Mur 'il quddiem biex taċċessa r-riżultati suġġeriti

    It-tweġibiet għall-mistoqsijiet tal-Hosts: l-Aġġornament tas-Sajf ta' Airbnb

    L-ismijiet tal-listings reġgħu se jibdew jintużaw u magħhom għandha aġġornamenti utli oħra.
    Minn Airbnb f'did-data: 10 ta’ Ġun 2022
    4 minuti biex taqrah
    Aġġornat f'did-data: 22 ta’ Lul 2022

    Punti ewlenin

    • L-ismijiet tal-listings u l-għadd tar-reviews reġgħu lura

    • L-għadd tar-reviews jintwera fir-riżultati tat-tiftix

    Nhar il-11 ta' Mejju nedejna l-Aġġornament tas-Sajf 2022 ta' Airbnb b'mod ġdid kif tfittex imfassal għall-Kategoriji ta' Airbnb. Minn dak iż-żmien 'l hawn, ġbarna l-kummenti u l-ħsibijiet ta' eluf ta' Hosts miċ-Ċentru tal-Komunità, mill-Klabbs tal-Hosts, bl-email u mill-workshops li organizzajna flimkien mal-Bord Konsultattiv tal-Hosts u mexxejja oħra tal-komunità tal-Hosts. Grazzi għall-kummenti u s-suġġerimenti utli li qsamtu magħna. Illum nixtiequ naqsmu magħkom dak li se nagħmlu biex nagħtukom l-iktar 3 affarijiet li tlabtuna.

    Il-fatt li nikteb l-isem tal-listing tiegħi jien stess kien wieħed mill-modi ta' kif kont ngħin lid-dar tiegħi tispikka. Beħsiebkom terġgħu żżidu l-ismijiet tal-listings mar-riżultati tat-tiftix?

    Iva, żidna lura l-ismijiet tal-listings miktuba mill-Hosts għar-riżultati tat-tiftix meta klijent ifittex skont il-post fejn ikun jixtieq iżur.

    Konna neħħejna l-ismijiet tal-listings personalizzati biex noħolqu deskrizzjonijiet standard għall-pjattaforma kollha tagħna. Il-ħsieb kien li nagħmluha eħfef għall-klijenti biex isibu u jqabblu l-postijiet fejn toqgħod. F'ċerti każijiet kien hemm ismijiet twal li kienu jieħdu iktar minn linja waħda jew ismijiet li kienu jużaw emojis li ma kellhomx xejn x'jaqsmu mal-listing. Dawn l-affarijiet kienu jagħmlu r-riżultati tat-tiftix iktar ikkumplikati u kultant kienu anke qed idejqu lill-klijenti.

    Nedejna wkoll ritratti ikbar għal-listings għax ir-ritratti ħafna drabi huma l-ewwel ħaġa li l-klijenti jfittxu f'listing. Dan ifisser li kellna nnaqqsu l-kwantità ta' informazzjoni li kienet qed tintwera taħt ir-ritratti fir-riżultati tat-tiftix.

    Bgħattulna ħafna kummenti u ħsibijiet dwar il-bidliet, fosthom ħafna talbiet biex nerġgħu nħallukom tiktbu l-ismijiet tal-listings tagħkom. Nifhmu għaliex hija xi ħaġa tant importanti għalikom: L-isem tal-listing huwa wieħed mill-ewwel affarijiet li jinqara mill-klijenti fir-riżultati tat-tiftix u tista' tużah biex turi dak li jagħmel l-ispazju uniku.

    Nhar is-17 ta' Ġunju ppubblikajna linji gwida ġodda fuq kif għandhom jinkitbu l-ismijiet tal-listings. Issuġġerejna li l-isem ma jkunx itwal minn 32 karattru, li tuża l-ittri kbar u żgħar kif suppost u li tevita l-emojis u s-simboli. L-iktar ħaġa importanti tibqa' li ssemmi dak li jagħmel il-post tiegħek uniku.

    L-ismijiet tal-listings tiegħek issa qed jintwerew fir-riżultati tat-tiftix ta' Airbnb meta klijent ifittex skont il-post li jixtieq iżur.

    Ninsab imħasseb/imħassba li l-listing tiegħi mhux jinstab daqshekk malajr. Lili biss qed tiġri dil-ħaġa?

    Hemm għadd ta' fatturi li jistgħu jaffettwaw il-mod ta' kif ikun sejjer il-listing tiegħek, fosthom l-istaġun tas-sena u l-qagħda ekonomika. Nixtiequ nispjegawlek ftit kif il-klijenti jistgħu jsibu l-listing tiegħek u x'qed nagħmlu biex intejbu l-esperjenza tal-booking għalihom.

    Għalkemm hemm ħafna klijenti li jużaw il-Kategoriji ta' Airbnb biex isibu xi ideat u jibbukkjaw il-postijiet fejn joqogħdu, il-biċċa l-kbira tan-nies għadhom jibbukkjaw billi jiktbu fil-kaxxa tat-tiftix il-post fejn jixtiequ jmorru u d-dati li matulhom jixtiequ jivvjaġġaw. Meta l-klijenti jiktbu l-post fejn jixtiequ jżuru—eżatt kif kienu jagħmlu qabel—dawn se jkunu qed jużaw it-tab "Id-djar kollha" biex isibu l-postijiet fejn toqgħod li jkunu disponibbli f'post partikolari u jibbukkjaw il-listing li jgħodd għalihom.

    Aġġornament: Għamilna xi bidliet oħra fis-servizz tagħna minn mindu nedejna l-Aġġornament ta' Mejju. Erġajna żidna l-għadd tar-reviews u dan qed jintwera ħdejn ir-rating bl-istilel meta klijent ifittex skont il-post fejn ikun jixtieq iżur. Barra minn hekk, minħabba li l-biċċa l-kbira tat-tfittxijiet tal-klijenti huma għal dati partikolari, għandek issib li, għat-tfittxijiet il-ġodda, il-kalendarju ħa post "Jien flessibbli" bħala l-għażla tat-tiftix standard.

    Il-Kategoriji ta' Airbnb idea tajba, imma kif nista' nsib il-kategorija li jinsab fiha l-listing tiegħi? U x'għandi nagħmel jekk nixtieq li jintwera f'kategorija oħra wkoll?

    Il-Kategoriji ta' Airbnb huma ġabriet ta' djar mibnija skont l-istil uniku tagħhom, il-post fejn jinsabu jew kemm jinsabu qrib tal-affarijiet li tista' tagħmel int u tivvjaġġa. Il-Kategoriji huma mod ġdid kif nuru l-ħafna listings differenti li għandna fuq Airbnb u ngħinu lill-klijenti jsibu postijiet li qatt ma kienu joħolmu li jeżistu.

    Ħloqna l-kategoriji għax nemmnu li fl-aħħar mill-aħħar, hemm kategorija addatta għal kull listing. Ħadna gost ħafna bl-entużjażmu tal-Hosts li huma ħerqana li jużaw il-kategoriji l-ġodda. Dan nistgħu narawh mill-ħafna ideat li qsamtu magħna għal kategoriji ġodda—minn djar sostenibbli sa listings addattati għall-familji, propjetajiet fiċ-ċentru u postijiet fejn toqgħod b'uffiċċju fejn tista' taħdem mid-dar.

    Minbarra li qed naħdmu mal-komunità tal-Hosts tagħna biex noħolqu proċess biex insibu kategoriji ġodda, qed naħsbu fuq modi ta' kif nagħtuk l-opportunità tiċċekkja l-kategorija li jaf ikun jinsab fiha l-listing tiegħek. Se nkunu qed naqsmu iktar dettalji fix-xhur li ġejjin.

    Sadattant tista' tagħmel numru ta' affarijiet biex il-listing tiegħek ikun jista' jinstab u jiżdied mal-kategoriji mit-tim tagħna. Ara li d-dettalji tiegħu jkunu aġġornati, kompluti u eżatti. Ara wkoll li jkollok ritratti ta' kwalità għolja fil-listing tiegħek għax il-kwalità tar-ritratti hija waħda mill-iktar affarijiet importanti għall-kategoriji.

    Bħal dejjem, nistednuk taqsam il-ħsibijiet u l-kummenti tiegħek magħna jew tieħu sehem f'Workshop għall-Hosts permezz tal-Klabb tal-Hosts lokali tiegħek.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • L-ismijiet tal-listings u l-għadd tar-reviews reġgħu lura

    • L-għadd tar-reviews jintwera fir-riżultati tat-tiftix

    Airbnb
    10 ta’ Ġun 2022
    Dan kien ta' għajnuna għalik?