Kif toħloq strateġija tal-prezzijiet

Huma x'inhuma l-għanijiet finanzjarji tiegħek, biex tirnexxi teħtieġ strateġija tal-prezzijiet maħsuba. Imma li tilħaq l-għanijiet tad-dħul tiegħek hija logħba ta' bilanċ għax l-affarijiet jinbidlu minn jum għal jum u minn ġimgħa għal ġimgħa. Hawn għandek ftit informazzjoni flimkien ma' xi għodod u pariri li jistgħu jgħinuk tilħaq l-għanijiet tiegħek aħjar.

Il-prezz huwa wieħed mill-fatturi ewlenin li l-klijenti jqisu meta jkunu qed jiddeċiedu fejn se joqogħdu. Hu kemm hu sabiħ l-ispazju tiegħek, jekk ikollu prezz ogħla minn listings oħra bħalu fiż-żona tiegħek, hemm ċans kbir li titlef il-bookings. Jeħtieġlek tiftakar li l-prezz li titlob mhux il-prezz li se jispiċċaw iħallsu l-klijenti. Int u tagħżel prezz li jgħodd għalik u għall-klijenti tiegħek, ara li tqis it-tariffa tas-servizz tal-klijenti, kull tariffa oħra li beħsiebek titlob (bħat-tariffa tat-tindif u t-tariffa għal kull klijent ieħor li jingħaqad mal-booking) u t-taxxi fiż-żona tiegħek.

Ibda billi tfittex Airbnb għal spazji li jixbhu lill-ispazju tiegħek fl-istess żona u qis:

• It-tip ta' propjetà li qed toffri (kamra privata, dar sħiħa, eċċ.)
• In-numru ta' sodod/kmamar tas-sodda li toffri
• In-numru ta' klijenti li tista' tilqa'
• Il-kumditajiet li toffri

Iċċekkja l-prezzijiet tad-dati fil-ġejjieni. Il-listings li joffru prezzijiet kompetittivi normalment ikunu dawk li jinħatfu l-ewwel għalhekk tqabbilx il-prezzijiet tiegħek ma' propjetajiet li għadhom disponibbli ġimgħa jew tnejn qabel id-data taċ-checkin—wisq probabbli dawk ma ġewx ibbukkjati għax il-prezz li qed jitolbu għoli wisq. Jekk tiċċekkja dati iktar 'il quddiem tista' ssir taf kif il-Hosts qrib tiegħek jibdlu l-prezzijiet tagħhom skont l-istaġuni, tmiem il-ġimgħa jew skont l-avvenimenti speċjali u l-btajjel.

Żomm f'moħħok li l-klijenti jafu ma jaħsubx fl-istess affarijiet li qed tqis meta tagħżel il-prezz tiegħek. Pereżempju s-sigurtà u s-sbuħija tal-viċinat jafu ma jfissru xejn għal xi ħadd li ma jafx il-belt tiegħek, għalhekk għandek tispjega dil-ħaġa fil-listing tiegħek. Il-fatt li toffri ospitalità mill-aqwa bħal kolazzjon jew qoffa ta' merħba mimlija ikel tajjeb jista' jgħinek ukoll biex titlob prezz ogħla, imma għandek issemmi dal-affarijiet fil-listing u għandek turihom fir-ritratti tiegħek.

"Int u tibda, importanti li jkollok prezz kompetittiv," jgħid Ros, Host minn Durban, l-Afrika t'Isfel. Il-klijenti ma tantx ikunu lesti jibbukkjaw listings bla reviews għalhekk, jekk int Host ġdid, idealment titlob prezz ftit inqas minn dak li tixtieq biex tħajjar il-klijenti jibbukkjaw il-listing tiegħek. Wara li tkun ksibt ftit reviews pożittivi tista' tgħolli l-prezz skont id-domanda fiż-żona tiegħek. Prezzijiet kompetittivi jgħinu l-listing tiegħek jintwera qabel listings oħra fir-riżultati tat-tiftix.

Trid xi ħaġa iktar stabbli? Ibda uża l-Prezzijiet Intelliġenti. L-għodda tal-prezzijiet ta' Airbnb tagħżel l-aħjar prezz għal kull lejl disponibbli fuq il-kalendarju tiegħek billi tqis iktar minn 70 fattur. Il-prezzijiet tiegħek se jinbidlu awtomatikament skont affarijiet bħal:

• Avviż bil-quddiem: Iktar ma toqrob id-data taċ-checkin
• Popolarità lokali: In-numru ta' nies li qed ifittxu biex jibbukkjaw post fiż-żona tiegħek
• Bidliet tal-istaġun: Bidliet fid-domanda għall-postijiet fiż-żona tiegħek li jistgħu jitbassru skont l-istaġun
• Popolarità tal-listing: Kemm nies jaraw u jibbukkjaw il-listing tiegħek
• Storja tar-reviews: In-numru ta' reviews pożittivi miksuba minn żjarat li tlestew

Biex tiżgura li l-prezz tal-listing qatt ma jkun inqas minn dak li teħtieġ, ara li tqiegħed l-inqas rata li lest/a taċċetta għal kull lejl mill-għodda tal-Prezzijiet Intelliġenti. Il-prezz tiegħek qatt mhu se jkun irħas minn dik ir-rata. Jekk tiddeċiedi li tibdel ir-rata mitluba mill-għodda, tista' tagħmel hekk billi ddaħħal rata ġdida mill-kalendarju tiegħek.

Jaf iddum ftit żmien u jaf ikollok tipprova prezzijiet differenti biex issib il-prezz li jgħodd għall-każ tiegħek. Kun flessibbli u ħares dejjem lejn is-sodisfazzjon tal-klijent. Wara kollox, iktar ma jkollok reviews pożittivi, iktar tkun qed ittejjeb in-negozju tal-ospitalità tiegħek.