Kif il-Host jistgħu jgawdu mill-bidliet għall-klijenti li jibbukkjaw żjarat ta' xahar

Il-vjaġġaturi minn madwar id-dinja kollha qed jużaw Airbnb għal vjaġġi itwal. Kważi wieħed minn kull ħamest iljieli bbukkjati jagħmel parti minn booking ta' mill-inqas 28 lejl.* L-iġded faċilitajiet jagħmluha eħfef biex il-klijenti jsibu u jibbukkjaw iż-żjarat ta' xahar.

Fost l-aġġornamenti, imħabbra bħala parti mill-Aġġornament tas-Sajf tal-2023 ta' Airbnb, hemm:

• Tiftixa mtejba għall-bookings ta' xahar. It-tab "Ta' xahar" tagħmilhielek eħfef li tfittex il-listings li tista' tibbukkja għal żjarat itwal. Il-klijenti jistgħu jibdlu d-data tal-bidu tal-vjaġġ u jagħżlu t-tul tal-vjaġġ minn ċirku bl-għażliet ta' bejn xahar u tnax-il xahar.
• Il-punti ewlenin dwar il-listing fir-riżultati tat-tiftix. Fir-riżultati tat-tiftix, il-kumditajiet ewlenin bħalma huma wifi tajjeb, post apposta fejn taħdem, ċarġer tal-karozzi tal-elettriku u oġġetti għat-tfal (bnienen, siġġijiet għoljin, ġugarelli, eċċ.) jintwerew taħt isem il-listing tiegħek.
• Tariffi tas-servizz irħas. Mir-raba' xahar taż-żjara 'l quddiem, it-tariffi għall-klijenti li jkunu bbukkjaw iż-żjara itwal jorħsu.
• Pagamenti li jinġabru darba fix-xahar. Il-klijent se jħallas għall-ewwel 30 jum ta' żjara itwal malli jibbukkja u l-bqija tas-somma xahar b'xahar. Hu u jħallas, il-klijent se jingħata d-dati ta' meta u x'somom għandu jħallas biex ikun jista' jaħseb għall-ispejjeż tal-vjaġġ.
• Prezzijiet irħas meta tħallas bil-bank. Ir-residenti tal-Istati Uniti tal-Amerka jistgħu jiksbu skont għaż-żjarat tagħhom ta' 28 lejl jew iktar madwar id-dinja jekk iħallsu b'kont tal-bank tal-Istati Uniti tal-Amerka marbut mal-kont ta' Airbnb tagħhom. Il-booking għandu jsir mill-inqas sebat ijiem qabel iċ-checkin.

Il-faċilitajiet il-ġodda mhux se jagħmlu differenza fid-dħul tal-host u lanqas se jibdlu d-dati ta' meta l-host ta' żjarat itwal għandu jistenna li jitħallas.

Tista' tħeġġeġ lill-klijenti jibbukkjaw il-listing tiegħek billi tagħtihom skont għal booking ta' xahar u tibdel il-listing tiegħek u timmarka l-kumditajiet kollha li wieħed jista' jsib fil-post. L-iktar kumditajiet imfittxija għaż-żjarat fit-tul jintwerew awtomatikament fin-naħa ta' fuq tal-paġni tal-listings.

Ngħidu aħna, klijent li jkun qed ifittex post fejn toqgħod għal 3 xhur ġewwa l-Bay Area ta' San Francisco, jaf isib listing b'dil-informazzjoni enfasizzata:

• Ħallas xahar b'xahar. Mhux se tħallas kollox f'daqqa.
• Tajjeb għax-xogħol mid-dar. Wifi tajjeb ħafna b'ħeffa ta' 350 Mbps u spazju apposta fejn tista' taħdem.
• Kumditajiet għal kuljum. Il-host ħejja dan il-post għal żjarat twal—il-post għandu kċina, magna tal-ħasil, dryer u parkeġġ bla ħlas.

Jekk int host ġdid li tixtieq ftit tal-għajnuna personalizzata għaż-żjarat fit-tul, agħfas hawn u aħna nsibulek Ambaxxatur Superhost li jista' jgħinek.

*Skont dejta interna miġbura minn Airbnb minn madwar id-dinja kollha, 21% tal-iljieli kollha bbukkjati fl-2022 u 18% tal-iljieli bbukkjati fl-ewwel tliet xhur tal-2023 kienu parti minn żjara ta' 28 lejl jew iktar.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.