Mur 'il quddiem biex taċċessa r-riżultati suġġeriti

    Kif tuża s-settings tal-kalendarju u tal-bookings

    Agħżel id-disponibbiltà tiegħek biex tgħinek tikseb il-bookings li tixtieq.
    Minn Airbnb f'did-data: 1 ta’ Diċ 2020
    Qari ta' 3 minuti
    Aġġornat f'did-data: 17 ta’ Mar 2022

    Punti ewlenin

    • Żomm is-settings tal-kalendarju tiegħek aġġornati biex tkun tista' tikseb il-bookings meta tixtieqhom

    • Issinkronizza l-kalendarji tiegħek biex tevita kanċellazzjonijiet u penali

    • Skopri iktar grazzi għall-gwida kompluta tagħna dwar kif toħloq listing li jirnexxi

    Is-settings tal-bookings u tal-kalendarju tiegħek jagħtuk kontroll sħiħ fuq meta taqsam l-ispazju tiegħek—kemm jekk trid tilqa' n-nies biss matul tmiem il-ġimgħa kif ukoll jekk tixtieq tilqa' n-nies kuljum. Jekk titgħallem tuża das-settings, se tkunlek eħfef kemm li tmexxi n-negozju tal-ospitalità tiegħek kif ukoll li toffri lill-klijenti tiegħek dak li qed ifittxu.

    Il-fatt li żżomm il-kalendarju tiegħek aġġornat jista' pereżempju jgħinek tevita li jkollok tikkanċella booking, xi ħaġa li tista' twassal għal penali għalik u esperjenza xejn sabiħa għall-klijent tiegħek. Hawn għandek l-istruzzjonijiet ta' kif tibda tuża s-settings tal-kalendarju u tal-bookings li jgħoddu għalik u għal-listing tiegħek.
    Jien nuża s-settings tal-kalendarju u tal-bookings tiegħi biex noħloq it-tip ta' listing li bħala vjaġġatur infittex—listing li nista' nibbukkja malajr u fejn nista' nagħmel iċ-checkin minn kmieni.
    Superhost Kevino,
    Il-Belt tal-Messiku

    Kif tagħżel id-disponibbiltà tiegħek

    Importanti li żżomm il-kalendarju tiegħek aġġornat: iktar ma jkollok dati disponibbli, u tista' tiftaħ id-dati sa sentejn bil-quddiem, iktar tkun qed tagħti lill-klijenti għażliet minn fejn jistgħu jagħżlu.

    Tista' tuża s-settings tal-bookings u l-kalendarju tiegħek biex tilħaq bilanċ bejn li toffri disponibbiltà wiesgħa għall-klijenti u li tilqa' n-nies b'mod addattat għalik. Is-Superhost Kenivo juża das-settings biex:
    • Jaġġorna l-prezzijiet skont id-domanda taż-żona. "Ġeneralment nitlob prezzijiet ogħla f'Ottubru u Novembru għax, minħabba l-ħafna festivals li jseħħu matul dax-xhur, dawn huma meqjusa bħala l-istaġun popolari tal-Belt tal-Messiku. Kulħadd irid jkun hawn għall-Jum tal-Mejtin!"
    • Jagħżel il-ħinijiet taċ-checkin u taċ-checkout. "Il-klijenti jistgħu jibdew jagħmlu ċ-checkin mis-14:00 u jistgħu jagħmlu ċ-checkout x'ħin iridu qabel nofsinhar—nixtieq li l-klijenti jħossuhom li għandhom ċans jieklu l-kolazzjon u jirrilassaw qabel iħallu l-post tiegħi. Għandi wkoll żona li tissakkar fejn il-klijenti li jixtiequ jqattgħu iktar ħin fil-belt wara l-ħin taċ-checkout jistgħu jħallu l-bagalji tagħhom."
    • Jimblokka d-dati li jixtieq iżomm għall-familja, għall-ħbieb jew għall-klijenti li jibbukkjaw il-post tiegħu ta' sikwit. "Għandi wkoll klijenti li sena wara l-oħra jagħżlu li jibbukkjaw l-istess dati għalhekk nimblokka dawk id-dati minn qabel."

    Tista' wkoll tuża l-preferenzi tal-booking tiegħek biex:

    • Tagħżel it-tul ta' ħin li teħtieġ biex tħejji l-post għall-klijenti. Pereżempju xi Hosts ma jaċċettawx bookings għall-għada jew għal dakinhar stess għax jeħtieġu iktar ħin biex jimxu mal-proċess għat-tindif imtejjeb.
    • Tagħżel l-inqas u l-itwal tul għal żjara. Xi Hosts jeħtieġu li żjara tkun ta' mill-inqas 2 iljieli filwaqt li oħrajn jitolbu żjara ta' mill-inqas ġimgħa jew iktar matul l-iktar żmien popolari tas-sena għaż-żona tagħhom.
    • Tissinkronizza l-kalendarju ta' Airbnb tiegħek mal-kalendarji onlajn l-oħra tiegħek biex tiżgura li dejjem tkun taf dwar il-bookings li għandek ġejjin.

    Ma tagħmilx ħażin li żżomm f'moħħok li l-kalendarju tiegħek iżommlok kont ukoll tal-bookings tal-klijenti. Tista' tuża l-modalitajiet personalizzati u mtejba biex tiċċekkja d-disponibbiltà tiegħek għall-ġejjieni, tiċċekkja l-prezzijiet li tlabt għall-iljieli li għaddew, tirranġa l-offerti u l-prezzijiet għall-ġejjieni u tippjana għall-futur b'moħħok mistrieħ.

    Kif tagħżel kif il-klijenti jistgħu jibbukkjaw l-ispazju tiegħek

    Il-klijenti jistgħu jibbukkjaw l-ispazju tiegħek b'wieħed minn żewġ modi: jew permezz tal-Booking Immedjat jew billi jibagħtulek talba għall-booking.

    Il-Booking Immedjat jagħti lill-klijenti l-opportunità li jibbukkjaw id-dar tiegħek minnufih għal kull data disponibbli sakemm ikollhom ir-rekwiżiti kollha li qed tfittex u jaqblu mar-regoli tad-dar tiegħek. Dil-għodda tħaffef il-proċess tal-booking għall-klijenti għax ma jkollokx għalfejn tirrevedi u taċċetta kull talba għall-booking.

    Għamilt prova li matulha l-ewwel ippubblikajt il-listing tiegħi bil-ħtieġa li jintbagħtu t-talbiet għall-booking imbagħad bil-Booking Immedjat. Bil-Booking Immedjat innutajt żieda tajba fin-numru ta' bookings.
    Superhost Kevino,
    Il-Belt tal-Messiku

    It-talbiet għall-bookings manwali ta' sikwit jintgħażlu mill-Hosts li:

    • Ikollhom disponibbiltà li tvarja minħabba l-ħtiġijiet u l-impenji tagħhom
    • Joffru spazju uniku, bħal pereżempju post qadim ħafna, u qabel jikkonfermaw booking ikunu jixtiequ javżaw lill-klijenti minn qabel dwaru biex b'hekk ikunu jafu x'għandhom jistennew
    • Joffru żjarat itwal ta' mill-inqas 28 lejl
    Grazzi għal das-settings u oħrajn bħalhom tista' tagħżel meta u kif l-ispazju tiegħek jiġi bbukkjat—u fl-istess waqt toħloq kalendarju tal-ospitalità li jgħodd għall-ħtiġijiet tiegħek.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Żomm is-settings tal-kalendarju tiegħek aġġornati biex tkun tista' tikseb il-bookings meta tixtieqhom

    • Issinkronizza l-kalendarji tiegħek biex tevita kanċellazzjonijiet u penali

    • Skopri iktar grazzi għall-gwida kompluta tagħna dwar kif toħloq listing li jirnexxi

    Airbnb
    1 ta’ Diċ 2020
    Dan kien ta' għajnuna għalik?