-klijent jilħqu ftehim bejniethom, nafu li dil-ħaġa mhux dejjem possibbli. Jekk tinqala' xi problema u ma jirnexxilekx issolviha bl-għajnuna tal-Host tiegħek (jew il-Host ma jaċċettax li jgħinek jew ma jweġibx għat-talba għall-ħlas lura), avżana u xi ħadd mit-tim tagħna se jidħol għalik biex jgħinek.

Jekk naraw li l-problema taqa' taħt AirCover, jew nagħtuk flusek lura (parti minnhom jew kollha) jew skont il-każ, insibulek post fejn toqgħod bħalma bbukkjajt jew aħjar minnu.

Żomm f'moħħok li minn mindu tinduna bil-problema, se jkollok 72 siegħa ċans biex tavżana biha.

Għall-problemi b'riskju immedjat għas-saħħa bħal baqq, moffa jew allerġeni oħra, jekk jogħġbok ikkuntattja lis-servizzi tal-emerġenza lokali jekk tkun teħtieġ l-għajnuna tagħhom. Jekk teħtieġ l-għajnuna bil-booking tiegħek tista' tressaq talba lil Airbnb u aħna se niddeċiedu xi tkun l-aħjar soluzzjoni skont il-Politika dwar l-Ibbukkjar mill-Ġdid u l-Ħlasijiet Lura tagħna.