Modi flessibbli kif tfittex

Fittex skont il-Kategoriji

Ippakkjajt u ma tafx fejn taqbad tmur? Il-klijenti jistgħu jqallbu l-Kategoriji ta' Airbnb jekk ikunu jeħtieġu ftit ispirazzjoni—il-Kategoriji huma ġabriet ta' listings miġbura skont id-disinn uniku, il-post u l-attivitajiet qrib tal-post fejn toqgħod—maħsuba biex jgħinu lill-klijenti jsibu l-post (u l-istil) addattat għalihom. Il-klijenti jistgħu jiskopru iktar modi flessibbli kif jivvjaġġaw—jistgħu jsibu miljuni ta' djar li kellhomx idea li jeżistu.

Jekk il-klijenti jkunu jippreferu joqogħdu f'dar b'arkitettura mill-isbaħ (bħal dar iddisinjata minn Frank Lloyd Wright), jistgħu jżuru l-kategorija Disinn, ġabra ta' iktar minn 20,000 dar magħżulin apposta għall-istruttura u d-disinn ta' ġewwa ikoniċi tagħhom. Jekk il-klijenti jippreferu joqogħdu qalb in-natura, jistgħu jqallbu l-listings tal-kategorija Parks Nazzjonali li tiġbor fiha djar qrib il-Park Nazzjonali Zion u l-Grand Canyon.

Kif jaħdmu

Jekk klijent ifittex post fejn joqgħod f'destinazzjoni partikolari, ir-riżultati tat-tiftix se juru l-listings kollha. Barra dat-tip ta' riżultati, se nuru Kategoriji lill-klijenti biex nagħmluhielhom eħfef li jsibu djar mill-aqwa fiż-żona fejn ikunu qed ifittxu (jew ftit 'il barra minnha).

Jekk ma jkunux qed ifittxu destinazzjoni partikolari, il-Kategoriji li nuru se jiddependu fuq l-istaġun, il-post u t-tfittxijiet ta' qabel tal-klijent.

Fittex iż-Żjarat Maqsumin

Tixtieq taqsam iż-żjarat itwal bejn żewġt idjar differenti?

Il-klijenti jistgħu jippruvaw jużaw Żjarat Maqsumin—faċilità li għad-dati tal-vjaġġ issib żewġ postijiet fejn toqgħod, disponibbli wieħed wara l-ieħor, biex il-klijenti jibdew iż-żjara f'post u jkompluha f'ieħor u b'hekk jiskopru djar, viċinati jew destinazzjonijiet differenti.

Jekk pereżempju jkunu qed iqallbu l-Kategorija Surfing, Żjarat Maqsumin jaf turihom listing ġewwa Santa Barbara u ieħor ġewwa La Jolla, imbagħad turihom il-bogħod bejn post u ieħor fuq mappa biex ikunu jafu fejn jinsabu d-djar (u f'liema post se jibdew il-vjaġġ tagħhom). Jekk jagħżlu Żjara Maqsuma, aħna se ngħinu lill-klijenti jibbukkjaw il-postijiet fejn toqgħod wieħed wieħed bi proċess ħafif.

Aqra iktar dwar kif tibbukkja Żjarat Maqsumin.