Kif tibda negozju fuq Airbnb

Ma teħtieġ l-ebda esperjenza fit-tmexxija ta' negozju biex tirnexxi bħala Host ta' Airbnb. Ara l-eżempju ta' Bryan u Catherine, Superhosts ġewwa Columbus, Ohio—la kienu jmexxu negozju u lanqas qatt ma ħadmu fil-qasam tal-ospitalità qabel bdew jilqgħu n-nies fil-kamra tas-sodda żejda tagħhom fuq Airbnb.

"Għaddew tmien snin u llum qed nilqgħu n-nies f'4 propjetajiet differenti u qed noħolqu bed and breakfast," jgħid Bryan.

Jekk qed taħsibha toffrix darek jew spazju ieħor lill-klijenti u ma tafx kif tista' tibda n-negozju tal-ospitalità tiegħek fuq Airbnb, tinsab fil-post it-tajjeb. Dawn huma ftit passi ħfief biex ngħinuk tibda—minn kif issib kemm tista' ddaħħal flus sa kif issir taf x'inhu x-xogħol li se jkun meħtieġ ta' kuljum biex tmexxi n-negozju tiegħek.

Ibda billi tagħti titwila lejn bed and breakfasts u listings oħra ta' Airbnb fiż-żona tiegħek li jixbhu l-ispazju li beħsiebek toffri. Ipprova ifhem x'qed joffru—u x'tista' toffri int li mhux qed joffru huma.

Aħseb x'tip ta' vjaġġatur jista' jibbukkja l-ispazju tiegħek. Iż-żona tiegħek popolari ma' xi grupp ta' vjaġġaturi, pereżempju l-familji jew dawk li qed jivvjaġġaw fuq xogħol? Hemm xi punti ta' interess fil-qrib, pereżempju xi parks nazzjonali jew siti storiċi? Dil-informazzjoni tista' tgħinek tieħu deċiżjonijiet marbuta mad-disinn, mal-kumditajiet li toffri u mat-tul tal-bookings li tixtieq taċċetta.

Wara li tkun fhimt ftit kif jaħdem is-suq tiegħek, aħna nistgħu ngħinuk tifhem kemm tista' ddaħħal. Int u tagħżel l-għanijiet tad-dħul tiegħek, ma tagħmilx ħażin li żżomm f'moħħok l-ispejjeż u l-istrateġija tal-prezzijiet tiegħek:

Ifhem l-ispejjeż tiegħek
Biex tifhem aħjar kemm kapaċi taqla' flus, qis l-ispejjeż li se jkollok, kemm biex tarma l-post biex ikun jista' jaċċetta l-bookings (tiżjin, wifi u affarijiet bażiċi għall-klijenti) kif ukoll in-nefqiet ta' kull ftit żmien jew li se jkollok tagħmel iktar minn darba (xiri ta' bjankerija, prodotti għall-indafa personali tal-klijenti, servizzi tat-tindif jew pagamenti tal-flus li tissellef mill-bank). Tinsiex l-ispejjeż taż-żamma tal-post bħat-tiswijiet u l-ispezzjonijiet taċ-ċmieni ta' kull sena.

Agħżel l-istrateġija tal-prezzijiet tiegħek
Int u tagħżel l-istrateġija tal-prezzijiet tiegħek, dejjem qis x'qed jitlob ħaddieħor għall-postijiet fil-qrib u ara r-rabta bejn il-prezz u l-kwalità li toffri ma tkunx wisq 'il bogħod minnhom. Tista' taddatta l-prezz skont id-domanda billi titlob prezz differenti matul tmiem il-ġimgħa, fi żminijiet differenti tas-sena u waqt avvenimenti kbar.

Żomm f'moħħok li minbarra l-prezz ta' kull lejl, il-klijenti se jħallsu tariffa tas-servizz u t-tariffi kollha l-oħra li titlob. Għall-bidu itlob prezz irħas. Tista' titlob prezz ogħla wara li tikseb biżżejjed reviews ta' 5 stilel.

Nissuġġerulek tuża l-prezzijiet intelliġenti
Ixgħel il-Prezzijiet Intelliġenti biex il-prezzijiet tiegħek jinbidlu awtomatikament. L-għodda Prezzijiet Intelliġenti tqis iktar minn 70 fattur—fosthom iż-żmien tas-sena u d-domanda—u tista' tagħtiha l-inqas prezz ta' kull lejl li għandha titlob biex b'hekk il-prezz tiegħek qatt ma' jkun inqas minn dak.

Hemm ħafna modi ta' kif tista' tilqa' n-nies fuq Airbnb u mhux kull Host meħtieġ jinvesti l-istess ħin biex jilqa' n-nies. Ifhem ftit x'tista' tkun id-disponibbiltà tiegħek u ara x'għodod u servizzi jistgħu jkunu jgħoddu għall-każ tiegħek.

Meta Bryan u Catherine bdew jilqgħu n-nies kienu jagħmlu kollox huma jgħidilna Bryan—mill-ħasil tal-ħwejjeġ sax-xogħol taż-żamma. Maż-żmien għażlu li jħallsu lil xi ħadd biex jagħmel dak ix-xogħol.

Tista' wkoll tuża għodod bħal Messaġġi Skedati, Tweġibiet ta' Malajr u l-Booking Immedjat biex tħalli xi partijiet tan-negozju tiegħek jaħdmu għalik waħidhom.

Int tiddeċiedi meta u kemm ta' sikwit tilqa' n-nies fuq Airbnb. Mis-settings tal-bookings u tal-kalendarju tista' tagħżel id-disponibbiltà tiegħek, tagħżel l-inqas u l-itwal numru ta' ljieli għal żjara u iktar.

Tirnexxix jew le bħala Host jiddependi minn kemm int kapaċi toffri esperjenza tajba lill-klijenti tiegħek.

Aħseb f'liema tip ta' klijenti tixtieq tħajjar jibbukkjaw l-ispazju tiegħek—bħal pereżempjunies li qed jivvjaġġaw mal-pets, koppji, familji jew nies li jaħdmu mid-dar—u offri l-kumditajiet li jkunu addattati għalihom. Aħseb ukoll f'dak li jista' jgħin lil-listing tiegħek jispikka u lill-klijenti tiegħek iħossuhom speċjali—pereżempju tista' tħallilhom messaġġ ta' merħba sabiħ jew xi ħaġa tipika tal-post.

"Qabbadna artist tal-post biex ipinġi disinn tad-dehra ta' barra tad-djar tagħna u użajna dad-disinn biex noħolqu kartolini li l-klijenti tagħna setgħu jużaw jew jibagħtu lil tad-dar," tgħid Catherine.

M'hemm l-ebda ħlas biex tippubblika l-listing tiegħek fuq Airbnb—it-tariffa tas-servizz titħallas biss meta booking jiġi kkonfermat. L-għan tagħna huwa li dal-proċess ikun ħafif kemm jista' jkun: Kemm timxi ma' dal-passi ħfief.

Żomm f'moħħok li kull spazju jista' jkun il-post ideali għal xi ħadd. Ara li d-dettalji tal-listing u r-ritratti tiegħek ikunu ġenwini.

Airbnb tagħmel l-almu tagħha biex tgħin lill-Hosts matul il-proċess kollu—għalhekk tista' tilqa' n-nies b'moħħok mistrieħ.

• AirCover għall-Hosts joffri ħarsien komplut u inkluż dejjem u bla ħlas, fuq Airbnb biss.
• Biex tiltaqa' ma' Hosts oħra, żur iċ-Ċentru tal-Komunità jew ingħaqad mal-Klabb tal-Hosts taż-żona tiegħek.
• Jekk ikollok xi mistoqsijiet jew tkun teħtieġ l-għajnuna biex tibda, tista' wkoll Tistaqsi lil Superhost.
• Ikseb iktar pariri dwar kif tilqa' n-nies miċ-Ċentru tar-Riżorsi.
• It-tim tal-għajnuna lill-klijenti tagħna huwa disponibbli 24 siegħa kuljum.