Mur 'il quddiem biex taċċessa r-riżultati suġġeriti

    Kif toħloq paġna tal-listing tajba

    Aqsam l-iktar dettalji importanti, tella' ritratti ta' kwalità u itlob prezz kompetittiv.
    Minn Airbnb f'did-data: 18 ta’ Nov 2020
    3 minuti biex taqrah
    Aġġornat f'did-data: 12 ta’ Mej 2023

    Il-paġna tal-listing tiegħek hija l-ewwel opportunità biex tħajjar lill-klijenti jagħżlu l-post tiegħek. Uża l-isem, id-deskrizzjoni, ir-ritratti, il-kumditajiet u l-prezz biex tagħti ħarsa kompluta u preċiża ta' dak li qed toffri.

    Agħżel meta u kif il-klijenti jistgħu jibbukkjaw

    Bħala Host, int tagħżel meta u kif il-klijenti jibbukkjaw il-post tiegħek. Agħżel is-settings tal-kalendarju u l-bookings tiegħek bir-reqqa biex tiżgura li tilqa' n-nies kif tixtieq int u tevita kanċellazzjonijiet żejda.

    Uħud minn dal-faċilitajiet:

    • Settings tal-kalendarju: Żomm il-kalendarju tiegħek aġġornat billi timblokka d-dati meta ma tistax tilqa' n-nies u tagħżel l-inqas u l-itwal numru ta' ljieli li klijent jista' jibbukkja.

    • Talba għal booking: Din il-faċilità tħallik tirrevedi talba għal booking qabel ma taċċettaha. Ara li twieġeb lill-klijent fi żmien 24 siegħa.

    • Booking Immedjat: Il-klijenti ta' sikwit ifittxu listings li joffru Booking Immedjat għax dil-faċilità tħalli lill-klijenti jibbukkjaw il-listing tiegħek mingħajr ma jkunu jeħtieġu approvazzjoni minn qabel. Meta tixgħel dil-faċilità tknu qed turi li lest/a tilqa' lil kull min ikollu r-rekwiżiti li qed titlob, sinjal ċar li int Host inklussiv/a.

    Żid id-dettalji ewlenin

    Tista' tgħin lil-listing tiegħek jispikka u lill-klijenti jifhmu x'għandhom jistennew billi taqsam dettalji importanti.

    • Ikteb deskrizzjoni dettaljata. Fl-isem u d-deskrizzjoni tal-listing ipprova agħti dak li l-klijenti għandhom ikunu jafu dwar l-ispazju tiegħek. Pereżempju, Host partikolari li għandu spazju żgħir ħdejn il-baħar juża, "Post tal-vaganzi qrib il-baħar" bħala isem għal-listing tiegħu. Ikteb b'mod inklussiv biex tagħmilha ċara li taċċetta nies ġejjin minn kull rokna tal-ħajja.

    • Semmi l-kumditajiet li toffri fl-ispazju tiegħek. Fost l-iktar kumditajiet popolari hemm il-wifi, is-self checkin, spazju għal ħidma fuq laptop, parkeġġ bla ħlas u spazju addattat għall-pets, allura ara li ssemmihom.

    • Aqsam ir-regoli tad-dar tiegħek. Dawn jgħinu lill-klijenti jifhmu x'għandhom jistennew mingħandek u x'tistenna int mingħandhom. Uża r-regoli tad-dar tiegħek biex taqsam informazzjoni essenzjali mal-klijenti li jkunu qed jitħajru jibbukkjaw il-listing tiegħek—bħal li ma taċċettax tipjip.

    Uża ritratti mill-aqwa biex tħajjar lill-klijenti jibbukkjaw miegħek

    Ir-ritratti tal-listing tiegħek jistgħu juru l-karattru u l-istil tiegħek. Ibdilhom ta' sikwit biex turi eżatt xi tkun qed toffri.

    • Agħżel l-ewwel ritratt bir-reqqa. L-isem tal-listing u r-ritratt tal-qoxra huma l-ewwel ħwejjeġ li l-klijenti se jagħtu kas fir-riżultati tat-tiftix. "Meta nfittex fuq Airbnb, dejjem immur dritt għar-ritratti. Mela aħseb fuq dak li jagħmel il-post tiegħek aktar speċjali mill-bqija," tgħid Candida, Host ġewwa Joshua Tree, California.

    • Tella' ritratti tal-ispazju kollu tiegħek. Tella' iktar minn ritratt wieħed ta' kull kamra minn irkejjen differenti biex tagħti dawra mad-dar virtwali tal-ispazju tiegħek lill-klijenti.

    • Ikteb captions li jispegaw x'qed jintwera fir-ritratt. Il-captions tar-ritratti huma post tajjeb biex tgħarraf lill-klijenti dwar dettalji bħal mejda tal-billiard, banju lussuż jew il-veduti.

    • Enfasizza l-faċilitajiet tal-aċċessibbiltà. Ħafna klijenti jfittxu l-faċilitajiet ta' aċċessibbiltà, għalhekk huwa importanti li żżidhom mad-dettalji u turihom fir-ritratti tal-listing tiegħek. Żid ir-ritratti tagħhom mal-listing tiegħek u semmihom fid-dettalji tal-listing.

    Żomm il-prezz tiegħek kompetittiv

    Bħala Host int tagħżel il-prezz ta' kull lejl tiegħek u l-istrateġija tal-prezz ġenerali. Xi ftit affarijiet li għandek iżżomm f'moħħok:

    • Domanda lokali: Tista' tqabbel il-listing tiegħek ma' listings fil-qrib li jixbhuh biex tiżgura li qed titlob prezz tajjeb għall-post u għall-kumditajiet li toffri.

    • Prezzijiet Intelliġenti: L-għodda tal-Prezzijiet Intelliġenti tgħinek tqiegħed awtomatikament prezz kompetittiv billi taddattahom għad-domanda.

    • Offerta ta' listing ġdid: Bħala Host ġdid tista' tkun eliġibbli biex toffri roħs ta' 20% lill-ewwel tliet klijenti li jibbukkjaw il-listing tiegħek biex ngħinuk tikseb l-ewwel bookings u reviews.

    Wara li tkun bdejt tilqa' n-nies, nissuġġerulek iżżomm il-listing tiegħek aġġornat. Id-deskrizzjoni u r-ritratti tal-listing tiegħek għandhom juru preċiżament dak li joffru u għandhom jenfasizzaw dak li jagħmel l-ispazju tiegħek uniku u juru l-valur tal-prezz tiegħek.

    L-informazzjoni f'dal-artiklu jaf laħqet inbidlet minn meta ġie ppubblikat.

    Airbnb
    18 ta’ Nov 2020
    Dan kien ta' għajnuna għalik?