Attivitajiet illegali u pprojbiti

Airbnb ma taċċettax attivitajiet illegali jew imġibiet oħra li jistgħu jagħmlu ħsara lill-komunità tagħna.

X'naċċettaw

• Il-pussess u l-użu personali tal-kannabis: Fil-postijiet fejn hu legali li tagħmel hekk u fejn ma tkun qed tikser l-ebda regoli tad-dar, l-adulti jistgħu jużaw il-kannabis.
• Tkabbir tal-kannabis: Fejn hu legali tagħmel hekk u sakemm iżżomm mal-limiti legali, il-Host jista' jkabbar u jipproċessa l-kannabis jew il-qanneb fil-propjetà tiegħu sakemm ikun semma li jagħmel hekk fil-listing tiegħu.

X'ma naċċettawx

• Sfruttament sesswali tat-tfal: Huma x'inhuma l-liġijiet tal-post fejn tinsab, ma tistax iġġiegħel, timmanipula jew tħajjar lil xi ħadd li għadu m'għalaqx it-18-il sena biex jieħu sehem f'attivitajiet sesswali, kemm wiċċ imb wiċċ kif ukoll onlajn. Sir af iktar.
• Traffikar tal-bnedmin: Ma tistax tfittex, iżżomm, tittrasporta, tbigħ jew tixtri għandek persuna bil-forza, frodi jew vjolenza għal skopijiet ta' xogħol jew sfruttament sesswali. Sir af iktar.
• Li tilqa' n-nies għal xogħol ta' natura sesswali: Ma tistax tuża post, Esperjenza u l-propjetà tal-madwar għal servizzi sesswali bil-ħlas bħal massaġġi erotiċi jew prostituzzjoni.
• Li tfittex servizzi ta' natura sesswali: Il-klijenti m'għandhomx jitolbu u l-Hosts m'għandhomx jirriklamaw jew joffru servizzi sesswali bil-ħlas.
• Pornografika kummerċjali: Post, Esperjenza u l-propjetà tal-madwar ma jistgħux jintużaw għal skopijiet ta' ħolqien ta' ritratti jew vidjows tal-pornografija kummerċjali.
• Drogi illegali: Drogi illegali jew ristretti bħall-oppju, l-opjojdi, il-koka u l-kokaina, l-istimulanti tal-kategorija tal-amfetamina, id-dipressanti tas-sistema nervuża ċentrali u l-alluċinoneġi m'għandhomx ikunu jew jintużaw f'post fejn toqgħod, waqt Esperjenza u fil-propjetà tal-madwar sakemm ma jkunux inkisbu b'riċetta tat-tabib għal kundizzjoni medika.
• Il-manifattura u l-produzzjoni tad-drogi: Post fejn toqgħod, Esperjenza u l-propjetà tal-madwar m'għandhomx jintużaw biex jinħadmu jew jiġi manifatturati drogi illegali mill-materja prima u/jew mix-xtieli.
• Tkabbir tad-droga: Post fejn toqgħod, Esperjenza u l-propjetà tal-madwar m'għandhomx jintużaw għat-tkabbir ta' xtieli li minnhom jistgħu jiġu rfinati d-drogi illegali (bl-eċċezzjoni tal-kannabis).
• Tqassim tad-drogi: Post fejn toqgħod, Esperjenza u l-propjetà tal-madwar ma jistgħux jintużaw biex jinbiegħu, jitqassmu b'xejn, jiġu nnegozjati u jitqassmu d-drogi, inkluża l-kannabis anke jekk legalment tista' tagħmel hekk fiż-żona fejn jinsab il-listing.

Qegħdin hawn biex ngħinuk

Jekk inti jew xi ħadd ieħor tħossukhom mhedda jew mhux siguri jew tissuspetta li qed isseħħ xi sfruttar tat-tfal jew traffikar tal-bnedmin, jekk jogħġbok l-ewwel ikkuntattja lill-forzi tal-ordni tal-post biex jgħinukhom. Barra minn hekk, jekk tara jew tisfa vittma ta' mġiba li tmur kontra l-politiki tagħna, jekk jogħġbok avżana dwarha.