Kif toħloq strateġija tal-prezzijiet

Il-prezz huwa wieħed mill-affarijiet ewlenin li l-klijenti jqisu meta jkunu qed jiddeċiedu fejn se joqogħdu. Hu kemm hu sabiħ l-ispazju tiegħek, jekk ikollu prezz ogħla minn postijiet oħra bħalu fil-qrib, hemm ċans kbir li titlef il-bookings.

Fl-2022, il-listings bi prezzijiet li nbidlu mill-inqas erba' darbiet fis-sena raw żieda ta' iktar minn 30% fl-iljieli bbukkjati meta mqabbla maż dawk li ma wettqux dal-bidliet.* Ipprova dal-pariri biex issib strateġija tal-prezz li tgħodd għalik.

Ibda billi tfittex il-prezzijiet ta' listings oħra bħal tiegħek fl-istess żona fuq Airbnb. Qis x'qed toffri fosthom:

• It-tip ta' propjetà: dar, appartament, eċċ.
• Kemm se jkollhom spazju l-klijenti: il-post kollu, kamra privata, eċċ.
• Kemm-il klijent jista' jorqod komdu fil-post tiegħek: in-numru ta' sodod u kmamar tas-sodda li hemm fil-post tiegħek
• L-iktar kumditajiet popolari: wifi, kċina, taċċetta l-pets, eċċ.

Int u tqabbel il-prezzijiet, agħżel dati ftit xhur fil-ġejjieni biex tieħu stampa aħjar ta' x'inhu disponibbli. Il-postijiet li jkunu għadhom disponibbli ġimgħa jew tnejn bil-quddiem jafu ma jkunux ġew ibbukkjati għax ikunu għaljin wisq.

Meta tifhem xi prezzijiet qed jitolbu Hosts oħra skont iż-żmien tas-sena jaf jgħinek tifhem aħjar xi prezzijiet għandek titlob għal kull staġun, fi tmiem il-ġimgħa, meta jkunu se jseħħu xi avvenimenti speċjali jew fi żmien il-btajjel. Tista' ssib ix-xejriet tal-vjaġġi tal-klijenti fiż-żona tiegħek mit-tab tal-Opportunitajiet.

Il-prezz ta' kull lejl li titlob mhux se jkun il-prezz totali li jħallsu l-klijenti. Il-prezz totali jiġbor fih it-tariffi l-oħra li tagħżel li titlob (għat-tindif, għall-klijenti l-oħra li jingħaqdu mal-booking jew għall-pets) u t-tariffa tas-servizz ta' Airbnb.

Il-klijenti jistgħu jagħżlu li jaraw il-prezzijiet totali minnufih fil-postijiet fejn il-liġijiet tal-post ma jitolbuniex nuru l-prezz totali minnufih. Prezzijiet kompetittivi jistgħu jgħinu biex il-listing tiegħek jispikka u jintwera f'post aħjar fir-riżultati tat-tiftix—li jagħtu ħafna kas tal-prezz totali u l-kwalità tal-listing meta mqabbla ma' listings oħra bħalu fl-istess żona.

Skontijiet u offerti
Prezz irħas jew xi offerta jistgħu jgħinuk biex tbaxxi l-prezz f'ċerti sitwazzjonijiet mingħajr ma tibdel il-prezz ta' kull lejl tas-soltu tiegħek. Dawn l-għodod jgħinuk f'sitwazzjonijiet bħal pereżempju meta tiġi biex tilqa' l-ewwel klijenti tiegħek jew meta tkun qed tilqa' żjarat itwal.

• Żjarat itwal: Meta toffri prezz irħas għal bookings ta' ġimgħa u ta' xahar, taf issib li għandek inqas iljieli battala, inqas nies deħlin u ħerġin fil-post u inqas xogħol biex tħejji l-post bejn żjara u oħra. Fl-2022, 46% tal-iljieli bbukkjati fuq Airbnb kienu għal żjarat ta' mill-inqas ġimgħa.

• Listings ġodda: Offerta ta' 20% skont fuq il-prezz ta' kull tista' tgħinek tikseb l-ewwel tliet bookings. Id-dejta ta' Airbnb turi li l-Hosts li joffru dil-offerta għall-ewwel 30 jum wara li jtellgħu listing ġdid jiksbu l-ewwel booking iktar malajr.

Tista' tagħżel ir-roħs u l-offerti għal-listing tiegħek direttament mill-kalendarju tal-ospitalità tiegħek.

Ara minn qabel x'se jħallsu l-klijenti
Tista' tifhem kif il-bidliet li tagħmel jaffettwaw il-prezz aħħari li jiġbor fih it-tariffi u t-taxxi kollha li se jħallsu l-klijenti. Dil-għodda toffri siwi kbir jekk iżżid skont jew offerta.

Biex tuża dil-għodda, iftaħ is-settings tal-prezzijiet u agħżel "Ara minn qabel x'se jħallsu l-klijenti". Daħħal id-dettalji taż-żjara, bħal pereżempju n-numru ta' klijenti u n-numru ta' ljieli għall-booking, u aħna se nagħtuk rendikont tal-prezz aħħari li se jħallsu l-klijenti u tas-somma li se titħallas int.

*Skont id-dejta minn listings minn madwar id-dinja kollha (ħlief miċ-Ċina, mir-Russja u mill-Ukrajna) li kellhom mill-inqas lejl wieħed disponibbli minn Jannar sa Settembru 2022 u ma kellhomx il-Prezzijiet Intelliġenti mixgħula. Setgħu kien hemm raġunijiet oħra għaliex l-iljieli ma ġewx ibbukkjati.

L-informazzjoni f'dal-artiklu jaf laħqet inbidlet minn meta ġie ppubblikat.