Oġġetti tad-dar miġbura mill-Hosts għall-Hosts, grazzi għal Airbnb u Etsy

Il-Hosts sabu li jekk iżżid xi oġġetti żgħar maħsuba fl-ispazju tiegħek, dawnjagħmlu differenza kbira mal-klijenti li tilqa'. Għalhekk qed nissieħbu ma' Etsy biex nipproponu ġabra ta' oġġetti tad-dar li jistgħu jgħinuk toħloq post addattat għall-klijenti. Il-biċċa l-kbira tal-ġabra hija bbażata fuq il-kumditajiet li jfittxu l-klijenti huma u jibbukkjaw il-postijiet fejn joqogħdu.

Ħafna mill-oġġetti f'dil-ġabra jinħadmu bl-idejn apposta għalik jew jistgħu jiġu personalizzati skont l-ispazju tiegħek. Meta tixtri mingħand il-bejjiegħa ta' Etsy tkun qed tgħin ukoll lil imprendituri oħra.

Etsy u Airbnb: L-arti ta' kif tilqa' n-nies tiġbor f'post wieħed ġabra ta' oġġetti maħsuba għad-dar li mhux biss huma sbieħ, imma maħduma b'xogħol mill-aqwa. Din il-paġna bit-tema ta' Airbnb hija parti mis-suq onlajn ta' Etsy u fiha tista' ssib oġġetti għall-Hosts, oġġetti maħduma mill-Hosts u affarijiet artiġjanali oħra.*

Dan huwa post fejn tista' ssib xi ideat fuq kif tilqa' l-klijenti, iżżejjen il-post u tixtri affarijiet oħra biex ittejjeb l-ispazju tiegħek. Hawn tista' ssib affarijiet għall-mejda, bjankerija, logħob, prodotti għall-pets, għamara għall-uffiċju tad-dar u fost uħud mill-kumditajiet u l-affarijiet oħra li l-klijenti jieħdu gost ħafna li jsibu.

Minbarra l-prodotti se ssib ukoll pariri fuq kif taġġorna d-dehra tal-post tiegħek mingħand Hosts b'esperjenza li jbigħu wkoll il-prodotti tagħhom fuq Etsy.

Id-dejta ta' Airbnb turi li xi kumditajiet jistgħu jħajru lill-klijenti jibbukkjaw miegħek, jimpressjonawhom matul iż-żjara tagħhom u jżidu ċ-ċans li jiktbulek reviews mill-aqwa. Il-ġabra tal-prodotti ta' Etsy hija bbażata fuq did-dejta.

Pereżempju l-klijenti ta' spiss ifittxu kċejjen mgħammra tajjeb. Għalhekk il-ġabra ta' prodotti ta' Etsy tinkludi tazzi tax-xorb minfuħa bl-idejn, xogħol Rebecca, Host ġewwa Providence, Rhode Island; maggijiet tal-kafè taċ-ċeramika, xogħol Kate, Superhost ġewwa New South Wales, l-Awstralja; u fardal ikkulurit, xogħol Vikki, Host li kienet tilqa' n-nies ġewwa Edmonton, il-Kanada.

Il-fatt li toffri xi bjankerija u prodotti għat-tindif żejda jista' jgħin biex il-klijenti—l-iktar dawk li qed jivvjaġġaw bit-tfal jew bil-pets magħhom—iħossuhom megħjuna matul iż-żjara tagħhom. Tista' tixtri bjankerija tas-sodda b'kuluri ċari xogħol Liene, Host ġewwa Riga, il-Latvja; kutra ratba xogħol Özge, Host ġewwa Montreal; u sponża għall-borom mingħajr plastik, xogħol Madie, Host ġewwa Fort Wayne, Indiana.

Meta żżid spazju għal ħidma fuq laptop jaf tħajjar lill-klijenti li jkunu qed ifittxu żjarat itwal—għalhekk fil-ġabra tal-prodotti ta' Etsy se ssib mejda tal-laptop b'disinn pulit, xogħol ta' Wood Forms Collective; skrivanija li tista' titmexxa minn post għall-ieħor, xogħol CBMYCreative; u jekk tixtieq tagħmel il-post tiegħek ftit eleganti, mappa tad-dinja fi gwarniċ tal-injam tas-siġar tal-ġewż amerikan, xogħol Luke u Abby, Hosts ġewwa Dallas.

Kemm jekk qed tibdel id-dehra tal-post kif ukoll jekk qed tagħmel bidliet ikbar, tista' tagħmel differenza kbira fil-livell tal-ospitalità li toffri billi żżid xi affarijiet żgħar li l-klijenti jafu japprezzaw.

*Il-paġna ta' Etsy hija disponibbli madwar id-dinja kollha bl-Ingliż.

L-informazzjoni li tinsab f'dal-artiklu jaf laħqet inbidlet minn meta ġie ppubblikat.