Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif tagħżel prezz ta' kull xahar għal żjarat itwal

    Dawn l-għodod jagħmluhielek eħfef taħdem in-numri tiegħek u jistgħu jgħinu l-listing tiegħek iħajjar iktar klijenti jibbukkjawh.
    Minn Airbnb f'did-data: 11 ta’ Mej 2021
    Qari ta' 3 minuti
    Aġġornat f'did-data: 11 ta’ Mej 2022

    Punti ewlenin

    • Prezz irħas għal żjarat itwal jaf iħajjar lill-klijenti jibbukkjaw

    • Tista' titlob prezzijiet personalizzati skont ix-xahar tas-sena

    Matul is-sena li għaddiet innutajna li ż-żjarat ta' xahar qed isiru iktar popolari għax iktar klijenti qed jagħżlu li ma jkunux marbuta jgħixu f'post wieħed. Wieħed minn kull ħames vjaġġi bbukkjati fuq Airbnb huwa booking ta' mill-inqas 28 lejl—u iktar min-nofs il-listings minn madwar id-dinja kollha joffru skontijiet għal żjarat itwal.*

    L-iskontijiet ta' kull xahar jistgħu jgħinuk timla l-kalendarju tal-listing tiegħek bil-bookings u ddaħħal id-dħul li tixtieq. Tista' tuża l-għodod tal-prezzijiet ta' kull xahar tagħna biex toffri skont fiss għaż-żjarat fit-tul kollha jew prezz li jinbidel skont ix-xahar tas-sena.

    "Skont għal żjara itwal huwa mod tajjeb ħafna biex tħajjar lill-klijenti jibbukkjaw il-listing tiegħek," jgħid Oliver, Host ġewwa l-Belt ta' New York. "Barra minn hekk, booking ta' xahar normalment ifisser ukoll inqas xogħol biex inħejji l-post bejn żjara u oħra."

    Kif toffri skont ta' kull xahar

    Għalkemm faċli ħafna biex iżżid prezz imraħħas, il-passi u l-għażliet li se jkollok jiddependu minn jekk intix tuża app tal-mowbajl jew brawżer. Dan huwa kif tista' toffri skont li jibqa' l-istess matul is-sena kollha:

    • App tal-mowbajl. Agħżel il-listing tiegħek u agħfas fuq Settings tal-booking. Sib Prezzijiet, agħfas fuq Prezzijiet skont it-tul taż-żjara u agħżel Skont ta' kull xahar. Żid il-perċentwali ta' skont li tixtieq toffri għall-prezz ta' kull lejl tiegħek. Meta tlesti agħfas fuq il-buttuna Issejvja.
    • Brawżer. Agħżel il-listing tiegħek u agħfas jew ikklikkja fuq Prezzijiet u disponibbiltà, imbagħad fuq Skontijiet. Agħfas jew ikklikkja fuq Editja ħdejn Skontijiet ta' kull xahar. Żid il-perċentwali ta' skont li tixtieq toffri għall-prezz ta' kull lejl tiegħek. Meta tlesti kklikkja fuq il-buttuna Issejvja.

    L-għodda tal-prezzijiet taħdem l-iskont ta' kull xahar tiegħek billi fil-każ ta' żjarat ta' mill-inqas 28 lejl, timmultiplika l-prezz ta' kull lejl tiegħek bil-perċentwali ta' skont li tixtieq toffri għal kull lejl ibbukkjat. Imbagħad l-iskont tiegħek jitnaqqas mis-somma li l-klijent jintalab iħallas.

    Grazzi għall-prezzijiet personalizzati ta' kull xahar tista' toffri prezz fiss skont ix-xahar biex taddatta għaż-żmien tas-sena.

    Jekk tixtieq toffri skont differenti skont ix-xahar tas-sena, tista' tagħmel hekk minn brawżer. Sib Skontijiet ta' kull xahar u kklikkja fuq Itlob prezz personalizzat għal xahar partikolari. Imbagħad uża l-menù drop-down biex tagħżel xahar fil-ġejjieni u daħħal il-prezz li tixtieq titlob (tiktibx numri perċentwali).

    L-għażla tal-prezzijiet personalizzati ta' kull xahar tħallik taddatta għall-bidliet fid-domanda tal-post fejn jinsab il-listing tiegħek. Jekk pereżempju għandek listing qrib bajja jew resort tal-iskijjar, tista' tagħżel li żżomm il-prezz tas-soltu għall-iktar xhur popolari u li toffri skont biss għax-xhur li matulhom is-soltu jkollok inqas klijenti.

    Żomm f'moħħok li dal-prezzijiet ta' kull xahar se jieħdu post l-iskontijiet ta' kull ġimgħa u ta' kull xahar li tkun diġà qed toffri awtomatikament.

    Xi spejjeż għandek tqis

    Jaf diġà għandek xi prezz f'moħħok għaż-żjarat ta' xahar. Jekk is-soltu toffri żjarat iqsar u bejn booking u ieħor ikollok xi ljieli vojta, ma tagħmilx ħażin li tipprova toffri żjarat itwal bi prezz ta' kull lejl irħas. In-numru ta' żjarat se jkun inqas imma fl-aħħar mill-aħħar tista' ddaħħal bejn wieħed u ieħor l-istess flus biex tagħmel tajjeb għall-ispejjeż tiegħek.

    Żjarat itwal ifissru rata ta' okkupanzja aħjar, inqas xogħol biex tħejji l-post bejn żjara u oħra, inqas talbiet u messaġġi mingħand il-klijenti u dħul iktar stabbli meta mqabbla ma' żjarat iqsar. Bħal fil-każ taż-żjarat iqsar, xorta nissuġġerulek iżżomm f'moħħok spejjeż bħal:

    • Kera jew pagament li għandek tagħti lill-bank kull xahar. Dis-somma tista' tagħtik ħjiel tal-inqas prezz li għandek titlob.
    • Spejjeż ta' kuljum. Mal-prezz tiegħek tista' żżid dak li tħallas għall-ilma, l-gass u l-elettriku, għas-servizzi bħat-tindif u ż-żamma tal-ġnien u għall-prodotti li tagħżel li toffri lill-klijenti (sapun żejjed, affarijiet bażiċi għat-tisjir, eċċ.).
    • Spejjeż għaż-żamma tal-post. Tista' żżomm f'moħħok ukoll il-flus li tinvesti fl-ispazju tiegħek biex tagħmlu iktar komdu għall-klijenti, bħal pereżempju l-ispejjeż għat-tibdil u t-tiswijiet li tagħmel.

    "Is-suġġeriment tiegħi huwa li tifhem kemm qed iddaħħal mil-listing tiegħek meta l-klijenti jibbukkjaw lejl b'lejl," jgħid Oliver. "Imbagħad tista' tirranġa l-prezz ta' kull xahar tiegħek biex wara l-iskont tibqa' ddaħħal l-istess flus—b'hekk id-dħul tiegħek jibqa' iktar stabbli."

    *Skont dejta interna miġbura minn Airbnb minn madwar id-dinja kollha, wieħed minn kull ħamest iljieli bbukkjati fl-2021 kien parti minn żjara ta' 28 lejl jew iktar. Iktar min-nofs il-listings minn madwar id-dinja kollha joffru skontijiet għal żjarat ta' xahar jew iktar skont l-informazzjoni li kellna fil-31 ta' Diċembru 2021.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Prezz irħas għal żjarat itwal jaf iħajjar lill-klijenti jibbukkjaw

    • Tista' titlob prezzijiet personalizzati skont ix-xahar tas-sena

    Airbnb
    11 ta’ Mej 2021
    Dan kien ta' għajnuna għalik?