Għaliex l-iljieli tal-kalendarju tiegħek jafu jkunu mblukkati

Ir-raġunijiet għaliex l-iljieli fil-kalendarju tal-listing tiegħek jafu jkunu mblukkati huma ħafna—minn kalendarju sinkronizzat sa booking ikkanċellat.

Aqbeż lis-settings tal-kalendarju

Is-settings tad-disponibbiltà tiegħek: Il-kalendarju tal-listing tiegħek se jimblokka l-iljieli awtomatikament biex jimxi mas-settings tad-disponibbiltà tiegħek bħalma huma ż-żmien tad-disponibbiltà bil-quddiem, l-inqas għadd ta' ljieli għal booking, iż-żmien li teħtieġ biex tħejji bejn booking u ieħor, kemm teħtieġ żmien bil-quddiem għal booking u d-dati li fihom ma taċċettax checkins. Tista' ssib ir-raġuni eżatta għaliex data hija mblukkata billi tagħfas jew tikklikkja fuq dak il-lejl imblukkat. Tista' tiftaħ dawn l-iljieli mblukkati billi jew taqbeż is-settings għal dawk l-iljieli biss jew tibdel is-settings għall-iljieli kollha.

Għandek iktar minn kalendarju wieħed imqabbad

Kalendarji oħra: Jaf irbatt il-kalendarji tiegħek ma' iktar minn listing wieħed jew issinkronizzajt il-kalendarju tal-listing ta' Airbnb tiegħek mal-kalendarju tal-listing minn sit ieħor. F'dal-każijiet il-kalendarju tal-listing tiegħek se jkun imblukkat biex ma nħallux iktar minn klijent wieħed jibbukkja l-listing tiegħek fl-istess ħin.

Iljieli mblukkati minħabba bookings pendenti jew konfermati

• Talbiet għall-vjaġġi pendenti: Jekk għandek xi talbiet pendenti marbuta mal-listing tiegħek, dawk l-iljieli se jibqgħulek imblukkati sakemm taċċetta jew tiċħad it-talba. Dawk l-iljieli se jibqgħulek imblukkati jekk ma tweġibx fi żmien 24 siegħa (tista' terġa' tiftaħhom int stess mill-kalendarju). Jekk aċċettajt booking imma l-klijent għadu ma ħallasx, il-booking se jibqa' pendenti għal 24 siegħa biex il-klijent ikollu ċans jibdel id-dettalji tal-metodu tal-pagament. Biex tikseb it-tagħrif dwar it-talbiet għall-vjaġġi pendenti, ibdel is-settings tan-notifiki tiegħek.
• Bookings ikkonfermati: Meta taċċetta talba għal vjaġġ, nimblukkawlek l-iljieli fil-kalendarju tal-listing tiegħek awtomatikament.

Iljieli mblukkati minħabba bookings ikkanċellati jew skaduti

• Bookings ikkanċellati: Jekk tikkanċella xi booking konfermat, dawk l-iljieli se jibqgħu imblukkati. Sir af iktar dwar x'jiġri meta tikkanċella booking.
• Talbiet għall-vjaġġi li laħqu skadew: Jekk talba għal vjaġġ tiskadi qabel tweġibha, dawk l-iljieli se jibqgħu mblukkati awtomatikament. Tista' tiftaħhom int stess mill-kalendarju tal-listing tiegħek.

Iktar informazzjoni meħtieġa

• Verifika tal-identità: Neħtieġu li kull klijent u kull Host jivverifikaw ruħhom. Jekk għadek ma vverifikajtx l-identità tiegħek se nimblukkawlek il-kalendarju tal-listings tiegħek u qabel twettaq dal-proċess mhux se tkun tista' tikseb bookings ġodda. Jekk klijent ma jkunx ivverifika l-identità tiegħu, il-booking se jibqa' pendenti u d-dati se jibqgħu mblukkati. Sir af iktar dwar il-verifika tal-identità.
• Ma tajtx biżżejjed informazzjoni: Ara li tajtna l-informazzjoni kollha għax Airbnb tista' timblukkalek il-kalendarju tal-listing jekk ma tajtniex l-informazzjoni kollha li neħtieġu għall-kont tiegħek.

Limitazzjonijiet fuq it-tul taż-żjarat

Limitazzjoni għal żjara għal żmien qasir: Airbnb tista' timblukkalek il-kalendarju tal-listing jekk il-listing tiegħek jinsab f'belt li ma tħallikx taċċetta bookings iqsar minn ċertu tul ta' żmien.