Għin il-listing tiegħek jispikka

Żid ritratti mill-isbaħ u l-iktar kumditajiet popolari biex tgħin lil-listing tiegħek jispikka fir-riżultati tat-tiftix tal-klijenti. Dad-dettalji jgħinu lill-klijenti jifhmu jekk l-ispazju tiegħek jgħoddx għalihom.

Ir-ritratti huma importanti ħafna għal-listing tiegħek. Hawn għandek xi ideat fuq kif tista' tużahom biex tolqot lill-klijenti biex iżżid iċ-ċans li tikseb iktar bookings.

• Ħu l-aqwa ritratti li tista'. Ifhem fi xħin il-kmamar tiegħek ikollhom l-iktar dawl naturali, iftaħ l-għata tat-twieqi u żbarazza l-post.
• Aħseb kif se tqassam ir-ritratt. Ipprova ħu taħlita ta' ritratti mill-bogħod, mill-qrib u oħrajn fejn iżżomm is-suġġett tar-ritratt fil-qalba tal-gwarniċ. Ħu r-ritratti bi dritt is-suġġett; teħodhomx minn fuq jew minn isfel.
• Agħti dawra mad-dar bir-ritratti. Ħu r-ritratti ta' kull spazju li se jkunu jistgħu jużaw il-klijenti. Id-dawra mad-dar bir-ritratti mibnija bl-IA ta' Airbnb tqassamlek ir-ritratti kamra b'kamra awtomatikament biex tgħin lill-klijenti jifhmu kif inhu mqassam il-post.

Ikseb iktar pariri fuq kif tieħu ritratti mill-aqwa għal-listing u sib kif tista' taħdem ma' fotografu professjonali bil-programm tat-teħid ta' ritratti professjonali tagħna.

Int u toħloq il-listing tiegħek, se nitolbuk tagħżel minn lista qasira ta' kumditajiet popolari. Wara li tippubblika l-listing, ara li żżid il-bqija tal-kumditajiet tal-listing mil-lista sħiħa ta' kważi 150 kumdità.

Ħafna klijenti jużaw il-filtri biex isibu postijiet li għandhom il-kumditajiet u l-faċilitajiet li jixtiequ. Meta jkollok lista ta' kumditajiet kompluta, tkun qed tgħin lil-listing tiegħek jispikka fir-riżultati tat-tiftix u lill-klijenti tiegħek jifhmu x'għandhom jistennew li jsibu.

Fost l-iktar kumditajiet imfittxija mill-klijenti ta' Airbnb hemm:

• Wifi
• Pixxina
• Jacuzzi
• Kċina
• Servizz tat-televiżjoni jew tal-cable
• Arja kkundizzjonata
• Magna tal-ħasil u dryer
• Parkeġġ bla ħlas
• Self checkin

Uża l-isem u d-deskrizzjoni tal-listing biex turi x'hemm speċjali dwar l-ispazju tiegħek.

• Tiktibx ismijiet twal. Ngħidu aħna, "Loft modern fil-qalba tal-belt" huwa isem qasir li jgħin lill-klijenti jifhmu x'se jsibu. Tużax ittri kbar ħlief fl-ewwel ittra tal-ewwel kelma tal-isem u fl-ismijiet propji. Tużax wiċċini, simboli jew ismijiet miktuba kollha b'ittri kbar.
• Semmi dak li jagħmel il-post tiegħek speċjali. Fl-isem tista' ssemmi l-post fejn jinsab il-listing jew l-aqwa kumdità li fih bħal, ngħidu aħna, "Kabina komda bi kċina ta' kok".
• Tużax formalitajiet u kliem tqil. Ikteb id-deskrizzjoni tal-listing tiegħek bl-istess stil li tuża int u tkellem lil xi ħadd minn sħabek. Semmi dak li jogħġbok l-iktar fil-post.

Airbnb għandha regoli bażi li jgħoddu għall-klijenti kollha. Huma ċari u ħfief: Meta jibbukkjaw, il-klijenti għandhom jiħdulek ħsieb darek bħal li kieku kienet darhom u għandhom jaqblu mar-regoli tad-dar standard tiegħek.

Ir-regoli tad-dar tiegħek jgħinu lill-klijenti jifhmu x'tistenna minnhom meta jkunu fl-ispazju tiegħek. Dawn ir-regoli ma jistgħux jiksru r-regoli tas-servizz u l-politika ta' nondiskriminazzjoni ta' Airbnb.

Agħżel fost waħda mil-listi tar-regoli tad-dar standard ta' Airbnb f'dawn l-oqsma:

• Pets
• Avvenimenti
• It-tipjip, il-vaping u s-sigaretti elettroniċi
• Ħinjiet mingħajr storbju
• Ħinijiet taċ-checkin u taċ-checkout
• L-ikbar għadd ta' klijenti
• Teħid ta' ritratti u filmati kummerċjali

Jekk għandek xi istruzzjonijiet speċjali li mhux fir-regoli tad-dar standard, tista' tiktibhom fis-settings tal-listing tiegħek.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.