Materjal kontra r-razziżmu għall-komunità ta' Airbnb
Punti ewlenin
Minħabba li għadna qed naraw inġustizzji jseħħu kontra l-komunità sewda, dawn huma xi ideat li tista' tuża jekk trid tagħti sehmek u jekk tixtieq tkun alleat aħjar
Is-sena l-oħra l-imwiet traġiċi ta' George Floyd, Breonna Taylor, Ahmaud Arbery u numru kbir ta' nies suwed oħra wassal biex ħafna nies għaddew minn żminijiet ferm diffiċli, inklużi ħafna Hosts u klijenti. Rajna wkoll żieda qawwija fil-vjolenza kontra l-Asjatiċi.
Il-grupp tar-riżorsi tal-ħaddiema Black@ ħoloq Gwida dwar l-Attiviżmu u l-Alleanza u aħna qsamnieha mal-komunità tagħna ġewwa l-Istati Uniti. L-għanijiet tagħna kienu li ngħinu lill-Hosts u lill-klijenti li jinsabu mweġġa', irrabjati, imbeżża' jew mhux ċerti minn dak li jeħtieġilhom jagħmlu biex iservu ta' bidla, kif ukoll li noffru l-materjal għall-membri tal-komunità tagħna fuq kif jistgħu jsiru alleati aħjar.
Ma nistgħux nitkellmu dwar l-avvenimenti li seħħew dal-aħħar mingħajr ma nammettu l-verità pjuttost kerha li xi Hosts u klijenti madwar id-dinja għadhom qed jiltaqgħu mad-diskriminazzjoni. Din hija xi ħaġa li tmur direttament kontra l-missjoni tagħna li noħolqu dinja fejn kulħadd iħossu d-dar, ikun fejn ikun. Fl-2016 Airbnb nediet il-Politika ta' Nondiskriminazzjoni u l-Impenn tal-Komunità tagħna. Minn dak iż-żmien 'l hawn, neħħejna mill-pjattaforma tagħna iktar minn 1.3 miljun persuna li rrifjutaw li jaqblu magħhom. Fadlilna ħafna xogħol x'nagħmlu u mhux se nieqfu mill-ġlieda tagħna kontra d-diskriminazzjoni.
Dal-aħħar qsamna xi materjali biex ngħinuk tgħin lill-komunità tal-persuni Asjatiċi u ta' dawk li ġejjin mill-Gżejjer tal-Paċifiku u kabbarna l-Gwida dwar l-Attiviżmu u l-Alleanza li semmejna iktar 'il fuq.
Il-Gwida dwar l-Attiviżmu u l-Alleanza aġġornata toffri materjal u suġġerimenti mingħand attivisti u esperti fil-ġlieda kontra r-razziżmu li ġejjin mill-Istati Uniti, mir-Renju Unit u mill-Unjoni Ewropea kif ukoll mill-Irlanda, mill-Afrika t'Isfel, mill-Kanada u minn pajjiżi oħra. Ħsibna li nkunu qed ngħinuk jekk naqsmu dal-materjal il-ġdid miegħek, għax aħna lkoll flimkien impenjati biex insiru allejati aħjar u iktar attivi.
Jekk jogħġbok ħu ħsieb tiegħek innifsek, u oqgħod attent.
B'solidarjetà,
It-Tim ta' Airbnb
L-informazzjoni jaf laħqet inbidlet minn meta ġie ppubblikat l-artiklu.
Punti ewlenin
Minħabba li għadna qed naraw inġustizzji jseħħu kontra l-komunità sewda, dawn huma xi ideat li tista' tuża jekk trid tagħti sehmek u jekk tixtieq tkun alleat aħjar