Ikseb l-għajnuna mingħand Hosts oħra bħalek
Mill-2017 'l hawn, iktar minn 4 miljun Host tellgħu l-postijiet tagħhom fuq Airbnb. Ħafna minn dawn il-Hosts kisbu l-kuntatti u l-għajnuna li kienu jeħtieġu mill-Klabbs tal-Hosts tal-postijiet fejn kellhom il-listings tagħhom jew miċ-Ċentru tal-Komunità ta' Airbnb.
Ingħaqad ma' Klabb tal-Hosts għall-għajnuna minn Hosts li jilqgħu n-nies fl-istess post
Il-Klabbs tal-Hosts huma mmexxija mill-Hosts għall-Hosts f'komunitajiet madwar id-dinja kollha permezz ta' gruppi fuq Facebook u laqgħat wiċċ imb wiċċ. Meta tingħaqad ma' Klabb tal-Hosts tikseb aċċess għal:
- Pariri mingħand Hosts li diġà ħabbtu wiċċhom mal-liġijiet tal-kiri għal żmien qasir fiż-żona tiegħek
- Laqgħat fuq l-internet u oħrajn wiċċ imb wiċċ li jistgħu jwasslu għal kuntatti siewja
- Aċċess esklussiv għall-aħħar aħbarijiet u bidliet fis-servizz ta' Airbnb
- L-opportunità li xi Hosts għaddulek klijenti ġodda meta tidħlilhom xi talba li ma jkunux jistgħu jaċċettaw
- Komunità li tilqgħek u tgħinek matul l-avventura tiegħek bħala Host
"Ftit żmien ilu, waħda mill-Hosts fil-komunità tagħna qaltilna li kienet qed issibha bi tqila biex tikseb biżżejjed bookings," tgħidilna Janvi, Mexxejja tal-Komunità ġewwa l-Kenja. "Fi ftit minuti, il-membri l-oħra tal-grupp tawha l-pariri tagħhom fuq kif titlob prezz ta' kull lejl kompetittiv fiż-żona, fuq kif tqabbad fotografu tal-post biex jieħu r-ritratti tal-ispazju tagħha u fuq kif tibdel l-istil tal-post tagħha. Nieħu gost ħafna nara lill-membri tal-komunità jingħaqdu hekk biex jgħinu lil xulxin."
Ingħaqad ma' Hosts oħra bħalek fiċ-Ċentru tal-Komunità
Iċ-Ċentru tal-Komunità ta' Airbnb huwa forum fuq l-internet li jlaqqa' lill-Hosts il-ġodda u dawk inqas ġodda minn madwar id-dinja kollha. Il-Hosts jingħataw merħba f'ambjent mimli ħajja fejn jistgħu jaħdmu id f'id u jistgħu:
- Ifittxu t-taħditiet li diġà jkunu seħħew u jsibu pariri fuq firxa wiesgħa ta' suġġetti
- Jitolbu pariri fuq kif iġibu ruħhom f'sitwazzjonijiet partikolari—bħal pereżempju kif għandhom iwieġbu messaġġ ta' klijenti jew review ħażina
- Jaqsmu l-listing tagħhom ma' Hosts oħra u jiksbu l-kummenti, il-ħsibijiet u l-pariri fuq kif jistgħu jtejbuh
- Jaqsmu l-istejjer tal-esperjenzi tagħhom huma u jilqgħu n-nies, bħal pereżempju xi messaġġ sabiħ li jkun ħallielhom xi klijent jew xi problema bil-kalendarju li qed iħabbtu wiċċhom magħha
- Jaqsmu l-kummenti u l-ħsibijiet tagħhom direttament mal-ħaddiema ta' Airbnb
"Tliet snin wara li bdejt nilqa' n-nies, żort iċ-Ċentru tal-Komunità biex nipprova nsib soluzzjoni għal problema teknika partikolari," tgħid Lawrene, Host ġewwa Nova Scotia, il-Kanada. "Jien u naqra t-taħditiet, sibt li kieku ngħaqadt qabel, stajt nevita ħafna problemi li Hosts oħra diġà għaddew minnhom.
"Hija dak li nifhem b'komunità. Għandek grupp ta' nies ta' veru qed jagħtu l-pariri tagħhom u jgħinu lil xulxin—mhux avatars jew laqmijiet. Nies li jixtiequ jaqsmu ħinhom u l-għarfien tagħhom mal-oħrajn. Sibt ukoll ħafna Hosts b'listings li nitħajjar ħafna nibbukkja."
L-informazzjoni f'dal-artiklu jaf laħqet inbidlet minn meta ġie ppubblikat.