Aġġornament tas-Sajf 2022 ta' Airbnb: Aħbarijiet għall-Esperjenzi
Punti ewlenin
Fassalna mill-ġdid il-faċilitajiet tal-websajt u l-app tagħna—l-ikbar aġġornament tal-aħħar 10 snin
L-Esperjenzi wiċċ imb wiċċ u l-Esperjenzi Onlajn issa se jintwerew meta l-parteċipanti jużaw il-kaxxa tat-tiftix jew ifittxu skont il-post
L-SEO u l-midja soċjali jistgħu jkunu għodod importanti biex jgħinu lill-parteċipanti jsibu l-listing tiegħek
Il-postijiet fejn toqgħod u l-Esperjenzi li ssib fuq Airbnb huma uniċi. Imma l-mod tradizzjonali ta' kif in-nies ifittxu jagħmilha diffiċli biex isibuhom. Ir-raġuni hi li meta n-nies jiktbu post u dati partikolari fil-kaxxa tat-tiftix, is-soltu jsibu biss ir-riżultati li jaqblu mal-kliem li jkunu kitbu fil-kaxxa.
Bħala parti mill-Aġġornament tas-Sajf 2022 ta' Airbnb, qed inniedu disinn ġdid għall-websajt u l-app tagħna, disinn li ġie mfassal skont il-Kategoriji ta' Airbnb. Huma u jqallbu Airbnb, il-klijenti se jintwerew iktar minn 50 kategorija b'listings miġbura skont l-istil tagħhom, il-post fejn jinsabu u l-attivitajiet li hemm qrib tagħhom.
Il-websajt u l-app ta' Airbnb ġew imfassla mill-ġdid biex il-listings ikunu jistgħu jintwerew lil numru ikbar ta' klijenti li jkunu qed jippjanaw il-vjaġġ tagħhom. Dawn huma wħud mit-tweġibiet għal ħafna mistoqsijiet li rċevejna dwar kif dil-bidla se tolqot lill-Organizzaturi tal-Esperjenzi.
X'qed jinbidel?
Għall-parteċipanti li jkunu qed jużaw brawżer, il-Kategoriji Esperjenzi u Esperjenzi Onlajn issa se jibdew jintwerew meta jikklikkjaw fuq il-kaxxa tat-tiftix biex jagħżlu d-dati jew il-post li jixtiequ jżuru.
Il-parteċipanti li jkunu qed jużaw l-app tal-mowbajl se jkunu jistgħu jsibu l-Esperjenzi billi jagħfsu fuq il-kaxxa tat-tiftix fin-naħa ta' fuq tal-iskrin u jagħżlu d-dati jew il-post li jixtiequ jżuru.
Kif jistgħu l-parteċipanti jfittxu l-Esperjenzi?
Meta l-parteċipanti jkunu qed jużaw il-websajt Airbnb.com, jistgħu jikklikkjaw jew jagħfsu fuq il-kaxxa tat-tiftix biex jaqilbu l-listings tar-riżultati minn Żjarat għal Esperjenzi jew Esperjenzi Onlajn.
Il-parteċipanti li jkunu qed jużaw l-app tal-mowbajl jistgħu jagħfsu fuq il-kaxxa tat-tiftix biex jaqilbu minn Żjarat għal Esperjenzi jew Esperjenzi Onlajn. Jekk ikunu qed jużaw l-app għal iOS, bħalissa ma jistgħux ifittxu l-Esperjenzi Onlajn.
Wara li l-parteċipanti jkunu bbukkjaw iż-żjara tagħhom, fit-taqsima Vjaġġi aħna se nuruhom l-Esperjenzi li jkunu se jitmexxew fil-qrib—kemm fuq Airbnb.com kif ukoll fuq l-app tal-mowbajl.
Kif tista' tgħin lill-parteċipanti jsibu l-Esperjenza tiegħek?
Mod ta' kif tista' tgħin lill-parteċipanti jsibu l-Esperjenza tiegħek hu billi żżid kliem popolari għat-tiftix mal-listing tiegħek. Jekk pereżempju tuża kliem ewlieni tat-tiftix fl-isem u d-deskrizzjoni tal-listing tiegħek, tkun qed tagħmilha eħfef għall-parteċipanti li jsibu l-Esperjenza tiegħek meta jfittxu dak il-kliem.
Tista' wkoll tuża l-midja soċjali biex tirriklama l-Esperjenza tiegħek. Dawn huma biss ftit ideat ta' kif tista' tuża l-midja soċjali biex tgħin lin-nies jiskopru l-listing tiegħek:
Ippubblika ta' sikwit materjal li jista' jsibu kulħadd biex tilħaq kemm jista' jkun nies
Ara li dejjem ikun hemm link għall-Esperjenza tiegħek biex tkun eħfef għall-parteċipanti li jibbukkjaw
Ħeġġeġ lill-parteċipanti jittaggjaw lilek u lil #airbnbexperiences jew #airbnbonlineexperiences—u meta jagħmlu hekk, agħmel like fuq il-kontenut, ikkummenta fuqu u aqsmu mal-oħrajn
Sir af iktar dwar l-Aġġornament tas-Sajf 2022 ta' Airbnb
Punti ewlenin
Fassalna mill-ġdid il-faċilitajiet tal-websajt u l-app tagħna—l-ikbar aġġornament tal-aħħar 10 snin
L-Esperjenzi wiċċ imb wiċċ u l-Esperjenzi Onlajn issa se jintwerew meta l-parteċipanti jużaw il-kaxxa tat-tiftix jew ifittxu skont il-post
L-SEO u l-midja soċjali jistgħu jkunu għodod importanti biex jgħinu lill-parteċipanti jsibu l-listing tiegħek