Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Agħżel li tuża l-politika ta' kanċellazzjoni flessibbli għall-Esperjenzi tagħna

    Politika flessibbli tista' tgħinek tħajjar iktar parteċipanti jibbukkjaw u tnaqqas il-kanċellazzjonijiet tal-aħħar minuta.
    Minn Airbnb f'did-data: 16 ta’ Diċ 2021
    Qari ta' 2 minuti
    Aġġornat f'did-data: 16 ta’ Diċ 2021

    Punti ewlenin

    • Qed nistednuk tuża politika ta' kanċellazzjoni ġdida li hija iktar flessibbli għall-parteċipanti.

    • Ir-riċerka turi li l-parteċipanti jippreferu jibbukkjaw Esperjenzi li joffru flessibbiltà ikbar.

    • Il-politika iktar flessibbli tagħna tħalli lill-parteċipanti jikkanċellaw bla ħlas sa 24 siegħa qabel tibda l-Esperjenza.

    Mir-riċerka mwettqa minn Airbnb ħareġ li l-parteċipanti japprezzaw il-flessibbiltà li jikkanċellaw il-bookings meta jkun jeħtiġilhom jagħmlu hekk għax dil-ħaġa mhux biss tħallihom ikunu iktar spontanji imma wkoll tgħinhom iħossuhom inqas stressjati.

    Min-naħa l-oħra l-Organizzaturi qalulna li meta l-parteċipanti jikkanċellaw booking ta' Esperjenza fl-aħħar ħin, dil-ħaġa hija ta' problema għalihom. Mhux biss għax tinvestu l-ħin biex tħejju l-Esperjenza għall-parteċipanti, imma wkoll għax dil-ħaġa taffettwa d-dħul tagħkom bħala Organizzaturi.

    Wara li qisna l-kummenti tagħkom, qed naġġornaw il-politiki ta' kanċellazzjoni tal-Esperjenzi tagħna biex ngħinukom tnaqqsu l-impatt finanzjarju ta' meta xi ħadd jikkanċella fl-aħħar minuta. Issa filwaqt li se tkun tista' tħalli lill-parteċipanti jagħżlu l-Esperjenzi li jgħoddu għalihom, se jkollok l-għażla li tagħżel bejn politika ta' kanċellazzjoni flessibbli u politika ta' kanċellazzjoni iktar stretta.

    X'qed jinbidel?

    Mill-10 ta' Novembru 2021 'il quddiem, l-Organizzaturi tal-Esperjenzi kollha se jiġu mistiedna biex jibdew jużaw politika ta' kanċellazzjoni iktar flessibbli ġdida. Se tkun tista' tagħżel bejn il-politika li qed nużaw bħalissa bil-bidliet li se ndaħħlu fis-seħħ u politika ġdida iktar flessibbli, li se nfiehmuk dwarha hawn taħt:

    • Li qed tintuża bħalissa bi ftit bidliet: Il-parteċipanti jistgħu jikkanċellaw bla ħlas sa 7 ijiem qabel il-ħin li fih suppost tibda l-Esperjenza jew fi żmien 24 siegħa mill-booking—sakemm l-Esperjenza tkun inxtrat mill-inqas 48 siegħa bil-quddiem.
    • Iktar flessibbli: Il-parteċipanti jistgħu jikkanċellaw bla ħlas sa 24 siegħa qabel il-ħin li fih suppost tibda l-Esperjenza.

    Qabel, il-politika ta' kanċellazzjoni tal-Esperjenzi ta' Airbnb kienet tħalli lill-parteċipanti jieħdu flushom kollha lura basta jikkanċellaw sa 7 ijiem qabel il-ħin li fih suppost tibda l-Esperjenza jew fi żmien 24 siegħa mill-ħin tal-booking. Biss ħafna Organizzaturi qalulna li din ma kinetx sistema tajba għalihom għax dawk li jibbukkjaw fl-aħħar minuta setgħu jikkanċellaw u jieħdu flushom kollha lura.

    L-Organizzaturi qalulna li jippreferu jkollhom kontroll ikbar fuq il-politiki ta' kanċellazzjoni tagħhom—u dal-aġġornament qed isir għalhekk, ħalli l-Organizzaturi ma jkollhomx għalfejn jagħlqu l-bookings tal-Esperjenzi tagħhom 48 siegħa qabel il-ħin tal-bidu tal-Esperjenza biex jevitaw il-kanċellazzjonijiet tal-bookings tal-aħħar minuta.

    Aġġorna l-politika ta' kanċellazzjoni tiegħek

    Agħżel dik li tgħodd għalik
    Iftaħ l-Esperjenzi Tiegħek
    Meta trid, tista' tibdel il-politika ta' kanċellazzjoni tal-Esperjenza tiegħek minn L-Esperjenzi Tiegħek » Editja » Settings ġenerali » Politika ta' kanċellazzjoni.

    Kif se taffettwa l-proċess tal-ħlas lura dil-ħaġa?

    Il-bidliet li għamilna fil-politika ta' kanċellazzjoni tal-Esperjenzi li qed nużaw bħalissa huma maħsuba biex innaqqsu l-kanċellazzjonijiet tal-aħħar minuta. Issa d-dħul tal-Organizzaturi se jkun imħares iktar fil-każ li parteċipant jibbukkja inqas minn 48 siegħa qabel il-ħin tal-bidu tal-Esperjenza u mbagħad jikkanċella.

    Qis liema politika l-iktar tgħodd għalik

    Sakemm m'għandhomx problema bil-parteċipanti li jikkanċellaw sa 24 siegħa qabel il-ħin tal-bidu tal-Esperjenza, l-Organizzaturi jistgħu jagħżlu l-politika ta' kanċellazzjoni iktar flessibbli l-ġdida. Mir-riċerka li għamilna ħareġ li l-biċċa l-kbira tal-parteċipanti jippreferu jkollhom l-għażla li jikkanċellaw b'mod flessibbli—kemm għall-Esperjenzi tradizzjonali kif ukoll għal dawk onlajn. Dil-ħaġa turina li anke jekk xi wħud mill-parteċipanti jikkanċellaw, jekk tagħżel li tuża politika ta' kanċellazzjoni iktar flessibbli fl-aħħar mill-aħħar jaf tħajjar iktar parteċipanti jibbukkjaw.

    Jekk l-Esperjenza tiegħek teħtieġ ftit żmien mhux ħażin bħala avviż bil-quddiem jew ħafna xogħol ta' tħejjija, nissuġġerulek tibqa' tuża l-politika li qed tintuża bħalissa bil-bidliet li għamilna fiha—imma żomm f'moħħok li hija ftit inqas flessibbli għall-parteċipanti.

    Żur iċ-Ċentru tal-Għajnuna tagħna biex issir taf iktar.

    Punti ewlenin

    • Qed nistednuk tuża politika ta' kanċellazzjoni ġdida li hija iktar flessibbli għall-parteċipanti.

    • Ir-riċerka turi li l-parteċipanti jippreferu jibbukkjaw Esperjenzi li joffru flessibbiltà ikbar.

    • Il-politika iktar flessibbli tagħna tħalli lill-parteċipanti jikkanċellaw bla ħlas sa 24 siegħa qabel tibda l-Esperjenza.

    Airbnb
    16 ta’ Diċ 2021
    Dan kien ta' għajnuna għalik?