Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Oħloq vidjow għall-Esperjenza wiċċ imb wiċċ tiegħek

    Il-faċilità tal-vidjows ta' Airbnb tista' tgħin il-listings jispikkaw u jiksbu iktar bookings.
    Minn Airbnb f'did-data: 26 ta’ Mej 2022
    Qari ta' 4 minuti
    Aġġornat f'did-data: 26 ta’ Mej 2022

    Punti ewlenin

    • Il-listings b'vidjow ħafna drabi jiksbu iktar bookings minn dawk li jużaw ir-ritratti biss

    • Tista' tiġbed u tibgħat il-filmati tal-Esperjenza tiegħek minn smartphone

    • L-edituri se joħolqu ħarsa bil-vidjow lejn l-Esperjenza tiegħek—bla ħlas

    Grazzi għal dil-gwida tista' tgħinna noħolqu ħarsa bil-vidjow interessanti u unika għall-paġna tal-Esperjenza tradizzjonali tiegħek. Das-servizz huwa disponibbli bla ħlas għall-Organizzaturi tal-Esperjenzi tradizzjonali kollha.

    Il-proċess mhux kumplikat. Kulma jeħtieġlek tagħmel huwa li tibgħatilna ftit filmati li juru l-iktar partijiet interessanti tal-Esperjenza tiegħek. Imbagħad tim ta' edituri professjonali se jużaw dawk il-filmati biex joħolqu ħarsa bil-vidjow lejn l-Esperjenza tiegħek u jtellgħu dak il-vidjow fuq il-paġna tal-Esperjenza tiegħek.

    Kif tiġbed il-filmati tiegħek

    Iġbed għadd ta' filmati li juru partijiet differenti tal-Esperjenza tiegħek. Kull filmat għandu jkun ta' bejn 10 u 15-il sekonda. Il-filmati kollha għandhom ikollhom stampa għat-tul, jiġifieri l-mowbajl għandu dejjem ikun f'qagħda vertikali int u tiġbed il-filmat.

    Biex ngħinuk tibda, dawn huma xi ideat dwar x'filmati tista' tiġbed:

    • Dettalji ta' x'jagħmel l-Esperjenza tiegħek waħda speċjali

    • L-atmosfera jew il-post ta' fejn titmexxa l-Esperjenza

    • Filmati tal-oġġetti u l-prodotti li jintużaw waqt l-Esperjenza

    • Filmati tiegħek u tal-parteċipanti waqt li qed tagħmlu xi ħaġa flimkien

    • Il-prodott aħħari jew il-mument tat-tmiem tal-Esperjenza

    Ipprova uri kemm jista' jkun partijiet tal-Esperjenza tiegħek minn bogħod u għoli differenti (pereżempju mil-livell tal-għajnejn, minn fuq, mill-bogħod u mill-qrib).

    Iġbed il-vidjow tiegħek għat-tul u pprova uri l-iktar affarijiet interessanti tal-Esperjenza tiegħek.

    Pariri fuq kif tiġbed vidjow ta' kwalità tajba

    • Uża smartphone, bħal pereżempju iPhone jew mowbajl li jaħdem bis-sistema Android. L-aħħar mudelli fis-suq kapaċi jiġbdu vidjows ta' kwalità tajba ħafna.
    • Ippjana x'filmati tixtieq tiġbed waqt Esperjenza ta' prova organizzata għal sħabek jew għal tal-familja.

    • Ara li ma jkunx hemm imbarazz fiż-żona ta' fejn se titmexxa l-Esperjenza biex il-parteċipanti jkunu jistgħu jiffukaw fuq l-iktar affarijiet importanti.

    • Itlob lil xi ħadd jiġbed il-filmati biex b'hekk ikollok xi filmati li juruk tmexxi l-Esperjenza.

    Affarijiet importanti oħra li għandek iżżomm f'moħħok

    • Il-permess tal-parteċipanti: Qabel ittella' l-filmati tiegħek, avża lin-nies li jkunu qed jintwerew fihom li l-filmati se jintwerew pubblikament u ikseb il-permess tagħhom.
    • Ilħna jew mużika fl-isfond: Irrekordja biss il-ħsejjes li l-parteċipanti mistennija jisimgħu waqt l-Esperjenza tiegħek—iżżidx ilħna jew mużika mal-filmati tiegħek.

    • Logos jew stampi oħra mħarsa mill-jeddijiet tal-awtur: Jekk jogħġbok evita li turi affarijiet tad-ditta—pereżempju qomos jew kpiepel bil-logos fuqhom.

    • Alkoħol: Jekk jogħġbok tiġbidx filmati ta' parteċipanti li qed jixorbu l-alkoħol. Jekk l-Esperjenza tiegħek marbuta mal-alkoħol (bħal pereżempju pubcrawl jew dewqan tal-inbid), tista' turi x-xarbiet fuq il-mejda jew lil xi ħadd qed iferra' l-alkoħol.

    • Imġiba perikoluża: Il-filmati ma jistax ikun fihom xeni perikolużi jew sesswali (inkluż nies għarwenin), użu ta' drogi jew attivitajiet ipprojbiti oħra.

    • Tfal: Jekk il-filmati juru parteċipanti taħt it-18-il sena, dawn għandhom dejjem ikunu ma' adult.

    • Politika tal-kontenut: Ara li fil-filmati ma jkollok xejn li jmur kontra l-politika tal-kontenut jew il-politika tal-jeddijiet tal-awtur tagħna.

    • Eċċezzjonijiet reġjonali: L-Organizzaturi li joffru l-Esperjenzi tradizzjonali ġewwa ċ-Ċina kontinentali m'għandhomx aċċess għal dil-faċilità.

    Kif ittella' l-filmati tiegħek

    • Agħżel bejn ħames u għaxar filmati li jogħġbuk, iftaħ il-paġna L-Esperjenzi Tiegħek tellagħhom mit-tab Vidjow. Jekk jogħġbok tibgħatx vidjows li mhux tiegħek jew vidjows editjati għax jekk iżżid xi filtri jew effetti l-edituri tagħna mhux se jkunu jistgħu jużawhom.

    • L-edituri se jużaw dawk il-filmati biex joħolqu ħarsa bil-vidjow lejn l-Esperjenza tiegħek.

    • Dal-proċess mistenni jieħu bejn ġimgħa u ġimagħtejn. Meta l-vidjow ikun lest, se ntellgħuh mill-ewwel fuq il-paġna tal-listing tiegħek.

    Jekk għandek xi mistoqsijiet dwar il-ħarsa bil-vidjow lejn l-Esperjenza tiegħek jew tixtieq tibdel il-vidjow, jekk jogħġbok imla dil-formola u t-tim tagħna se jikkuntattjak.

    Punti ewlenin

    • Il-listings b'vidjow ħafna drabi jiksbu iktar bookings minn dawk li jużaw ir-ritratti biss

    • Tista' tiġbed u tibgħat il-filmati tal-Esperjenza tiegħek minn smartphone

    • L-edituri se joħolqu ħarsa bil-vidjow lejn l-Esperjenza tiegħek—bla ħlas

    Airbnb
    26 ta’ Mej 2022
    Dan kien ta' għajnuna għalik?