Mur 'il quddiem biex taċċessa r-riżultati suġġeriti

    Kif tħejji l-ispazju u l-klijenti tiegħek biex jilqgħu għan-nirien

    Ara li int u l-klijenti tiegħek tkunu tafu x'għandkom tagħmlu f'każ ta' emerġenza.
    Minn Airbnb f'did-data: 5 ta’ Aww 2022
    2 minuti biex taqrah
    Aġġornat f'did-data: 5 ta’ Aww 2022

    Punti ewlenin

    • Isseħibna mal-International Association of Fire Chiefs biex nippruvaw innaqqsu r-riskju tan-nirien

    • Ipprova l-pariri tagħha biex tnaqqas ir-riskju ta' nirien fil-propjetà tiegħek

    • Kun ċar mal-klijenti biex ikunu jafu kif għandhom iħejju ruħhom f'każ ta' nirien

    Iż-żieda rekord fin-nirien qed tolqot lill-Hosts u lill-klijenti madwar id-dinja kollha. Biex tħares lilek innifsek, lill-klijenti u lill-propjetà tiegħek, issa importanti iktar minn qatt qabel li jkollok pjan ta' x'għandu jsir f'każ ta' nirien.

    Airbnb tieħu s-sigurtà tal-klijenti bis-serjetà ħafna. Bħala parti mit-Trust & Safety Advisory Coalition li nedejna dal-aħħar, isseħibna mal-International Association of Fire Chiefs (IAFC) biex naqsmu xi riżorsi dwar is-sigurtà f'każ ta' nirien maħsuba biex ngħinuk iżżomm il-propjetà tiegħek sigura u biex naqsmu mal-klijenti xi informazzjoni importanti li tista' tkun siewja f'każ ta' emerġenza.

    X'tista' tagħmel biex tnaqqas ir-riskju tan-nirien

    Tagħmel tajjeb li tħejji minn qabel gwida biex tintuża f'każ ta' nirien fil-komunità tiegħek. Il-programm Ready, Set, Go! ta' IAFC huwa riżorsa importanti li toffri pariri għas-sigurtà f'każ ta' nirien. Għalkemm il-programm immirat għall-Istati Uniti tal-Amerka, il-pariri li jagħti jistgħu jintużaw madwar id-dinja kollha.

    Dawn huma ftit mis-suġġerimenti ta' IAFC:

    • Biex toħloq spazju fejn in-nar jista' jiġi kkontrollat aħjar, neħħi l-ħxejjex u l-pjanti li kibru żżejjed f'raġġ ta' 9 metri mid-dar, mill-garaxx u minn bini ieħor fil-propjetà tiegħek.
    • Uża wċuħ ibsin—bħal konkrit, ġebel jew bricks—għall-paviment f'raġġ ta' metru u nofs madwar id-dar tiegħek.
    • Int u tħawwel il-ħxejjex u x-xtieli madwar id-dar, agħżel dawk li jifilħu għan-nar, li z-zkuk tagħhom ma jsirux injam u li ma jitwalux iżżejjed.
    • Neħħi l-friegħi li jkunu fil-baxx biex ikun hemm mill-inqas żewġ metri bejn il-ħxejjex, l-arbuxelli u s-siġar itwal.

    Biex dejjem tkun taf l-aħħar aħbarijiet int u tilqa' n-nies, tista' tirreġistra għat-twissijiet tal-emerġenza taż-żona li fiha tinsab il-propjetà tiegħek. Il-biċċa l-kbira tagħhom diġà huma disponibbli mill-websajt tal-belt jew l-istat tiegħek. B'hekk meta tilqa' n-nies dejjem tista' tkun taf x'qed jiġri, anke jekk ma tkunx tinsab qrib il-propjetà.

    Kif tgħallem lill-klijenti tiegħek dwar is-sigurtà f'każ ta' nirien

    Xi klijenti jafu jkunu ġejjin minn żoni li ma jintlaqtux min-nirien u għalhekk jistgħu ma jkunux jafu x'inhuma r-riskji. Biss dejjem tista' tgħin tħejji lill-klijenti.

    Ipprova dal-pariri tal-programm Ready, Set, Go!:

    • Fir-regoli tad-dar, żid ftit informazzjoni bażika dwar l-effett tan-nirien fiż-żona tiegħek biex qabel jibbukkjaw, il-klijenti jkunu jafu li hemm ċans ta' nirien.
    • Ħalli lista ta' kuntatti tal-emerġenza f'post li tista' tinstab malajr—pereżempju mal-friġġ jew fuq tavolina.
    • Agħti l-isem li ż-żona jew il-viċinat magħrufin bih (pereżempju 'il-komunità ta' Mulwood ġewwa Calabasas, California'). Tista' żżid dil-informazzjoni mar-regoli tad-dar u mal-lista ta' informazzjoni tal-emerġenza tiegħek.
    • Ħalli mappa taż-żona għall-klijenti u fuqha ikteb l-indirizz tal-propjetà u l-ismijiet tat-toroq fil-qrib u mmarka r-rotot li jistgħu jużaw biex jaħarbu f'każ ta' emerġenza u l-postijiet siguri fejn jistgħu jmorru jistkennu.
    • Ħeġġeġ lill-klijenti biex jirreġistraw għat-twissijiet tal-emerġenza tal-post u jżommu ruħhom aġġornati dwar in-nirien, anke jekk ma jkun hemm l-ebda nar qrib il-propjetà tiegħek.
    • Għarraf lill-klijenti li m'hemmx għalfejn jistennew l-ordni tal-awtoritajiet biex jitilqu miż-żona, iktar u iktar billi jafu jkunu jeħtieġu iktar ħin minn ħaddieħor billi ma jafux sew iż-żona.

    Tista' tikkuntattja lid-dipartiment tat-tifi tan-nar tal-post għal iktar informazzjoni dwar kif tħejji għan-nirien. Jekk il-post tiegħek jinsab ġewwa l-Istati Uniti tal-Amerka, tista' wkoll tagħti ħarsa lejn Ready, Set, Go! biex issir taf iktar dwar in-nirien u toħloq pjan għall-emerġenzi.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Isseħibna mal-International Association of Fire Chiefs biex nippruvaw innaqqsu r-riskju tan-nirien

    • Ipprova l-pariri tagħha biex tnaqqas ir-riskju ta' nirien fil-propjetà tiegħek

    • Kun ċar mal-klijenti biex ikunu jafu kif għandhom iħejju ruħhom f'każ ta' nirien

    Airbnb
    5 ta’ Aww 2022
    Dan kien ta' għajnuna għalik?