Għaliex huwa tant importanti twieġeb lill-klijenti malajr

L-għodod ta' Airbnb jistgħu jagħmluhielek eħfef twieġeb.
Minn Airbnb f'did-data: 4 ta’ Mej 2021
2 minuti biex taqrah
Aġġornat f'did-data: 9 ta’ Mar 2023

L-iktar Hosts li jmorru tajjeb huma dawk li jwieġbu lill-klijenti minnufih. Iktar ma jkollok rata ta' rispons tajba, iktar il-listing tiegħek jintwera f'post aħjar fir-riżultati tat-tiftix tal-klijenti.

Tweġiba malajr hija importanti—l-iktar qabel il-booking u fil-ħin taċ-checkin u ċ-checkout—għax il-klijenti jafu jkunu jeħtieġu xi ftit dettalji qabel jagħmlu l-booking jew biex jidħlu jew joħorġu mill-post. Tlabna lill-Hosts b'rata ta' rispons tajba ħafna biex jaqsmu ftit pariri magħna.

Twieġeb iktar malajr

"Ara li n-notifiki jkunu mixgħula fl-app ta' Airbnb, għall-SMSs u għall-emails biex b'hekk kull darba li tirċievi messaġġ, tiġi avżat dwaru fuq il-mowbajl," jgħidilna Omar, Superhost ġewwa l-Belt tal-Messiku.

Wara li tagħmel hekk, tista' tibda tipprova l-għodod ta' Airbnb biex it-tweġibiet jintbagħtu awtomatikament. Kath, Host ġewwa Albany, l-Awstralja tħobb tuża t-tweġibiet ta' malajr. "Jiffrankawli ħafna ħin għax ma jkollix għalfejn noqgħod nikteb l-istess ħaġa għal kull klijent," tgħidilna

Il-

messaġġi awtomatiċi huma siewja ħafna, l-iktar għaċ-checkin u ċ-checkout. Keshav, membru tal-Bord Konsultattiv tal-Hosts ġewwa New Delhi, l-Indja jibgħat messaġġ awtomatikament 24 siegħa qabel iċ-checkins u jagħti l-istruzzjonijiet ta' kif tista' tidħol fil-post tiegħu u informazzjoni oħra li tista' tkun ta' siwi għall-wasla tal-klijenti.

"Jekk il-klijent ma jitfaċċax fil-ħin taċ-checkin, nibgħatlu messaġġ ieħor biex nara għandux l-informazzjoni kollha meħtieġa. "Hawn għandek id-dettalji f'każ li ntlift jew ma tistax issib il-post," jgħidilna Keshav.

Kif naħdmu r-rata ta' rispons

Ir-rata ta' rispons hija l-perċentwali ta' messaġġi ġodda mingħand il-klijenti li fl-aħħar 30 jum weġibt fi żmien 24 siegħa.

  • Din tqis it-tweġibiet għall-mistoqsijiet tal-klijenti, li taċċetta jew tirrifjuta booking jew li tibgħat approvazzjoni minn qabel.

  • Jekk twieġeb wara 24 siegħa, ir-rata ta' rispons ġenerali tiegħek se tonqos u l-ħin medju għat-tweġibiet tiegħek se jiżdied.

Waħda mill-iktar affarijiet importanti meta tilqa' n-nies hija li żżomm għajnejk fuq il-kont ta' Airbnb tiegħek u twieġeb malajr għall-messaġġi. Meta tagħmel hekk tkun qed ittejjeb ir-rata ta' rispons u tgħin il-listing tiegħek jintwera f'post aħjar fir-riżultati tat-tiftix.

L-informazzjoni li tinsab f'dal-artiklu jaf laħqet inbidlet minn meta ġie ppubblikat.
Airbnb
4 ta’ Mej 2021
Dan kien ta' għajnuna għalik?