Mur 'il quddiem biex taċċessa r-riżultati suġġeriti

    Tejjeb il-mod kif taħdem fuq Airbnb grazzi għal dal-bidliet fil-kalendarju

    Issa l-kalendarju għandu disinn eħfef biex tużah u tista' tagħżel liema dettalji għandhom jintwerew.
    Minn Airbnb f'did-data: 9 ta’ Nov 2021
    Vidjow ta' 3 minuti
    Aġġornat f'did-data: 14 ta’ Ott 2022

    Punti ewlenin

    • Disinn eħfef biex tużah għall-kalendarju biex tkun tista' ssib il-klijenti li għandek ibbukkjati f'ħakka t'għajn

    • Agħżel li turi jew taħbi d-dettalji, bħal pereżempju n-noti dwar iż-żjarat li għandek ibbukkjati għall-ġejjieni

    Bħala Host, il-kalendarju tiegħek huwa l-qalba ta' dak kollu marbut mal-bookings. Huwa l-post fejn tikkontrolla d-disponibbiltà, fejn tiċċekkja n-noti dwar iż-żjarat li għandek ġejjin, fejn tibdel il-prezzijiet u fejn tagħmel ħafna affarijiet oħra.

    Billi nifhmu kemm hu importanti għalik li ssib dil-informazzjoni malajr, qed inniedu xi wħud mill-bidliet li għamilna s-sena l-oħra għall-kalendarju tal-mowbajl għal fuq il-kalendarju tal-kompjuter. Dal-bidliet jagħmluhielek eħfef li tuża l-kalendarju tiegħek, jorganizzaw l-informazzjoni aħjar u jagħtuk għodod b'saħħithom li jistgħu jgħinuk tieħu ħsieb il-bookings u tmexxi n-negozju tal-ospitalità tiegħek.

    Sib l-informazzjoni f'ħakka t'għajn

    Qabel il-kalendarju tiegħek kellu ħafna kuluri, linji u slashes u kull waħda minnhom kienet turik l-istatus tal-booking. Issa tejjibna d-disinn biex nagħmluhielek eħfef li ssib l-informazzjoni li teħtieġ iktar malajr.

    Il-kalendarju l-ġdid tiegħek se juri l-bookings hekk:

    • Il-bookings li jkollok għaddejjin se jintwerew b'kulur solidu.
    • Il-bookings ikkonfermati għall-ġejjieni se jintwerew imdawrin bl-iswed.
    • Il-bookings pendenti għall-ġejjieni se jintwerew imdarwin b'linja sewda bit-tikek.

    Nittamaw li dal-bidliet jgħinuk tippjana għall-ġejjieni, torganizza l-ħidma biex tħejji l-post bejn klijent u ieħor u ssib opportunitajiet ġodda biex tikseb iktar bookings.

    Meta ninduna li għandi xi ljieli mhux ibbukkjati fil-kalendarju tiegħi, noffri skont biex jgħini nħajjar lill-klijenti jibbukkjaw il-listing tiegħi. Ippruvah!
    Donatella,
    Mondolfo, l-Italja

    Agħżel dak li tridu jintwera

    Nafu li xi kultant il-Hosts jkunu jixtiequ jużaw il-kalendarju biex isibu xi informazzjoni partikolari. Għalhekk żidna faċilità li tħallik turi jew taħbi xi dettalji importanti bħall-prezz ta' kull lejl, l-offerti, id-dati popolari u n-noti dwar iż-żjarat tal-ġejjieni.

    Tista' tuża dil-faċilità biex issib biss dawk l-affarijiet li jinteressaw lilek u taħbi l-bqija.

    Ikseb ħarsa aħjar lejn il-bookings tal-ġejjieni

    Bħala Host, importanti li żżomm kont tal-istorja tal-prezzijiet u tal-bookings li għandek ġejjin. Kemm kont qed titlob flus matul ir-rebbiegħa li għaddiet? Kemm se jkollok bookings matul ix-xahar ta' Diċembru? It-tweġibiet għal mistoqsijiet bħal dawn jistgħu jgħinuk tieħu ħsieb il-bookings tiegħek aħjar.

    Fuq kompjuter, il-modalità mtejba sena b'sena tal-kalendarju tagħtik l-opportunità li tiċċekkja d-disponibbiltà għax-xhur li ġejjin, tiċċekkja r-rati ta' kull lejl tiegħek tal-passat, tibdel il-prezzijiet u l-offerti għall-ġejjieni u ħafna iktar.

    Żidna wkoll iż-żmien li għalih tista' tiftaħ il-kalendarju tal-listing bil-quddiem biex b'hekk iktar klijenti jkunu jistgħu jsibuh huma u jfittxu. Il-klijenti li jippreferu jibbukkjaw kmieni jistgħu jsibu u jibbukkjaw il-postijiet fejn toqgħod sa sentejn qabel il-vjaġġ tagħhom.

    Dal-aġġornamenti kollha huma maħsuba biex jgħinuk issib id-dettalji li teħtieġ meta teħtieġhom biex tkun tista' tkompli tilqa' n-nies bl-iktar mod effettiv. Jekk għandek xi kummenti dwar dak li nistgħu nagħmlu biex intejbu d-disinn tal-kalendarju, jekk jogħġbok ibagħtilna messaġġ.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Disinn eħfef biex tużah għall-kalendarju biex tkun tista' ssib il-klijenti li għandek ibbukkjati f'ħakka t'għajn

    • Agħżel li turi jew taħbi d-dettalji, bħal pereżempju n-noti dwar iż-żjarat li għandek ibbukkjati għall-ġejjieni

    Airbnb
    9 ta’ Nov 2021
    Dan kien ta' għajnuna għalik?