Titjib fl-inbox biex tikkomunika mal-klijenti

Messaġġ mingħand l-editur: Dal-artiku ġie ppubblikat bħala parti mill-Aġġornament tas-Sajf 2023 ta' Airbnb. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.

Biex tirnexxi bħala Host jeħtieġlek tikkomunika mal-klijenti, xi ħaġa li tista' tieħu ħafna ħin. Qed inħabbru żewġ bidliet biex nagħmluhielek eħfef li tikkomunika: l-irċevuti tal-qari u t-tweġibiet ta' malajr il-ġodda.

Għedtulna li tixtiequ tkunu tafu meta l-klijenti jirċievu l-messaġġi tagħkom. Grazzi għall-irċevuti tal-qari, il-Hosts u l-klijenti issa jistgħu jkunu jafu jekk il-messaġġi tagħhom ikunux inqraw.

Meta int jew klijent tiegħek tibagħtu messaġġ lil xulxin mill-app ta' Airbnb, se tintwera marka taħt l-aħħar messaġġ tal-konverżazzjoni li turi li l-messaġġ ikun inqara.

Bħala regola standard, sa nofs Ġunju se nixegħlu l-irċevuti tal-qari għall-utenti kollha ta' Airbnb. Biex titfihom iftaħ it-taqsima Privatezza u qsim mis-settings tal-kont tiegħek.

It-tweġibiet ta' malajr u l-messaġġi skedati diġà jiffrankawlek il-ħin. Issa tista' żżid kartolina komda li twassal lill-klijenti għall-istruzzjonijiet taċ-checkout il-ġodda tiegħek ma' tweġiba ta' malajr jew messaġġ skedat.

Biex ngħinuk tagħmel hekk iktar malajr, qed inżidu s-suġġerimenti awtomatiċi fl-inbox tiegħek. Kif jaħdmu:

• Jekk klijent jibgħatlek messaġġ dwar iċ-checkout, se tirċievi suġġeriment awtomatiku biex tibgħat tweġiba ta' malajr li tieħu lill-klijent għall-istruzzjonijiet taċ-checkout tal-listing.

• Jekk tkun għadek ma ħloqtx l-istruzzjonijiet taċ-checkout tal-listing, se tirċievi suġġeriment awtomatiku biex iħeġġek tagħmel hekk u mbagħad se tkun tista' taqsam dawk l-istruzzjonijiet bħala tweġiba ta' malajr.

Dawn il-faċilitajiet tal-inbox huma parti mill-Aġġornament tas-Sajf 2023 ta' Airbnb, b'25 bidla ġdida għall-Hosts. Ikseb Aċċess Bikri biex tibda tuża dal-għodod il-ġodda minn issa.