Kif tikseb reviews ta' 5 stilel
Ir-reviews jistgħu jgħinuk ittejjeb il-listing tiegħek, jgħinuh jintwera iktar 'il fuq fir-riżultati tat-tfittxija u jgħinuk tikseb l-istatus ta' Superhost. Għalhekk normali li tkun trid tistinka biex tikseb ħames stilel kull darba li jiġi joqgħod xi ħadd għandek.
Peress li s-Superhosts għandhom ikollhom rating ta' mill-inqas 4.8, jafu sew kif għandhom jagħmlu biex jiksbu reviews ta' ħames stilel. Fil-vidjow tagħna t'hawn fuq, tkellimna ma' Catherine u Bryan, Superhosts ġewwa Colombus, Ohio, li qasmu magħna l-aqwa suġġerimenti tagħhom fuq kif tikseb reviews mill-aqwa.
Spjega lill-klijenti x'għandhom jistennew
"Wieħed mill-aktar modi effettivi biex niżguraw li l-klijenti jkunu sodisfatti bl-esperjenza tagħhom huwa li nispjegawlhom dak li nistennew mingħandhom qabel ma jagħfsu l-buttuna 'ibbukkja'," tgħid Catherine. "Nixtiequ nagħtu kemm jista' jkun informazzjoni fuq il-paġna tal-listing tagħna, anki jekk tkun xi ħaġa bħal, "Id-dar għandha 'l fuq minn 100 sena, jiġifieri stenna li ssib bibien li jżaqżqu.'"
Wieġeb fil-pront
Għinhom iħossuhom id-dar
"Meta tiġi biex tarma l-ispazju tiegħek, l-iktar ħaġa importanti hija li jħossuhom qishom qegħdin f'darhom," tgħid Catherine. "Neħħi r-ritratti personali u l-imbarazz kollu li għandek." L-ewwel għandek tara li l-klijenti jħossuhom komdi, imbagħad ma tagħmilx ħażin li żżid ftit oġġetti li jgħinu biex l-ispazju tiegħek jinħass kenni.
Meta żżejjen il-post bi ħsieb, jaf tkun qed tgħin biex il-klijenti jħossuhom iktar komdi. "Dan ma jfissirx li trid tmur tixtri kċina ġdida," żied jgħid Bryan. "L-importanti li l-ambjent tiegħek jinħass komdu, sabiħ, spazjuż u nadif."
Oħloq atmosfera lokali
"Meta n-nies jiġu joqogħdu għandek, ma tkunx qed taqsam biss id-dar tiegħek magħhom—tkun qed taqsam ukoll il-belt tiegħek," tgħid Catherine. Hi u Bryan joffru lill-klijenti mhux biss prodotti bħal shampoo, conditioner u prodott għat-tindif tal-wiċċ magħmula lokalment, imma wkoll sett ta' kotba artistiċi ġejjin mingħand imprenditur tal-post. "Aħna nħobbu naqsmu mal-oħrajn il-belt ta' Columbus mill-perspettiva tagħna," tgħid Catherine.
Ħejji ruħek għal dak li jista' jinqala'
"Minkejja li tagħmel li tista' biex tkun Host mill-aqwa, dejjem hemm ċans li xi ħaġa tmurlek żmerċ," tgħid Catherine. Bryan jaqbel, u jżid: "Darba ġara li nfaqa' pajp u għarrqilna l-ewwel sular kollu."
Il-klijenti tagħhom, li kienu qed jiċċelebraw l-ewwel lejl taż-żwieġ tagħhom, ma setgħux jaqbduhom. "Wara dik l-esperjenza spiċċajna qabbadna Co-Host biex jekk xi darba oħra ma jirnexxilniex inwieġbu lil klijent, dejjem ikun hemm xi ħaddieħor flokna," tgħid Catherine.
Hu x'inhu t-tip ta' post li qed toffri fuq Airbnb, ir-reviews tal-klijenti jistgħu jkunu siewja u juruk li qed tagħmel biċċa xogħol tajba. "Meta xi ħadd iħallielna review tajba, ikollna konferma li dak li qed nagħmlu qed nagħmluh tajjeb u nħossu li ħidmitna qed tiġi apprezzata," tgħid Catherine. "Il-fatt li nilqgħu n-nies għenna noħolqu tip ta' ħajja li togħġobna ħafna."
Skopri iktar fil-gwida bil-vidjow dwar kif tibda' tilqa' lin-nies
L-informazzjoni li tinsab f'dal-artiklu jaf laħqet inbidlet minn meta ġie ppubblikat.