Qatt ma kienet eħfef li żżid jew teditja l-kumditajiet

Dawk id-dettalji żgħar tal-listing, bħal pereżempju x'tip ta' kafè se jsibu l-klijenti kull filgħodu, jaf jagħmel differenza kbira għal vjaġġ. Għalhekk nixtiequ nagħmluhielek eħfef biex tgħid lill-klijenti li qed jaħsbu biex jibbukkjaw miegħek x'tip ta' kumditajiet jinsabu fl-ispazju tiegħek biex filwaqt li ngħinuhom jifhmu x'għandhom jistennew, ngħinuk toffrilhom żjara ta' 5 stilel. Għalhekk żidna iktar minn 40 għażla ta' kumdità ġdida flimkien ma' modi ġodda ta' kif tista' toħloq listing iktar preċiż u teditja d-dettalji tal-listing tiegħek.

L-iktar ħaġa li kburi/ja biha jaf tkun il-veduta tal-foresta jew il-panorama tal-oċean li għandek mit-tieqa tas-salott, għalhekk żidna "veduti panoramiċi" bħala waħda mill-kumditajiet li tista' tagħżel. Jekk għandek veduta tal-muntanji, tal-lag jew anke veduta ta' parti mil-lag, issa tista' tagħmel lid-dar tiegħek tispikka. Il-klijenti se jkunu jistgħu jsibu l-listings bil-veduti li jippreferu—u se tkun tista' tgħinhom jifhmu b'mod realistiku x'veduta joffri l-post tiegħek.

Tista' żżid veduta panoramika mit-taqsima 'Dettalji tal-Listing' f'Immaniġġja l-Ispazju Tiegħek. Kemm tagħżel il-listing tixtieq teditja.

Il-klijenti jixtiequ jkunu jafu jekk fl-ispazju tiegħek hemmx xi affarijiet speċjali bħal kċina fuq barra, terrazzin jew blender biex tħejji l-ismoothies kull filgħodu. Dawn huma xi wħud mill-kumditajiet li tista' tagħżel:

• Aċċċess għall-bajja
• Aċċess għal resort
• Apparat għall-eżerċizzju fiżiku
• Branda
• Materjal għall-qari

Il-klijenti se jkunu jistgħu jippjanaw meta jkunu jafu x'għandhom jistennew miż-żjara tagħhom. U importanti tgħidilhom x'se toffri: Is-Superhosts tagħna għallmuna li l-propjetà m'għandhiex għalfejn tkun perfetta—l-iktar ħaġa importanti hija li tgħarraf lill-klijenti tiegħek dwar x'jistgħu jistennew li jsibu mal-wasla tagħhom għandek.

Ġbarna l-iktar kumditajiet popolari biex ngħinuk issibhom u tagħżilhom malajr. Pereżempju issa tista' tgħid li l-post tiegħek għandu l-wifi, sett tat-televiżjoni, post apposta fejn tista' taħdem, magna tal-ħasil, arja kkundizzjonata u iktar—dan kollu f'taqsima waħda.

Komplejna niġbru l-kumditajiet skont it-tip għalhekk xorta għadek tista' tagħżel f'daqqa l-kumditajiet tal-kċina kollha li toffri imma żidna wkoll taqsima bil-kumditajiet popolari biex nagħmluhielek eħfef tgħarraf lilll-klijenti tiegħek li toffri l-iktar faċilitajiet imfittxija.

Qabel, fuq Airbnb stajt tuża l-faċilità tal-kumditajiet biex tgħarraf lill-klijenti li toffri post apposta fejn tista' taħdem jew post fuq barra bħal terrazzin. Imma issa tista' tagħti iktar dettalji lill-klijenti li qed jaħsbu biex jibbukkjaw miegħek. Pereżempju tista' tgħin lil dawk li jaħdmu mid-dar jifhmu jekk il-post tiegħek jgħoddx għalihom billi tgħid li joffri skrivanija, monitor, siġġu tal-uffiċċju jew mejda u tista' tgħarraf lill-klijenti jekk it-terrazzin tiegħek hux privat jew hux maqsum ma' oħrajn.

Tista' wkoll tagħti iktar dettalji dwar iktar kumditajiet bħal pereżempju:

• Servizzi u tagħmir ta' streaming bħal Apple TV, Netflix, Disney+ u oħrajn
• Magna tal-kafè, jekk hux drip, Keurig jew magna tal-espresso
• BBQ, jekk jaħdimx bil-faħam jew bl-injam
• Fireplace fuq ġewwa, jekk pereżempju hux tal-elettriku jew tal-injam
• Sistemi ta' tisħin u tkessiħ

Jekk il-kumditajiet tal-listing tiegħek jinbidlu, issa se tkunlek eħfef li taġġornahom biex b'hekk tkun tista' tkompli tiffoka fuq dak li tagħmel l-aħjar—li toffri ospitalità mill-aqwa lill-klijenti tiegħek.