Airbnb kemm titlob flus mingħand il-Hosts?
Punti ewlenin
Il-biċċa l-kbira tal-Hosts iħallsu tariffa tas-servizz ta' 3% tas-sottototal tal-booking
Il-klijenti normalment iħallsu tariffa tas-servizz ta' madwar 14% tas-sottototal tal-booking
Dat-tariffi jgħinu lil Airbnb tgħin lil Hosts u toffri s-servizzi tagħha
Ħafna Hosts jilqgħu n-nies biex idaħħlu l-flus u fl-istess waqt jiltaqgħu ma' vjaġġaturi minn madwar id-dinja kollha. Imma kemm tiġbor flus Airbnb u kif jintlaqtu l-Hosts u l-klijenti?
Jekk tifhem aħjar x'tariffi tiġbor Airbnb u għaliex tiġborhom, tkun tista' toħloq strateġija tal-prezz addattata għalik u għall-ispazju tiegħek.
Kemm tiġbor flus Airbnb?
Il-biċċa l-kbira tal-Hosts iħallsu tariffa tas-servizz fissa ta' 3% fuq is-sottototal tal-booking. Is-sottototal huwa l-prezz ta' kull lejl tiegħek flimkien mat-tariffi l-oħra kollha li tagħżel li tiġbor mingħand il-klijenti (bħat-tariffa għat-tindif) u ma jinkludix it-taxxi u t-tariffi ta' Airbnb. Il-klijenti normalment iħallsu tariffa tas-servizz ta' madwar 14% fuq is-sottototal tal-booking.
Għalhekk jekk qed titlob $100 USD kull lejl u tariffa għat-tindif ta' $60 USD għal żjara ta' 3 iljieli, is-sottototal tal-booking se jkun $360 USD. It-tariffa tas-servizz tal-Host, li normalment hi 3% tas-sottototal tal-booking tiegħek ($10.80 USD) titnaqqas mid-dħul tiegħek u aħna niġbru tariffa tas-servizz ta' 14% ($50.40 USD) mingħand il-klijenti li tiżdied mal-prezz aħħari li jħallsu. F'dal-eżempju:
- Int iddaħħal $349.20 USD
- Il-klijent tiegħek iħallas $410.40 USD
It-tariffi tas-servizz ta' Airbnb huma kompetittivi u magħna ma tħallasx talli nipproċessaw il-pagamenti. B'hekk il-Hosts ikunu jistgħu jżommu parti ikbar mid-dħul tagħhom.
Għaliex Airbnb tiġbor it-tariffi tas-servizz?
Airbnb tiddependi mit-tariffi biex tkompli bil-ħidma tagħha u tagħmel tajjeb għall-ispejjeż tal-prodotti u s-servizzi meħtieġa biex tkun tista' taqsam l-ispazju tiegħek, fosthom:
- Għajnuna lill-klijenti 24 siegħa kuljum
- Marketing mal-klijenti permezz ta' Google, fuq il-midja soċjali u b'metodi oħra
- Ħarsien għalik u għall-post tiegħek
- Materjal edukattiv għall-Hosts
Ara l-vidjow t'hawn fuq biex issir taf iktar dwar it-tariffi.
Il-klijenti jafu b'dat-tariffi?
Kif nista' nsib kemm se jħallsu l-klijenti?
Hekk kif booking jiġi kkonfermat, fid-dettalji tal-booking tal-Host u fl-email bil-konferma tal-booking se nuruk rendikont tal-prezz bit-tariffi kollha mħallsa biex tkun tista' ssib malajr:
- It-tariffi u t-taxxi miġbura minn Airbnb
- It-tariffi mhux obbligatorji li għażilt li tiġbor (bħal pereżempju t-tariffa għat-tindif)
- Il-prezz aħħari li se jħallsu l-klijenti tiegħek
- Kemm hu l-ħlas li se tirċievi
Dan ifisser li qatt mhu se jkollok għalfejn tfittex għall-prezz aħħari meta tkun qed twieġeb il-mistoqsijiet tal-klijenti jew int u tagħmel xi bidliet fil-booking tagħhom. Meta tkun taf kemm qed iħallsu l-klijenti, issirlek ħafna eħfef tieħu ħsieb l-istrateġija tal-prezzijiet tiegħek, il-ħlasijiet lura, il-kanċellazzjonijiet u t-talbiet għall-bookings.
L-informazzjoni li tinsab f'dal-artiklu jaf laħqet inbidlet minn meta ġie ppubblikat.
Punti ewlenin
Il-biċċa l-kbira tal-Hosts iħallsu tariffa tas-servizz ta' 3% tas-sottototal tal-booking
Il-klijenti normalment iħallsu tariffa tas-servizz ta' madwar 14% tas-sottototal tal-booking
Dat-tariffi jgħinu lil Airbnb tgħin lil Hosts u toffri s-servizzi tagħha