Suġġerimenti mingħand il-Hosts ta' Airbnb Plus: Kif tilqa' l-klijenti aħjar

Il-Hosts ta' Airbnb Plus huma komunità ta' persuni eċċezzjonali li jittrattaw il-hosting bħala arti u jibnu konnessjoni mill-mument tal-wasla. Dawn huma wħud mill-aqwa suġġerimenti tagħhom biex toħloq impressjoni tajba mill-ewwel u tagħti merħba bil-qalb:

M'għandekx għalfejn tistenna sakemm jaslu l-klijenti tiegħek biex iħossuhom li lqajthom. Il-jum ta' qabel iċ-checkin, staqsi lill-klijenti jekk għandhomx xi talbiet speċjali. Se jivvjaġġaw b'pet? Ħallilhom xi gallettini jew ġugarell għall-pets. Kemm jekk qed tneħħi allerġen tal-ikel mill-kamra fejn jinżamm l-ikel jew jekk qed tħalli direzzjonijiet għal post li taf li l-klijenti jixtiequ jżuruh, element personali jagħmel differenza kbira.

Lill-klijenti agħtihom struzzjonijiet ċari għaċ-checkin biex jippreparaw għall-wasla tagħhom, inklużi ritratti ta' fejn isibu ċ-ċwievet u minn fejn jidħlu. Ħafna Hosts jixtiequ jibagħtu struzzjonijiet għaċ-checkin permezz tal-app ta' Airbnb. Jekk jista' jkun, kun flessibbli rigward talbiet għal checkin bikri jew checkout tard.

Offri li tilqa' lill-klijenti personalment, jew ipprovdi self checkin faċli b' smart lock, tastiera li tissakkar, jew bieb bit-tastiera fuqu. Ara li t-tislimiet wiċċ imb'wiċċ ikunu mill-qalb, fil-qosor u ffukati—probabbilment waqt id-dawra mal-post m'għandekx għalfejn tinkludi l-informazzjoni li diġà ssibha fl-informazzjoni dwar id-dar. Jekk il-klijenti jużaw self checkin, ikkuntattjahom biex tiżgura li jkollhom dak kollu li għandhom bżonn.

Għin lill-klijenti jħossuhom komdi billi tissettja temperatura komda, tixgħel id-dwal malli jidħlu, u tħallilhom nota personalizzata biex tilqagħhom b'isimhom. Kun ċert/a li l-ispazju jkollu riħa pjaċevoli jew newtrali (mingħajr fwejjaħ, fwejjaħ kimiċi jew irwejjaħ qawwija). Kull riħa trid tkun ħafifa u naturali, bħal ewkaliptus, lavanda, u ċitru—ipprova uża diffużur jew żjut essenzjali.

Agħmilha faċli għall-klijenti biex isibu dak li jeħtieġu, kemm fil-propjetà tiegħek kif ukoll fiż-żona tal-madwar. Ħallilhom noti qosra b'pariri utli, inklużi tfakkiriet dwar x'jistgħu jew x'ma jistgħux jagħmlu. (Tista' tuża l-istess noti għal żmien twil, sakemm ma jitqattgħux jew jitħammġux.) Ara li tagħti informazzjoni dwar id-dar li faċli tużaha b'pariri ta' espert dwar il-post tiegħek, dwar l-affarijiet li tista' tagħmel fil-qrib u dwar il-punti ta' interess tal-madwar.

"Marti tilqa' lill-klijenti billi tagħtihom flixkun inbid; jien nilqgħahom billi nħallilhom nofs tużżana bajd. Nippruvaw nibnu rabta ma' kull klijent," jgħid Darrel, Host ta' Airbnb Plus minn Atlanta. U l-ospitalità tiegħu tagħti l-frott: "Darrel veru kien orrajt magħna meta wasalna għandu," jgħid Harrison, klijent. "L-istruzzjonijiet tiegħu kienu ċari ħafna, allura ma kienx hemm konfużjoni waqt iċ-checkin u ċ-checkout."

Ippermetti lill-klijenti jibdew jieħdu pjaċir mall-ewwel billi tipprovdilhom stokk tajjeb ta' kumditajiet li jservuhom tul iż-żjara kollha. Pereżempju, dejjem inkludi ammont abbundanti ta' toilet paper u oġġetti tal-ikel bħal bżar, melħ u żjut għat-tisjir. Biex tagħmel il-vjaġġ aktar faċli għall-klijenti, ipprepara ruħek biex tipprovdi oġġetti li normalment jintalbu, bħal xugamani u kutri żejda.

Parir bonus: Jekk tixtri prodotti bl-ingrossa (bħal sapun likwidu jew te u kafè) tista' tispiċċa billi tiffranka l-flus. Apparti hekk, jekk timla fliexken u l-kontenituri tagħmel ġid lill-ambjent, u jagħti dehra isbaħ ukoll.

Tislima bħala ħbieb fiha l-istess ħlewwa daqs merħba mill-qalb. Meta jkun possibbli, aċċetta kull talba għal checkout aktar tard. Għin lill-klijenti jippjanaw il-vjaġġi tagħhom billi tibgħatilhom nota fejn tiddeskrivi l-eħfef rotta lejn l-ajruport jew stazzjon tal-ferrovija.

Agħmel mod li ċ-checkout ikun sempliċi bħal kemm isakkru l-bieb jew iħallu ċ-ċavetta —il-klijenti m'għandhomx jintalbu joħorġu l-iskart jew jaħslu l-platti jew il-lożor. Fi żmien 24 siegħa wara ċ-checkout, ibgħat nota lill-klijenti biex tirringrazzjahom u tistaqsihom jekk l-affarijiet marrux sew matul iż-żjara tagħhom.

Tinsiex li l-komunikazzjoni ċara hija essenzjali, minn qabel iċ-checkin sa wara ċ-checkout. Iktar ma tilqa' klijenti fl-ispazju tiegħek, iktar se ssib il-mod uniku tiegħek biex iġġiegħlhom iħossuhom daqslikieku qegħdin id-dar.