Id-dashboard tad-dħul: Ħarsa aqwa lejn il-qagħda finanzjarja tiegħek

Meta tifhem id-dħul tiegħek, jaf tkun tista' tmexxi n-negozju tiegħek aħjar. Għalhekk qed inżidu iktar faċilitajiet suġġeriti mill-Hosts fid-dashboard tad-dħul.

• Grafiċi interattivi għal għarfien iktar dettaljat. Ifhem id-dħul tiegħek xahar b'xahar u sena b'sena u ffiltra d-dħul bil-listings biex tikseb iktar dettalji dwar il-bookings tas-snin ta' qabel u biex tkun tista' tbassar id-dħul tal-ġejjini.
• Ir-rapporti tad-dħul minn post wieħed. Ikseb ir-rapporti xahar b'xahar u sena b'sena awtomatikament u niżżilhom bħala PDF. Ir-rapporti jagħtuk rendikont maqsum bil-listings u bil-metodi tal-ħlas.

Iftaħ id-dashboard tad-dħul mit-tab Menù. Biex tiftaħha, agħżel Dħul.

Dan dak kollu li se ssib fid-dashboard tad-dħul imtejba.

Il-grafika tad-dħul fin-naħa ta' fuq tad-dashboard turik:

• Kemm daħħalt kull xahar fis-sitt xhur ta' qabel
• Kemm daħħalt flus dax-xahar s'issa
• Kemm, skont il-bookings mistennija, nistennew li se tagħmel fil-ħames xhur li ġejjin

Agħfas il-vleġġa doppja biex tkabbar u tuża l-grafika tad-dħul. Din il-modalità l-ġdida turik id-dħul tiegħek maqsum xahar b'xahar jew sena b'sena u maqsum skont il-listing. Uża l-filtru biex tagħżel liema listing jew listings għandna nuruk.

Taħt il-grafika tad-dħul interattiva, in-numri ta' kif sejjer se juruk:

• L-għadd ta' bookings
• L-għadd ta' ljieli bbukkjati
• Ir-rata tal-okkupanza
• It-tul medju taż-żjarat

Dan-numri jinħadmu skont il-medda taż-żmien u l-listings li tkun tlabtna nuruk. Se jinbidlu awtomatikament kull darba li tuża filtru jew terġa' tiftaħ id-dashboard.

Biex tikseb rendikont tad-dħul tiegħek mill-bidu tas-sena s'issa, ħdejn il-grafika agħfas fuq Ara t-taqsira tad-dħul tiegħek. Se nuruk id-dħul gross—il-flus kollha li daħħalt qabel tnaqqis ieħor. Kull tnaqqisa tintwera fuq linja għaliha u wara se ssib id-dħul nett li tkun għamilt.

Dan dak li se tintwera:

• Id-dħul gross
• Il-bidliet
• It-tariffa tas-servizz tal-Host
• It-taxxi miżmuma
• Is-somma tad-dħul nett

Id-dashboard turi t-tranżazzjonijiet li seħħew dal-aħħar u dawk li għandek mistennija. Iftaħ liema tranżazzjoni tixtieq biex tikseb dettalji bħal:

• Ir-rendikont tal-prezz
• Id-data ta' meta ntbagħat jew mistenni li jintbagħat
• Għażla li titħallas fi żmien 30 minuta grazzi għal Ħlas Malajr (ġewwa l-Istati Uniti tal-Amerka biss)
• Il-kodiċi tal-booking
• Isem u r-ritratt tal-klijent

Iftaħ il-lista tat-tranżazzjonijiet kollha mistennija jew diġà mħallsa biex tikseb stampa aħjar. Minn hemm se tkun tista':

• Tiffiltra t-tranżazzjonijiet bid-data, bil-listing u bil-metodu tal-ħlas
• Tfittex is-somma tal-pagament eżatta jew il-kodiċi tal-konferma tal-booking
• Oħloq rapporti personalizzati bħala fajls CSV billi tagħżel liema dettalji tixtieq li juru, fosthom il-metodu tal-ħlas, id-data tal-booking u l-kodiċi tal-konferma tal-booking

Airbnb issa toħloqlok ir-rendikonti xahar b'xahar u sena b'sena awtomatikament f'ċentru tar-rapporti ġdid. Tista' tikseb rapporti b'lura sas-sena meta bdejt tilqa' n-nies u tniżżilhom jew titlobna nibagħtuhomlok b'email bħala PDF.

Kull rapport jagħtik id-dettalji tad-dħul għal dak ix-xahar jew dik is-sena, fosthom:

• Rendikont tad-dħul gross, tal-bidliet, tat-tariffa tas-servizz tal-Host, tat-taxxi miżmuma u tas-somma tad-dħul nett
• Numri dwar kif sejjer bħall-iljieli bbukkjati u t-tul taż-żjara medju
• Id-dħul maqsum bil-listings u l-metodi tal-ħlas
• Id-dħul kull xahar għas-sena magħżula (għar-rapporti sena b'sena biss)

Agħfas fuq l-ikona tar-rota bis-snien min-naħa ta' fuq tad-dashboard tad-dħul biex issib:

• Is-settings tal-ħlasijiet, fejn tista' ssib jew iżżid il-metodi tal-ħlas u r-regoli tar-routing
• Id-dettalji tat-taxxa, fejn tista' tieħu ħsieb id-dettalji u d-dokumenti tat-taxxa tal-kontribwent
• Ir-rapporti tad-dħul, mod ieħor kif tikseb ir-rendikonti fiċ-ċentru tar-rapporti l-ġdid

Inkiteb ma' Aċċess Bikri biex tipprova d-dashboard tad-dħul imtejba minn issa.

Is-servizz jaf ivarja skont il-post fejn tinsab.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.