Kif taqsam mal-klijenti x'għandu x'joffri l-post tiegħek
Il-kumditajiet huma importanti ħafna għall-klijenti ta' Airbnb. Huma u jfittxu post fejn joqogħdu, il-klijenti jistgħu jużaw il-filtri biex isibu biss postijiet li joffru l-kumditajiet li jixtiequ.
Anke affarijiet żgħar bħal TV u kaxxa tal-ewwel għajnuna jistgħu jagħmlu l-vjaġġi eħfef u isbaħ għall-klijenti. Għalhekk nissuġġerulek issemmi kull ħaġa li toffri.
Il-klijenti ta' sikwit ifittxu listings li joffru:
- Wifi
- Kċina
- Magna tal-ħasil jew dryer
- Parkeġġ bla ħlas
- Arja kkundizzjonata
- Post apposta fejn tista' taħdem
- Pixxina jew hot tub
Biex iżżid il-kumditajiet mal-listing, agħżel l-affarijiet mil-listi tal-iktar kumditajiet imfittxija mill-klijenti. Se tkun tista' żżid il-kumditajiet li ma jkunux fil-listi wara li tippubblika l-listing tiegħek.
Imbagħad semmi l-affarijiet marbuta mas-sigurtà li hemm fuq il-post, bħal pereżempju allarm tad-duħħan.
Xi pariri ta' malajr:
1. Ittellifx mill-valur tal-post tiegħek. Jekk il-post tiegħek għandu xi kumdità, semmiha. Ħalli lill-klijenti jiddeċiedu huma jekk, pereżempju, iż-żona tal-ikel fuq barra b'mejda tal-piknik hix komda daqs iż-żona tas-sufanijiet bil-cushions.
2. Għid lill-klijenti x'għandhom jistennew li jsibu. Uża d-deskrizzjoni tal-listing biex tagħti iktar dettalji lill-klijenti—pereżempju għidilhom jekk il-BBQ tiegħek jaħdimx bil-gass jew bil-faħam.
3. Poġġi lilek innifsek flok il-klijent. Aħseb ftit dwar dak li tixtieq u teħtieġ li ssib kieku kont int li qed tivvjaġġa bħala klijent. Nissuġġerulek biex maż-żmien iżżid dawk l-affarijiet u kumditajiet oħra magħhom.
"Ara li toffri l-kumditajiet bażiċi," jgħid Harry, Host ġewwa Ateni, il-Greċja. Meta toffri dal-kumditajiet, jaf tkun qed tħajjar iktar nies jibbukkjaw il-post tiegħek. "Il-flus li nfaqt fuq hair dryer u ħadida tal-mogħdija li tgħaddi bil-fwar kienu investiment tajjeb."