Mur 'il quddiem biex taċċessa r-riżultati suġġeriti

    L-ispazju tiegħi adattat għal Airbnb?

    Kull spazju għandu l-klijent ideali tiegħu—is-sigriet hu li tispjega eżatt dak li klijent għandu jistenna.
    Minn Airbnb f'did-data: 6 ta’ Jan 2020
    Qari ta' 4 minuti
    Aġġornat f'did-data: 12 ta’ Ott 2021

    Punti ewlenin

    • Tista' toffri kamra privata jew maqsuma mal-oħrajn, dar sħiħa jew spazju uniku

    • L-importanti li dejjem toffri post komdu fejn wieħed jista' jorqod u aċċess għal kamra tal-banju

    • Kun onest/a dwar il-vantaġġi u l-iżvantaġġi tal-listing tiegħek

    • Itlob prezz ġust—il-klijenti lesti jaċċettaw post sempliċi jekk joffri valur għal flushom

    Jaf taħseb li xi dgħajsa tal-qlugħ żgħira jew appartament fuq klabb fiċ-ċentru ma tantx ikunu popolari fuq Airbnb imma fil-fatt, il-klijenti jibbukkjaw kull xorta ta' postijiet—anke dawk uniċi jew mingħajr ħafna lussu. Is-sigriet tagħhom huwa li l-listing ikun onest, dettaljat u jispjega x'inhuma dawk l-affarijiet li jagħmlu l-ispazju tiegħek tant speċjali—forsi għax lussuż, mhux tas-soltu jew anke għax sempliċi u bi prezz tajjeb.

    Ibda bl-affarijiet bażiċi

    X'jeħtieġ kull spazju ta' Airbnb? Il-klijenti jistennew li mill-inqas isibu post nadif, bi spazju komdu fejn jistgħu jorqdu u aċċess għal kamra tal-banju. Mhux il-listings kollha joffru aċċess għal kċina imma importanti ssemmi jekk il-klijenti hux se jkollhom aċċess għal spazju fejn jistgħu jsajru.

    Spjega t-tip ta' propjetà li qed toffri

    L-ispazji ta' Airbnb jvarjaw ħafna u għalhekk importanti li fil-listing tiegħek issemmi eżattament x'tip ta' propjetà qed toffri. Dar? Appartament? Bed and breakfast jew boutique hotel? Xi listings huma saħansitra mmarkati bħala "spazji uniċi"—ngħidu aħna treehouses, yurts, postijiet għall-kampeġġ, dgħajjes tal-qlugħ, imtieħen, RVs, eċċ.

    Agħżel liema postijiet se jkunu aċċessibbli għall-klijenti

    Tista' tispjega lill-klijenti jekk hux se jkollhom aċċess privat għall-propjetà kollha tiegħek, għal kamra privata jew jekk hux se jkunu qed jaqsmu xi spazji bħal pereżempju ż-żona tal-irqad, il-kċina jew il-kamra tal-banju ma' nies oħra bħalma huma l-familja tiegħek, dawk li joqogħdu fl-ispazju miegħek jew klijenti oħra. Tista' tagħżel li l-ispazju tiegħek ikun apposta għall-klijenti jew li żżomm l-affarijiet personali tiegħek fih. L-importanti hu li żżomm l-ispazju tiegħek nadif u li tispjega eżattament lill-klijenti dak li se jsibu fil-post.

    Kun onest dwar il-vantaġġi u l-iżvantaġġi

    Joy, Host ġewwa San Francisco għandha spazju f'post komdu fil-qalba tal-belt—komdu biex tiskopri l-belt minnu imma kultant ikun xi ftit storbjuż. Sabet li importanti ħafna li tkun onesta dwar il-vantaġġi u l-iżvantaġġi tal-post—u dil-ħaġa għenitha tikseb mijiet ta' reviews tajba. "L-aqwa ħaġa dwar l-ispazju tiegħi hija li jinsab fil-qalba tal-belt," tgħid Joy. "Jekk ma tħobbx il-ħajja u l-istorbju tal-ibliet, dal-ispazju jaf ma jkunx adattat għalik."

    Uża kemm ir-ritratti kif ukoll il-kitba

    Abhay, Host ta' kamra privata ġewwa San Francisco jsemmi lill-kelb abjad kbir tiegħu Cody bħala wieħed mill-karatteristiċi ewlenin tal-listing. Il-fatt li kien ċar li għandu kelb, il-kelb sar parti mill-esperjenza ta' Airbnb li l-klijenti kienu qed ifittxu. "Innutajt li kull min ibbukkja miegħi jħobb il-klieb," jgħid Abhay. "Dawk li ma jħobbux il-klieb jibbukkjaw xi mkien ieħor."

    Hawnhekk importanti li nkunu ċari: tagħmel tajjeb li ssemmi li hemm il-pets fil-listing imma l-aħjar ħaġa li tagħmel huwa li ttella' r-ritratti għax xi klijenti jistgħu jibbukkjaw mingħajr ma jaqraw il-listing fid-dettall. Jekk il-listing tiegħek għandu xi affarijiet partikolari (ngħidu aħna xi pet), ma tkunx idea ħażina li matul il-proċess tal-booking tikkonferma li l-klijenti qraw il-listing fid-dettall.

    Kun onest

    Tim, Host ġewwa l-California ta' Fuq, jiddeskrivi l-ispazju tiegħu bħala "spazju fuq stil tradizzjonali fejn tista' tistrieħ," u mhux qed jesaġera. Il-klijenti għandhom jitilgħu indana taraġ tal-injam biex jaslu għad-daħla u l-unika banju jinsab fuq barra—xi ħaġa li ċerti klijenti jistgħu jqisuha bħala lussu. Ma jiddejjaqx jgħid mill-ewwel li l-propjetà tiegħu mhix waħda lussuża u nnota li l-klijenti jibbukkjaw l-ispazju tiegħu għax jinsab qrib in-natura u għax mhux spazju tas-soltu.

    Itlob prezz realistiku

    Anke jekk l-ispazju tiegħek mhux palazz lussuż—tħabbilx moħħok! Ħafna klijenti kuntenti jagħżlu spazju li mhux daqstant lussuż sakemm il-prezz ikun tajjeb. Jekk int Host ġdid, nissuġġerixxu li tibda billi titlob prezz ħarira irħas mill-prezz li tixtieq titħallas. Dan se jgħinek tħajjar iktar klijenti u wara li tkun ksibt numru ta' reviews mill-aqwa, tista' terġa' tagħti daqqa t'għajn lejn il-prezz tiegħek u jekk ikun hemm bżonn iżżidu.

    Spazju għal kulħadd

    Kull min għandu xi spazju żejjed li jista' jaqsmu mal-oħrajn jista' jirnexxi bħala Host ta' Airbnb. Il-listing "ideali" ma jeżistix—l-iktar ħaġa importanti hija li bħala Host tkun onest u dettaljat fid-deskrizzjoni u r-ritratti li ttella' biex il-klijenti jkunu jistgħu jifhmu eżatt x'għandhom jistennew. Minn kmamar żejda mingħajr lussu sa postijiet tradizzjonali jew djar lussużi, fuq Airbnb kulħadd jista' jsib il-post ideali li jgħodd għalih.

    Punti ewlenin

    • Tista' toffri kamra privata jew maqsuma mal-oħrajn, dar sħiħa jew spazju uniku

    • L-importanti li dejjem toffri post komdu fejn wieħed jista' jorqod u aċċess għal kamra tal-banju

    • Kun onest/a dwar il-vantaġġi u l-iżvantaġġi tal-listing tiegħek

    • Itlob prezz ġust—il-klijenti lesti jaċċettaw post sempliċi jekk joffri valur għal flushom

    Airbnb
    6 ta’ Jan 2020
    Dan kien ta' għajnuna għalik?