Kif tuża s-settings tal-kalendarju u tal-bookings tiegħek

Is-settings tal-bookings u tal-kalendarju tiegħek jagħtuk kontroll sħiħ fuq meta taqsam l-ispazju tiegħek—kemm jekk trid tilqa' n-nies biss matul tmiem il-ġimgħa kif ukoll jekk tixtieq tilqa' n-nies kuljum. Jekk titgħallem tuża das-settings, se tkunlek eħfef kemm li tmexxi n-negozju tal-ospitalità tiegħek kif ukoll li toffri lill-klijenti tiegħek dak li qed ifittxu.

Importanti li żżomm il-kalendarju tiegħek aġġornat: iktar ma jkollok dati disponibbli, u tista' tiftaħ id-dati sa sentejn bil-quddiem, iktar tkun qed tagħti lill-klijenti għażliet minn fejn jistgħu jagħżlu.

• Jaġġorna l-prezzijiet skont id-domanda taż-żona. "Ġeneralment nitlob prezzijiet ogħla f'Ottubru u Novembru għax, minħabba l-ħafna festivals li jseħħu matul dax-xhur, dawn huma meqjusa bħala l-istaġun popolari tal-Belt tal-Messiku. Kulħadd irid jkun hawn għall-Jum tal-Mejtin!"
• Jagħżel il-ħinijiet taċ-checkin u taċ-checkout. "Il-klijenti jistgħu jibdew jagħmlu ċ-checkin mis-14:00 u jistgħu jagħmlu ċ-checkout x'ħin iridu qabel nofsinhar—nixtieq li l-klijenti jħossuhom li għandhom ċans jieklu l-kolazzjon u jirrilassaw qabel iħallu l-post tiegħi. Għandi wkoll żona li tissakkar fejn il-klijenti li jixtiequ jqattgħu iktar ħin fil-belt wara l-ħin taċ-checkout jistgħu jħallu l-bagalji tagħhom."
• Jimblokka d-dati li jixtieq iżomm għall-familja, għall-ħbieb jew għall-klijenti li jibbukkjaw il-post tiegħu ta' sikwit. "Għandi wkoll klijenti li sena wara l-oħra jagħżlu li jibbukkjaw l-istess dati għalhekk nimblokka dawk id-dati minn qabel."

Tista' wkoll tuża l-preferenzi tal-booking tiegħek biex:

• Tagħżel iż-żmien li teħtieġ biex tħejji l-post għall-klijenti. Xi Hosts ma jaċċettawx bookings għall-għada jew għal dakinhar stess għax jeħtieġu iktar ħin biex jimxu mal-proċess għat-tindif f'ħames passi.
• Tagħżel l-inqas u l-itwal tul għal żjara. Xi Hosts jeħtieġu li żjara tkun ta' mill-inqas żewġt iljieli filwaqt li oħrajn jitolbu żjara ta' mill-inqas ġimgħa jew iktar matul l-iktar żmien popolari tas-sena għaż-żona tagħhom.
• Tissinkronizza l-kalendarju ta' Airbnb tiegħek mal-kalendarji onlajn l-oħra tiegħek biex tiżgura li dejjem tkun taf dwar il-bookings li għandek ġejjin.

Ma tagħmilx ħażin li żżomm f'moħħok li l-kalendarju tiegħek iżommlok kont ukoll tal-bookings tal-klijenti. Tista' tagħżel li turi jew taħbi d-dettalji biex tiċċekkja d-disponibbiltà tiegħek għall-ġejjieni, tiċċekkja l-prezzijiet li tlabt għall-iljieli li għaddew, tirranġa l-offerti u l-prezzijiet għall-ġejjieni u tippjana għall-futur b'moħħok mistrieħ.

Il-klijenti jistgħu jibbukkjaw l-ispazju tiegħek b'wieħed minn żewġ modi: permezz tal-Booking Immedjat jew billi jibagħtulek talba għall-booking.

Il-Booking Immedjat jagħti lill-klijenti l-opportunità li jibbukkjaw minnufih għal kull data disponibbli sakemm ikollhom ir-rekwiżiti kollha li qed tfittex u jaqblu mar-regoli tad-dar tiegħek. Dil-għodda tħaffef il-proċess tal-booking għall-klijenti għax ma jkollokx għalfejn tirrevedi u taċċetta kull talba għall-booking.

It-talbiet għall-bookings jagħtu l-opportunità lill-Hosts jaċċettaw il-bookings huma stess fi żmien 24 siegħa minn meta jirċevuhom. Dil-għażla normalment tintgħażel minn Hosts li:

• Ikollhom disponibbiltà li tvarja minħabba l-ħtiġijiet u l-impenji tagħhom
• Joffru spazju uniku, bħal pereżempju post qadim ħafna, u qabel jikkonfermaw booking ikunu jixtiequ javżaw lill-klijenti minn qabel dwaru biex b'hekk ikunu jafu x'għandhom jistennew
• Joffru żjarat itwal ta' mill-inqas 28 lejl

L-informazzjoni li tinsab f'dal-artiklu jaf laħqet inbidlet minn meta ġie ppubblikat.