Kif tħeffef il-proċess taċ-checkin

Biex żjara tmur tajjeb, huwa kruċjali li l-klijenti ma jsibuhiex bi tqila jsibu u jidħlu fil-post tiegħek. Int u toħloq il-proċess taċ-checkin, l-importanti hu li tiżgura li jaħdem u li mhux kumplikat. Ippruvah biex tikkonferma li jista' jintuża minn kull klijent għal kull booking.

L-iktar ħaġa importanti għaċ-checkin hija li tikkomunika ċar mal-klijenti. Ann, Host ġewwa Penobscot, Maine tgħidilna, "Qabel jaslu, dejjem niktbilhom biex ngħidilhom grazzi li għażlu l-post tiegħi". Mal-messaġġ tagħha tibgħat l-istruzzjonijiet taċ-checkin u d-direzzjonijiet ta' kif jistgħu jaslu bil-karozza.

"Aħna nibagħtu checklist għaċ-checkin għall-klijenti," tgħid Juliette, membru tal-Bord Konsultattiv tal-Host minn Nairobi, il-Kenja. "B'hekk jifhmu aħjar x'jistgħu jistennew li jsibu."

Ipprova das-suġġerimenti biex toħloq proċess taċ-checkin ħafif:

• Żid l-istruzzjonijiet taċ-checkin fl-app ta' Airbnb. Se nitolbuk ittella' r-ritratti tal-proċess u tikteb ftit istruzzjonijiet qosra.

• Ikteb l-indirizz it-tajjeb u immarka l-post fuq il-mappa. Jekk il-post tiegħek diffiċli ssibu jew m'hemmx reception tal-mowbajl fil-qrib, agħti direzzjonijiet preċiżi biex tevita li l-klijenti jintilfu.
• Ibgħat l-istruzzjonijiet taċ-checkin mill-inqas 24 siegħa qabel il-ħin tal-wasla mistenni. Ikkonferma mal-klijenti li rċevewhom u staqsihom għandhomx xi mistoqsijiet dwarhom.
• Ara li jkunu jistgħu jikkuntattjawk fil-ħin taċ-checkin. Jekk xi ħaġa tmur ħażin, għandek tkun hemm biex tgħinhom.
• Żomm kuntatt mal-klijenti. L-aqwa għodda li tista' tuża f'każ ta' problemi bil-vjaġġ hija komunikazzjoni ċara bejnek u bejn il-klijenti tiegħek.
  

Wara li żżid l-istruzzjonijiet taċ-checkout, il-klijenti se jkunu jistgħu jsibuhom fit-tab Vjaġġi tlett ijiem qabel il-wasla tagħhom. L-istruzzjonijiet se jiżdiedu wkoll mal-Gwida għall-Wasla tal-klijenti 48 siegħa qabel il-ħin taċ-checkin mistenni flimkien mad-direzzjonijiet għall-ispazju tiegħek u d-dettalji tal-wifi.

Tista' tilqa' lill-klijenti wiċċ imb wiċċ jew bl-internet. L-aqwa Hosts ħafna drabi joffru self checkin b'tagħmir bħal keypad, smart lock jew lockbox u jkunu jafu x'għandhom jagħmlu f'każ li tinqala' xi problema.

Jekk toffri self checkin, Juliette tissuġġerixxi li tħallilhom id-dettalji ta' xi ħadd li jistgħu jikkuntattjaw x'każ li jsibu xi problema. "Jien nagħtihom in-numru tal-persuna li tgħinni nnaddaf il-post." Meta tagħmel hekk, jekk il-klijenti jkollhom xi mistoqsijiet u ma jkunux jistgħu jaqbduk, ikollhom mod ieħor kif jidħlu fl-ispazju tiegħek.

Il-klijenti għandhom iħossuhom milqugħin wara ċ-checkin. "L-idea hi li n-nies iħossuhom iktar milqugħa għandek milli f'lukanda tradizzjonali," jgħid Chris, Host ġewwa Cleveland. "Jien nipprova nkun hemm biex inwieġeb il-mistoqsijiet tagħhom malajr kemm jista' jkun."

Ipprova das-suġġerimenti biex timpressjona lill-klijenti tiegħek maċ-checkin:

• Ara li l-post tiegħek ikun nadif tazza. Ara li l-uċuħ, l-art u t-tessuti kollha jkunu nodfa u li jkunu tfarfru. Wara li tnaddaf, ara li ma tkunx ħallejt xi xagħar jew sinjali ta' trab jew ħmieġ. Anki jekk il-post tal-ġenn, mhux se jikseb review ta' ħames stilel jekk ma jkunx nadif.
• Offri xi ħaġa żejda biex turi lill-klijenti li tapprezza li għażlu l-post tiegħek. Din tista' tkun xi ħaġa żgħira bħal messaġġ ta' merħba miktub bl-idejn jew kaxxa gallettini.
• Ħalli l-isem tan-netwerk tal-wifi u l-password tagħhom miktubin fil-post tiegħek. Tista' wkoll iżżid dil-ħaġa direttament fil-listing tiegħek fit-taqsima Informazzjoni għall-klijenti.
• Ħalli l-informazzjoni dwar id-dar għall-klijenti fil-post tiegħek. Fiha għandu jkun hemm informazzjoni bħall-istruzzjonijiet għall-parkeġġ, dettalji dwar il-kumditajiet tiegħek u pariri fuq kif tħaddem l-appliances.
• Oħloq gwida tal-ivvjaġġar u fiha semmi r-ristoranti, il-mogħdijiet għall-mixjiet fit-tul u l-attivitajiet għal nies b'diżabbiltà li taħseb li taħseb li se jogħġbu l-iktar lill-klijenti.
  

Ikkomunika mal-klijenti wara li jidħlu fil-post biex tiżgura li għandhom dak kollu li jeħtieġu. Tista' tagħmel hekk billi tuża l-messaġġi skedati.

L-informazzjoni f'dal-artiklu jaf laħqet inbidlet minn meta ġie ppubblikat.