Kif tilqa' lill-ewwel klijenti tiegħek fuq Airbnb

Jaf tħossok xi ftit nervuż/a int u tistenna l-wasla tal-ewwel klijenti tiegħek. Imma tinsiex li lilna se ssibna hawn biex ngħinuk matul il-proċess kollu. Tixtieq toħloq esperjenza sabiħa għall-ewwel klijenti tiegħek u dawk li jiġu warajhom? Ara din il-gwida ta' ħames passi.

Wieħed jibda jilqa' lill-klijenti qabel jidħlu mill-bieb ta' barra. Meta twieġeb għall-messaġġi tal-klijenti malajr, tkun qed turihom li jimpurtak minnhom.

Dawn it-taħditiet minn qabel jgħinu wkoll biex kulħadd ikun jaf x'għandu jistenna. Xi suġġerimenti utli:

• Kun onest/a. Jista' jkun li lill-klijenti qabżulhom xi dettalji importanti huma u jaqraw id-deskrizzjoni tal-listing tiegħek. Ma tagħmilx ħażin li tfakkarhom jekk int, il-familja tiegħek jew il-pets tiegħek se tkunu qed tużaw l-istess spazji magħhom.
• Staqsi. Tista' turi inklussività ikbar billi tistaqsi lill-klijenti tiegħek, X'teħtieġu biex tkunu komdi u tħossukom milqugħin fl-ispazju tiegħi?
• Wieġeb b'mod faċli. Uża s-sistema tal-messaġġi jew l-app ta' Airbnb biex twieġeb lill-klijenti mid-dar u tkun fejn tkun.
• Aħseb minn qabel. Jekk beħsiebek tibgħat l-istess informazzjoni lil ħafna klijenti, iffranka l-ħin billi tuża l-għodod tal-messaġġi tagħna.

Tista' twieġeb l-iktar mistoqsijiet komuni u toffri lill-klijenti wasla bla xkiel billi timla d-dettalji kollha—inkluż id-direzzjonijiet għall-ispazju tiegħek, l-istruzzjonijiet taċ-checkin u d-dettalji tal-wifi—fit-taqsima Informazzjoni għall-klijenti fit-tab Listings tiegħek. Dil-informazzjoni se tinqasam mal-klijenti fit-tab Vjaġġi 48 siegħa qabel il-ħin taċ-checkin.

Il-klijenti—l-iktar dawk li jagħmlu parti minn komunitajiet storikament emarġinati—qalulna li s-self checkin jista' jgħinhom iħossuhom iktar komdi. Imma jekk tkun fil-qrib, dejjem tista' tistaqsi lill-klijenti jekk jixtiqukx tagħmlilhom iċ-checkin int minflok.

Skpori l-Gwida għal Hosting Inklussiv

Il-klijenti jistennew li jsibu spazju nadif meta jibbukkjaw listing fuq Airbnb. Jekk isibu l-kamra tas-sodda miksija trab jew il-kċina mimlija frak tal-ikel, dawn jafu jkunu l-uniċi affarijiet li l-klijenti jiftakru dwar il-post tiegħek.

L-istess bħax-xagħar—idejjaq ħafna lill-klijenti—għalhekk ara li tiċċekkja sew li m'hemmx xagħar fl-iktar postijiet fejn is-soltu jinġabar (il-lożor, ix-xugamani, l-art u l-kmamar tal-banju). Post mimli oġġetti personali jagħti xeħta ta' post mimli imbarazz għalhekk nissuġġerulek tqiegħed l-oġġetti personali tiegħek fi gwardarobba apposta jew f'post ieħor li ma jagħtix fl-għajn

Kull klijent huwa differenti imma l-biċċa l-kbira tagħhom se jistennew li jkollhom xi informazzjoni u affarijiet minnufih. Nissuġġerulek li:

• Tqiegħed biżżejjed kumditajiet essenzjali bħal xugamani, lożor, sapun u toilet paper fl-ispazju tiegħek
• Taġġorna l-informazzjoni dwar id-dar tiegħek biex, fost oħrajn, tagħti lill-klijenti informazzjoni importanti dwar liema spazji m'għandhomx jidħlu fihom, istruzzjonijiet ta' kif jistgħu jużaw il-wifi, eċċ.
• Toħloq gwida tal-ivvjaġġar li fiha ssemmi r-ristoranti, il-ħwienet tal-merċa, il-kafetteriji u l-postijiet l-oħra li tħobb
• Tara li l-klijenti jistgħu jikkuntattjawk b'SMS, bit-telefown jew b'email f'każ li tinqala' xi problema
• Tara li jkollok in-numru tat-telefown ta' nies importanti bħal plumber, handy man, tal-kumpanija tal-internet u tal-cable jew tal-ġirien

Wara ċ-checkout tal-klijenti, aħna se nagħtuhom l-opportunità biex jiktbu review dwar l-ispazju tiegħek. L-ewwel reviews importanti ħafna jekk tixtieq tirnexxi fuq Airbnb. Il-medja tar-rating stellat tiegħek se tibda tintwera fuq il-listing tiegħek wara li tkun ksibt tliet reviews u dar-rating jaf ikollu effett fuq fejn il-listing tiegħek jintwera fir-riżultati tat-tiftix.