Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif se titħallas għall-Hosting

    Sir af l-affarijiet bażiċi dwar meta u kif se tirċievi l-pagament.
    Minn Airbnb f'did-data: 12 ta’ Fra, 2020
    Qari ta' 2 minuti
    Aġġornat f'did-data: 13 ta’ Aww, 2021

    Punti ewlenin

    Il-Hosts il-ġodda spiss jistaqsu, "Kif se nitħallas?" Airbnb tagħmilha faċli biex tirċievi l-pagamenti tiegħek—jew dawk li nirreferu għalihom bħala ħlasijiet—fi ftit passi biss. Kif jaħdem il-proċess:

    Kif se titħallas

    Biex tirċievi l-pagamenti fuq Airbnb jeħtieġlek tagħżel il-metodu tal-ħlas tiegħek fit-taqsima Pagamenti u Ħlasijiet tal-kont tiegħek. Fost il-ħafna metodi tal-ħlas, skont fejn tinsab ibbażat, għandek issib ACH, PayPal, Karti tad-Debitu Payoneer Prepaid u Western Union.

    Din hija ħarsa ta' malajr lejn kif iżżid metodu tal-ħlas mill-kont tiegħek:

    Il-metodu ta' ħlas tiegħek se jiġi vverifikat biex niżguraw li l-fondi għall-ħidma tiegħek jaslulek kif suppost. Il-proċess ta' verifika jista' jieħu bejn jumejn u 10 ijiem, skont il-metodu tal-ħlas li għażilt.

    Kemm se titħallas

    Biex naħdmu l-ħlas tiegħek, żid it-tariffi miżjuda mhux obbligatorji kollha mar-rata ta' kull lejl tiegħek (bħat-tariffa għat-tindif jew it-tariffa għal kull klijent ieħor li jingħaqad mal-booking). Dan huwa s-sottototal tiegħek.

    Hekk kif ikollok is-sottototal tiegħek, naqqas it-taxxi u t-tariffi kollha applikabbli. Għalkemm it-taxxi jvarjaw skont il-post ta' fejn toqgħod, il-biċċa l-kbira tal-Hosts iħallsu tariffa tas-servizz ta' 3%. Dit-tariffa tgħin lil Airbnb tagħmel tajjeb għall-ispejjeż tal-prodotti u s-servizzi li noffru (bħall-għajnuna lill-klijenti 24 siegħa kuljum!) u tinħadem fuq is-sottototal tal-booking.

    Tinsiex li d-dħul tiegħek se jvarja skont it-tul taż-żjara ta' klijent, l-iskontijiet li tista' tkun tajt, eċċ. Jekk il-ħlas tiegħek jittardja jew ikun inqas milli stennejt, dan jista' jkun ġara minħabba li booking ikun inbidel jew ġie kkanċellat u għalhekk il-klijent tħallas flusu kollha lura jew parti minn dawk il-flus.

    Meta se titħallas

    Il-flus li ddaħħal meta tilqa' n-nies normalment jintbagħtulek 24 siegħa wara li l-klijent tiegħek ikun mistenni jagħmel iċ-checkin. Id-data eżatta ta' meta jaslu l-flus fil-kont tiegħek se tiddependi fuq il-metodu ta' ħlas li tkun għażilt.

    Pereżempju, il-flus normalment għandhom jaslulek fil-kont tiegħek fi żmien 7 ijiem tax-xogħol fil-każ ta' trasferimenti bankarji u wara jum tax-xogħol wieħed għall-karti PayPal u Payoneer—għalkemm iż-żmien eżatt jiddependi fuq fejn hu bbażat il-kont tiegħek. Meta tilqa' n-nies għal żjara itwal (28 lejl jew iktar), Airbnb normalment tibgħatlek il-flus darba kull xahar, bl-ewwel pagament li jintbagħat 24 siegħa wara li l-klijent tiegħek jasal fil-post.

    Meta trid tista' tiċċekkja l-istatus tal-ħlasijiet tiegħek mill-Istorja tat-Tranżazzjonijiet tiegħek.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    Airbnb
    12 ta’ Fra, 2020
    Dan kien ta' għajnuna għalik?