Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif jaħdem il-proċess tal-booking ta' Airbnb?

    Ikseb id-dettalji dwar il-mistoqsijiet, it-talbiet għall-booking, il-Booking Immedjat u iktar.
    Minn Airbnb f'did-data: 9 ta’ Fra 2021
    Vidjow ta' 2 minuti
    Aġġornat f'did-data: 18 ta’ Aww 2022

    Punti ewlenin

    • Jekk ikollhom xi mistoqsijiet dwar il-post tiegħek, il-klijenti jafu jibagħtulek mistoqsijiet dwar il-booking

    • Tista' tuża l-Booking Immedjat jew titlob li tapprova t-talbiet tal-bookings int stess

    • Biex tirnexxi bħala Host, importanti li tilqa' n-nies b'mod inklussiv

    Il-proċess tal-bookings ta' Airbnb ġie mfassal biex, kemm jista' jkun, ikun ħafif u ma jiħux ħin. Imma, bħala Host ġdid jaf ikollok xi mistoqsijiet dwar kif jaħdem.

    Malli tifhem kif jaħdem il-proċess li bih tirċievi u twieġeb għall-mistoqsijiet dwar il-bookings, tixgħel u titfi l-Booking Immedjat, iżżomm kont tal-bookings tal-klijenti u tippjana fit-tul grazzi għall-kalendarju, nemmnu li tkun lest/a biex tilqa' l-ewwel klijenti tiegħek.

    Kif tirċievi t-talbiet għall-bookings

    Xi klijenti jafu jkollhom xi mistoqsijiet—bħal pereżempju jekk jistgħux jagħmlu ċ-checkin qabel jew dwar il-post eżatt fejn jinsab il-listing tiegħek. Dal-klijenti jafu jibagħtulek mistoqsija dwar il-booking qabel jibbukkjaw. Meta jibagħtulek mistoqsijiet se tirċievi email jew notifika fl-inbox ta' Airbnb jew it-tnejn li huma—skont is-settings li tkun għażilt.

    Il-klijenti jafu jibagħtulek mistoqsija dwar il-booking anke jekk tuża l-Booking Immedjat. Dawn jagħmlu hekk biex jiksbu ftit iktar informazzjoni qabel jibbukkjaw. Se jkollok 24 siegħa ċans biex twieġeb għall-messaġġ tagħhom. Wara li tkun weġibthom tista' tibagħtilhom:

    • Approvazzjoni minn qabel, li jekk għandek il-Booking Immedjat mitfi, tħalli lill-klijenti jibbukkjaw il-listing mingħajr ma jkollok għalfejn terġa' tapprovahom—sakemm jagħmlu hekk fi żmien 24 siegħa
    • Offerta speċjali, li tħallik toffri prezz irħas (tintuża ta' sikwit għal żjarat itwal)
    • Notifika li ma tistax tilqa' lill-klijent, sakemm ma tiksirx il-politika ta' nondiskriminazzjoni tagħna

    Il-paġna tal-mistoqsijiet dwar il-bookings tagħtik tliet għażliet: approva minn qabel, offerta speċjali jew irrifjuta.
    Jekk tixtieq tikseb l-istatus ta' Superhost, se teħtieġ rata ta' rispons ta' 90% (fost affarijiet oħra) għalhekk ipprova dejjem wieġeb lill-klijenti fi żmien 24 siegħa.

    Kif il-klijenti jistgħu jibbukkjaw l-ispazju tiegħek

    Il-klijenti li ma jkollhomx mistoqsijiet se jkunu jistgħu jibbukkjaw iż-żjara tagħhom bil-Booking Immedjat (jekk xgħeltu) jew b'talba għall-booking (jekk għandek il-Booking Immedjat mitfi).

    • Il-Booking Immedjat huwa l-għażla tal-bookings standard għal-listings kollha. Jekk tuża l-Booking Immedjat, il-klijenti li jkollhom ir-rekwiżiti tiegħek kollha u li jaqblu mar-regoli tad-dar se jkunu jistgħu jibbukkjaw l-ispazju tiegħek minnufih għad-dati li jkollok disponibbli. Il-Booking Immedjat juri li lest/a tilqa' lil kull min ikollu r-rekwiżiti li qed titlob, sinjal importanti li juri li int Host inklussiv.
    • Meta tirċievi talba għall-booking se jkollok 24 siegħa ċans biex tiċċekkjaha u tagħżel li taċċettaha jew tirrifjutaha. Se tkun tista' tiċċekkja l-profil u r-reviews tal-klijenti. Xi Hosts, speċjalment dawk li joffru spazji uniċi jew li d-disponibbiltà tagħhom hija xi ftit mhux tas-soltu, jagħżlu li japprovaw kull talba huma stess.
    Meta tirċievi talba għall-booking, niżżel il-paġna 'l isfel biex issib il-profil tal-klijent u l-aħħar reviews li jkun kiseb.
    Aħna nippruvaw inwieġbu malajr u nippruvaw naċċettaw kemm jista' jkun talbiet. Huwa wieħed mill-aqwa modi biex il-listings tiegħek jintwerew f'post aħjar fir-riżultati tat-tiftix.
    Superhosts Danielle and Eli,
    Tannersville, New York

    Kif iżżomm il-kalendarju tiegħek aġġornat

    Tista' tibdel il-prezz u s-settings tal-listing biex taddatta għad-domanda fiż-żona tiegħek skont iż-żmien tas-sena. Ftit pariri ta' malajr għall-kalendarju:

    Ikseb iktar dettalji dwar is-settings tal-bookings u tal-kalendarju

    Meta tibda tifhem aħjar kif il-klijenti jibbukkjaw l-ispazju tiegħek u kif se tkun l-esperjenza tal-booking tagħhom, imbagħad tkun tista' tiffoka fuq dak li kapaċi tagħmel l-aħjar: tilqa' lill-klijenti tiegħek.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Jekk ikollhom xi mistoqsijiet dwar il-post tiegħek, il-klijenti jafu jibagħtulek mistoqsijiet dwar il-booking

    • Tista' tuża l-Booking Immedjat jew titlob li tapprova t-talbiet tal-bookings int stess

    • Biex tirnexxi bħala Host, importanti li tilqa' n-nies b'mod inklussiv

    Airbnb
    9 ta’ Fra 2021
    Dan kien ta' għajnuna għalik?