Regoli bażi għall-klijenti

Din is-sena, 84% tal-bookings ta' Airbnb li saru bejn Jannar u Ġunju wasslu għal review ta' ħames stilel. Min-naħa tagħkom qed tagħmlu xogħol kbir biex tieħdu ħsieb il-klijenti u min-naħa tagħna nixtiequ nieħdu ħsiebkom ukoll.

Biex niżguraw li l-klijenti jirrispettaw djarkom, qed inniedu r-regoli bażi għall-klijenti—standards obbligatorji ġodda li jorbtu lill-klijenti li jirrispettaw darek u jobdu r-regoli tad-dar tiegħek. Dawn huma sempliċi u ċari u nuruhom lil kull klijent qabel jibbukkja.

Ir-regoli bażi jitolbu li l-klijenti jirrispettaw darek, jimxu mar-regoli tad-dar tiegħek u javżawk minnufih jekk tinqala' xi problema.

Dawn mhuma xejn ġdid, li hemm ġdid huwa l-metodu li qed nużaw biex niżguraw li jiġu obduti. Ir-regoli bażi jaħdmu flimkien mal-proċess tar-reviews il-ġdid tagħna li, wara kull żjara, jiġbor iktar dettalji mingħand il-Hosts u l-klijenti.

Jekk pereżempju klijent iħallilek it-twapet maħmuġin u tirrapporta l-problema, jew billi tagħti rating baxx marbut mal-indafa fil-proċess tar-reviews il-ġdid jew għax tikkuntattja lit-tim tal-Għajnuna lill-Komunità, aħna se nżommu lill-klijent responsabbli ta' għemilu.

Jekk klijent jikser ir-regoli bażi, l-ewwel darba se jingħata twissija. Jekk l-imġiba ma tinbidilx, il-klijent jista' jiġi sospiż mill-pjattaforma ta' Airbnb. Ikseb iktar dettalji

Ir-regoli tad-dar dejjem kienu għodda li tgħin lill-klijenti jifhmu x'tistenna mingħandhom. Grazzi għar-regoli bażi, il-klijenti se jkunu obbligati jimxu ma' kull regola tad-dar marbuta mas-suġġetti li tagħżel mil-lista t'hawn taħt:

• Pets
• Avvenimenti
• Tipjip
• Vaping u sigaretti elettroniċi (ġdida)
• Sigħat kwieti (ġdida)
• Ħinijiet taċ-checkin u taċ-checkout (ġdida)
• L-ikbar numru ta' klijenti (ġdida)
• Fotografija u teħid ta' filmati kummerċjali (ġdida)

Ir-regoli tad-dar tiegħek jintwerew ukoll b'mod iktar prominenti f'erba' postijiet: fuq il-paġna tal-listing tiegħek, fuq il-paġna tal-konferma meta l-klijenti jibbukkjaw l-ispazju tiegħek, fl-email "Lesti l-bagalji!" u fil-"Gwida tal-Wasla" li l-klijenti jirċievu qabel il-vjaġġ tagħhom.

Jekk tavża lil klijent li kiser ir-regoli tad-dar standard tiegħek u minħabba f'hekk il-klijent jikteb review inġusta jew review fejn b'xi mod jipprova jagħmillek il-ħsara, grazzi għall-proċess il-ġdid tar-reviews tagħna tista' titlob li dik ir-review titneħħa.

Grazzi għar-regoli bażi, l-istess obbligi jgħoddu wkoll għall-indafa u l-komunikazzjoni. Tista' tirrapporta l-problemi bl-indafa u l-komunikazzjoni waqt il-proċess il-ġdid tar-review jew tista' tikkuntattja lit-tim tal-Għajnuna lill-Komunità.

Jekk tikteb iktar regoli tad-dar raġjonevoli jew titlob lill-klijent jagħmel xi ħaġa qabel iċ-checkout, aħna se navżaw lill-klijent b'dar-regoli qabel jibbukkja ż-żjara tiegħu.

Ir-regoli bażi nbnew skont il-ħsibijiet u l-kummenti li intom il-Hosts qsamtu magħna. Nittamaw li tkomplu taqsmu l-ideat tagħkom magħna.

Ikseb id-dettalji dwar l-Aġġornament tax-Xitwa 2022 ta' Airbnb

L-informazzjoni li tinsab f'dal-artiklu jaf laħqet inbidlet minn meta ġie ppubblikat.