Dawn l-amministraturi tal-propjetà użaw l-għodda ta' Airbnb biex iżidu l-bookings għall-post tagħhom

Meta madwar għaxar snin ilu, il-koppja Angie u Chris bdew jirrestawraw u jikru lofts artistiċi ġewwa Pariġi, kienu jsibuha bi tqila biex isibu l-klijenti. Il-postijiet tagħhom kienu ppubblikati fuq tliet pjattaformi online għall-ivvjaġġar u fuq il-websajt tagħhom u xorta rari kienu jibbukkjaw iktar minn nofs l-iljieli tas-sena.

Il-bidla seħħet ħames snin ilu meta biex isibu udjenza ikbar, tellgħu s-seba' lofts tagħhom—Artisan Lofts Paris—fuq Airbnb. Il-firxa wiesgħa ta' nies minn madwar id-dinja li jintlaħqu mill-pjattaforma tagħna wasslet biex isibu għadd ta' klijenti għadhom żgħar u li jħobbu jużaw it-teknoloġija. Dan wassal biex il-koppja tqis li llum għandha madwar 85% tal-iljieli bbukkjati fl-iktar żminijiet tas-sena popolari u madwar 75% matul iż-żmien inqas popolari tax-xitwa.

"Airbnb fetħet is-suq tal-ospitalità għal klijenti u vjaġġaturi ġodda," jgħidilna Chris, eks-konsulent ma' PwC. "Biddlet l-industrija f'xempju għall-innovazzjoni, it-teknoloġija u l-esperjenzi tal-klijenti."

Għal Hosts moħħhom jilħqilhom bħal Angie u Chris, il-pjattaforma ta' Airbnb ma kinetx biss mod kif jiksbu l-klijenti imma wkoll mod ta' kif jistgħu juru ritratti sbieħ tal-lofts żgħar u lussużi tagħhom li qabel kienu fran tal-ħobż, ħwienet tal-moda u studji tal-artisti. Il-gallerija li tintwera b'mod prominenti tgħinhom jaqsmu l-istil tagħhom mal-oħrajn—posters b'disinji art deco, siġġijiet moderni ta' nofs is-seklu li għadda u għata tas-sodod ħomor ikkaxxjati. Airbnb tagħtihom ukoll l-għażla li joħolqu gwidi tal-ivvjaġġar personalizzati fejn jistgħu jaqsmu l-pariri tagħhom dwar il-post mal-klijenti—fejn jistgħu jixtru, jieklu u jixorbu fil-postijiet imfittxija min-nies ta' Pariġi.

"Nilqgħu n-nies għax aħna stess nieħdu gost nivvjaġġaw," jgħid Chris. "Aħna nħobbu nivvjaġġaw qisna nies tal-post, mhux bħalma jagħmlu t-turisti. Għalhekk għażilna li nibdew nilqgħu n-nies u li ngħinu lill-klijenti tagħna jħossuhom qishom kienu nies tal-post huma u jivvjaġġaw."

"Airbnb ħolqot xi ħaġa li pjattaformi oħra qatt ma rnexxielhom jagħmlu—kategorija għall-Hosts li jiffukaw fuq servizz tal-ogħla kwalità," jgħidilna. "Hija wkoll opportunità għal sid id-dar biex itejjeb is-servizz tiegħu u jikseb dak il-premju."

Qabel ma' ssieħbu ma' Airbnb, Chris u Angie kienu jsibuha bi tqila li jużaw is-softwer tal-bookings tagħhom biex jieħdu ħsieb il-kalendarji bil-bookings li kellhom fuq ħafna pjattaformi differenti. "Kienet biċċa wġigħ ta' ras," jgħid Chris. Airbnb għenithom jissinkronizzaw il-kalendarji kollha tagħhom biex ma jkunx hemm iktar minn klijent wieħed li jibbukkja data waħda. Il-pjattaforma għandha wkoll paġni għall-għajnuna li jagħtu lill-koppja xi pariri ta' kif tista' ttejjeb in-negozju tagħha fuq Airbnb. Wara li sabu suġġeriment b'parir li jnaqqsu r-rekwiżiti għall-inqas numru ta' ljieli għal żjara, Angie u Chris bdew jiksbu iktar bookings.

Il-koppja użat ukoll l-għodod tal-prezzijiet awtomatiċi tal-pjattaforma li għal sena bil-quddiem jagħtuk l-aqwa rati skont l-istaġun, il-jiem tal-ġimgħa u l-avvenimenti speċjali. "Airbnb tat l-għodod ta' lukandier lis-sidien tan-negozji ż-żgħar ukoll," jgħid Chris.

Grazzi għas-suċċess li kisbet ġewwa Pariġi, il-koppja issa beħsiebha tidħol fis-suq Portugiż. L-għodod għall-co-Hosts ta' Airbnb se jgħinuhom idaħħlu lil xi ħadd jaħdem magħhom biex jgħinhom jieħdu ħsieb il-propjetà tagħhom mill-bogħod. "Naħseb li l-idea ta' co-Host biddlet il-mod ta' kif in-nies qed imexxu n-negozji tagħhom," jgħid Chris. "Nemmen li Airbnb dejjem kienet minn ta' quddiem fejn jidħlu ideat ġodda."

L-informazzjoni li tinsab f'dal-artiklu jaf laħqet inbidlet minn meta ġie ppubblikat.