Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Il-kumditajiet li jfittxu l-klijenti

    Spazju armat tajjeb jista' jħajjar iktar klijenti jibbukkjawh.
    Minn Airbnb f'did-data: 19 ta’ Nov 2020
    Qari ta' 4 minuti
    Aġġornat f'did-data: 5 ta’ Apr 2022

    Punti ewlenin

    • Agħti ħarsa lejn l-iktar 10 kumditajiet popolari bħalissa, inkluż spazju addattat għall-pets, wifi, parkeġġ bla ħlas u aktar

    • Aġġorna l-kumditajiet tiegħek biex tiżgura li l-klijenti jkunu jistgħu jsibuk huma u jfittxu

    • Skopri iktar grazzi għall-gwida kompluta tagħna dwar kif toħloq listing tajjeb

    Skont stħarriġ mal-konsumaturi mitlub minn Airbnb, il-biċċa l-kbira tal-vjaġġaturi jemmnu li l-kumditajiet huma importanti ħafna biex ikollhom vjaġġ mill-aqwa. U issa li l-klijenti qed ifittxu żjarat itwal, dawn huma iktar importanti.

    Barra minn hekk, il-klijenti spiss jiffiltraw ir-riżultati tat-tfittxija tagħhom għal postijiet li joffru 10 kumditajiet popolari. Biex tispikka fir-riżultati ta' tfittxija, ara li żżid jew taġġorna l-kumditajiet tiegħek biex jekk toffri dal-kumditajiet popolari, issemmihom fil-listing tiegħek. Jekk tħejji l-ispazju tiegħek bil-ħsieb u żżid kumditajiet popolari mal-listing tiegħek, il-listing tiegħek jista' jispikka meta mqabbel mal-oħrajn.

    Agħti titwila lejn dawn l-iktar 10 kumditajiet popolari

    Huma u jfittxu għal-listings, ħafna klijenti jużaw il-filtri biex juru biss il-propjetajiet li joffru l-kumditajiet jew il-faċilitajiet li jixtiequ għalhekk ara li tinkludi kemm jista' jkun minnhom fil-listing tiegħek. Il-klijenti spiss ifittxu għal-listings li joffru:*

    1. Pixxina
    2. Wifi
    3. Kċina
    4. Parkeġġ bla ħlas
    5. Jacuzzi
    6. Magna tal-ħasil jew dryer
    7. Arja kkundizzjonata jew tisħin
    8. Self checkin
    9. Spazju għal ħidma fuq laptop
    10. Post li jaċċetta l-pets

      Ixtri kwantità kbira ta' prodotti essenzjali

      Il-klijenti jistennew li jsibu t-toilet paper, is-sapun tal-idejn u s-sapun biex jinħaslu bih, xugamani u lożor għalhekk ara li l-ispazju tiegħek ikollu dal-kumditajiet essenzjali kollha. Airbnb tissuġġerilek toffri mill-inqas:

      • Xugaman għal kull klijent
      • Imħadda għal kull klijent
      • Lożor għal kull sodda għall-klijenti

      Il-klijenti qalulna wkoll li jixtiequ jkunu jistgħu jnaddfu matul iż-żjara tagħhom. Għin lill-klijenti jħossuhom komdi u siguri billi tħalli fl-ispazju tiegħek prodotti tat-tindif li jistgħu jużawhom, fosthom:

      • Xugamani tal-karti li jintremew wara li jintużaw
      • Ingwanti li jintremew wara li jintużaw
      • Prodott għat-tindif ta' ħafna tipi ta' wċuħ
      • Sprej jew wipes biex jiddiżinfettaw
      • Sanitizer antibatteriku għall-idejn

      Żomm f'moħħok is-sigurtà

      Meta tieħu prekawzjonijiet tas-sigurtà bażiċi tista' tkun qed tgħin biex tħares darek u lill-klijenti tiegħek. Nissuġġerulek tqiegħed dawn l-affarijiet li ġejjin fl-ispazju tiegħek:

      • Allarm tad-duħħan
      • Allarm tal-monossidu tal-karbonju
      • Apparat għat-tifi tan-nar
      • Kaxxa tal-ewwel għajnuna
      • Pjan ta' emerġenza u lista tan-numri tat-telefown lokali

      Aħseb minn qabel grazzi għall-pariri tal-għaqdiet tas-saħħa u s-sigurtà minn madwar id-dinja kollha

      Enfasizza l-aċċessibbiltà

      Il-klijenti bi bżonnijiet ta' aċċessibbiltà jfittxu għal kumditajiet partikolari ħafna. Id-daħliet mingħajr turġien, bibien u kurituri usa' (wiesa' mill-inqas 82ċm) u sodod b'għoli aċċessibbli huma wħud mill-faċilitajiet li jagħmlu d-dar tiegħek addattata għalihom. Il-listings li joffru l-faċilitajiet tal-aċċessibbiltà jintwerew qabel oħrajn fir-riżultati tat-tiftix ta' Airbnb għalhekk nissuġġerulek biex issemmi dal-faċilitajiet fil-lista tal-kumditajiet u turihom fir-ritratti tiegħek.

      Ħejji l-post għal dawk li jaħdmu mid-dar

      Kemm jekk il-klijenti qed joqogħdu għandek għax jixtiequ jqattgħu ftit żmien qrib tal-familja kif ukoll jekk għax jixtiequ jiskopru komunità ġdida, id-dejta ta' Airbnb turi li qatt qabel ma kien hemm numru ikbar ta' klijenti li qed jaħdmu mid-dar.

      Il-klijenti qed ifittxu listings li jistgħu jintużaw għax-xogħol mid-dar jew bħala postijiet għal żjarat itwal u għalhekk importanti li taħseb f'dak li jistgħu jkunu jeħtieġu biex ikunu komdi, bħal:

      • Wifi stabbli b'veloċità tajba
      • Spazji għal ħidma fuq laptop
      • Dawl tajjeb
      • Kċejjen mgħammra b'kollox
      • Materjal tal-uffiċju

      Sir af kif tħejji l-ispazju tiegħek għan-nies li jaħdmu mid-dar

      Uri l-faċilitajiet maħsuba għat-tfal u għall-pets

      Numru ikbar ta' klijenti qed jivvjaġġaw mal-familja kollha. Jekk kapaċi tilqa' lit-tfal u lill-pets, il-listing tiegħek jista' jħajjar iktar nies jibbukkjawh.

      Biex tevita li l-ġenituri u s-sidien tal-pets ikollhom iġorru magħhom affarijiet kbar għal distanzi twal, nissuġġerulek issemmi li toffri kumditajiet bħal:

      • Benniena u siġġu għoli
      • Banju
      • Arja kkundizzjonata
      • Magna tal-ħasil u/jew dryer
      • Iktar prodotti għat-tindif
      • Għata għall-għamara
      • Skutelli għall-ikel u l-ilma tal-pets
      • Xugamani biex timsaħ saqajn il-pets tiegħek qabel jidħlu fil-post

      Żid xi ftit dettalji bi ħsieb

      Wieħed mill-aqwa modi kif ittejjeb ir-reviews tiegħek huwa billi tagħti sorpriża lill-klijenti bi ftit kumditajiet oħra, bħal ikel għall-kolazzjon u dak kollu li jafu jeħtieġu biex jagħmlu kafè tajjeb. Minn li toffri xi xarbiet sa ġugarelli għall-pixxina, hemm ħafna modi biex ittejjeb l-ispazju tiegħek.

      Ma tafx x'jista' jogħġob lill-klijenti tiegħek? Għix l-esperjenza li jgħixu l-klijenti billi tqatta' lejl fl-ispazju tiegħek. B'hekk żgur se ssib xi ħaġa li tista' żżid biex tiżgura li l-klijenti tiegħek ikollhom żjara mill-aqwa.

      Iċ-checklist

      Kumditajiet bażiċi:

      • Toilet paper
      • Sapun għall-idejn u l-ġisem
      • Xugaman għal kull klijent
      • Lożor għal kull sodda
      • Imħadda għal kull klijent
      • Prodotti tat-tindif

      L-aktar kumditajiet mfittxija mill-klijenti:*

      • Pixxina
      • Wifi
      • Kċina
      • Parkeġġ bla ħlas
      • Jacuzzi
      • Magna tal-ħasil jew dryer
      • Arja kkundizzjonata jew tisħin
      • Self checkin
      • Spazju għal ħidma fuq laptop
      • Post li jaċċetta l-pets

      Kumditajiet għas-sigurtà:

      • Allarm tal-monossidu tal-karbonju
      • Allarm tad-duħħan
      • Apparat għat-tifi tan-nar
      • Kaxxa tal-ewwel għajnuna
      • Pjan ta' emerġenza u lista tan-numri tat-telefown lokali

      Kumditajiet għall-aċċessibbiltà:

      • Daħla mingħajr turġien
      • Daħliet wesgħin (mill-inqas 82ċm)
      • Kurituri wesgħin (mill-inqas 91.5ċm)
      • Kamra tal-banju maħsuba għal nies bi ħtiġijiet ta' aċċessibbiltà

      Xi kumditajiet oħra li l-klijenti japprezzaw:

      • Toilet paper, lożor u xugamani żejda
      • Prodotti tal-indafa personali bażiċi bħal xampù u conditioner
      • Sapun tal-platti u prodotti tat-tindif
      • Affarijiet bażiċi għall-ikel bħal magna tal-kafè, oġġetti għat-tisjir, platti u pożati
      • Tazzi tal-inbid
      • Affarijiet bażiċi għat-tisjir bħal melħ, bżar u żejt
      • Kafè, te
      • Kolazzjon żgħir jew tnaqqir
      • Spallieri
      • Adapters u ċarġers

      Kumditajiet għal min jaħdem mid-dar:

      • Wifi stabbli b'veloċità tajba
      • Spazju għal ħidma fuq laptop
      • Dawl tajjeb
      • Kċejjen mgħammra b'kollox
      • Materjal tal-uffiċju

      Kumditajiet maħsuba għall-familja u għall-pets:

      • Benniena u siġġu għoli
      • Banju
      • Arja kkundizzjonata
      • Magna tal-ħasil u/jew dryer
      • Iktar prodotti tat-tindif
      • Għata għall-għamara
      • Skutelli għall-ikel u l-ilma tal-pets
      • Xugamani biex timsaħ saqajn il-pets tiegħek qabel jidħlu fil-post

        *Skont id-dejta interna ta' Airbnb li kejlet l-iktar kumditajiet imfittxija madwar id-dinja kollha mill-1 ta' Jannar sal-31 ta' Diċembru 2021.

        L-informazzjoni li tinsab f'dal-artiklu jaf laħqet inbidlet minn meta ġie ppubblikat.

        Punti ewlenin

        • Agħti ħarsa lejn l-iktar 10 kumditajiet popolari bħalissa, inkluż spazju addattat għall-pets, wifi, parkeġġ bla ħlas u aktar

        • Aġġorna l-kumditajiet tiegħek biex tiżgura li l-klijenti jkunu jistgħu jsibuk huma u jfittxu

        • Skopri iktar grazzi għall-gwida kompluta tagħna dwar kif toħloq listing tajjeb
        Airbnb
        19 ta’ Nov 2020
        Dan kien ta' għajnuna għalik?