Mur 'il quddiem biex taċċessa r-riżultati suġġeriti

    Kif tagħżel x'tariffi għat-tindif titlob

    Il-fatt li tirranġa t-tariffa tiegħek skont it-tul taż-żjara jista' jgħinek biex il-listing tiegħek ikun iktar kompetittiv.
    Minn Airbnb f'did-data: 9 ta’ Nov 2021
    Qari ta' 2 minuti
    Aġġornat f'did-data: 17 ta’ Nov 2021

    Punti ewlenin

    Nifhmu li l-għażla tal-prezz tiegħek hija waħda mill-iktar affarijiet diffiċli meta tilqa' n-nies. Prezz tajjeb jagħmel id-differenza bejn li tikseb u li ma tiksibx booking. Ir-rata ta' kull lejl tiegħek flimkien mat-tariffi l-oħra kollha għandhom jilħqu bilanċ bejn li tagħmel tajjeb għall-ispejjeż tal-ospitalità tiegħek u li toffri l-aħjar valur għall-klijenti tiegħek.

    Kont taf li biex tilħaq dak il-bilanċ tista' titlob tariffi għat-tindif differenti skont it-tul taż-żjara tal-klijent?

    Kif iżżid it-tariffi għat-tindif mal-listing tiegħek

    It-tariffi għat-tindif tiegħek normalment jagħmlu tajjeb għat-tindif li wieħed jistenna li jagħmel wara li jilqa' klijent—li jifrex is-sodod b'lożor nodfa, li jimsaħ il-bankijiet tal-kċina u wċuħ oħra u li jnaddaf is-sinkijiet u t-toilets. It-tariffi għat-tindif jistgħu jgħinuk tħallas għas-servizz ta' persuna professjonali li tgħinek tnaddaf il-post u għall-prodotti għat-tindif.

    Skont kif tagħżel li titlob it-tariffa għat-tindif tiegħek, tista' tagħżel li tagħmel waħda (jew l-ebda) minn dawk li ġejjin:

    • Żid tariffa għat-tindif fissa għall-klijenti kollha, tkun kemm tkun twila ż-żjara tagħhom
    • Żid tariffa għat-tindif irħas għal żjarat qosra ta' lejl jew tnejn, u itlob it-tariffa fissa għaż-żjarat l-oħra kollha
    • Żid tariffa għall-pets biex tagħmel tajjeb għaż-żieda fl-ispejjeż tat-tindif meta tilqa' l-klijenti li qed jivvjaġġaw bil-pets magħhom

    It-tariffi għat-tindif mhux disponibbli għall-Hosts li joffru akkomodazzjoni ġewwa ċ-Ċina kontinentali.

    Kif tħejji kollox biex iżżid iċ-ċans li tirnexxi

    Importanti li l-klijenti jkunu jafu x'jinkludu t-tariffi għat-tindif u x'se jintalbu jagħmlu (jekk se titlobhom jagħmlu xi ħaġa). Tixtieq titlob lill-klijenti jdaħħlu l-platti maħmuġin fid-dishwasher jew ineħħu l-lożor minn fuq is-sodda qabel iċ-checkout? Jekk iva, nissuġġerulek tiġbor tariffa għat-tindif baxxa ħafna—jew ma tiġbor l-ebda tariffa.

    B'tariffa iktar għolja, il-klijenti jafu jistennew li għaċ-checkout ikunu jistgħu jħallu l-ispazju tiegħek bl-istess mod li jħallu kamra f'lukanda.

    Fil-każ rari li l-post u l-affarijiet tiegħek issirilhom il-ħsara minn klijent matul iż-żjara tiegħu, AirCover jista' joffri lill-Hosts sa $1M USD f'ħarsien kontra l-ħsara, inkluż kumpens għat-tindif mhux mistenni. Tista' titlob il-kumpens miċ-Ċentru tar-Riżoluzzjonijiet tagħna.

    Xi wħud mill-affarijiet li tagħmel tajjeb iżżomm f'moħħok int u żżid tariffa għat-tindif:

    • Ipprova uża t-tariffa għat-tindif biex tagħmel tajjeb għall-ispiża tat-tindif—mhux biex iddaħħal iktar flus
    • Jekk din l-ewwel darba li se tilqa' n-nies, qabel iżżid tariffa għat-tindif nissuġġerulek li tistenna ftit sakemm ikollok ftit reviews tajbin biex tikseb il-bookings

    Il-Ħarsien mill-ħsara għall-Hosts mhux polza tal-assigurazzjoni. Ma jħarisx lill-Hosts li joffru żjarat permezz ta' Airbnb Travel, LLC, jew lill-Hosts ġewwa ċ-Ċina kontinentali jew il-Ġappun. Żomm f'moħħok li l-limiti tal-ħarsien qed jintwerew kollha bil-munita USD u l-ħarsien għandu termini, kundizzjonijiet u esklużjonijiet oħra.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    Airbnb
    9 ta’ Nov 2021
    Dan kien ta' għajnuna għalik?