X'għandhom ikunu jafu l-Hosts dwar il-bidliet ta' Airbnb

Hekk kif ħafna postijiet minn madwar id-dinja qed jerġgħu jiftħu, qed nistennew li naraw l-ikbar żieda fin-numru ta' vjaġġi tal-aħħar mitt sena. Biex ngħinuk tħejji ruħek, is-CEO ta' Airbnb Brian Chesky nieda rapport ġdid dwar ix-xejriet li se jkunu fil-qofol tal-futur tal-ivvjaġġar.

Huwa ħabbar ukoll iktar minn 100 għodda, faċilità u bidla ġdida fil-pjattaforma ta' Airbnb—kollha maħsuba biex jgħinu lill-Hosts minn madwar id-dinja jieħdu kemm jistgħu minn dil-opportunità unika. Fil-vidjow t'hawnfuq Brian iħabbar u jagħti iktar dettalji dwar dal-bidliet.

Il-ħsieb wara kull waħda minn dal-bidliet huwa li nagħmlu l-affarijiet eħfef:

• Eħfef biex nispiraw lill-klijenti jsibu l-listing ideali u jibbukkjawh malajr—b'faċilitajiet bħal destinazzjonijiet flessibbli u dati flessibbli
• Eħfef għall-Hosts il-ġodda biex jibdew jilqgħu n-nies fi ftit passi—grazzi għal għajnuna mtejba u materjal utli
• U l-iktar ħaġa importanti, wara sena fejn l-ospitalità kienet diffiċli immens, eħfef għall-Hosts biex jieħdu ħsieb il-biċċiet tax-xogħol li għandhom jagħmlu ta' kuljum, biex joffru esperjenza mill-aqwa lil kull klijent u biex jirnexxu fuq Airbnb

Hekk kif il-biċċa l-kbira tal-Hosts qed iħejju ruħhom għal żieda fid-domanda tal-ivvjaġġar, aħna ridna nsaħħu l-għodod u l-faċilitajiet tagħna filwaqt li nagħmluhom eħfef biex jintużaw. Dawn huma wħud mill-iktar bidliet interessanti li għamilna:

App u websajt iktar konsistenti u eħfef biex tużahom
Għamilna xi bidliet importanti fil-buttuni ewlenin tan-navigazzjoni tal-app u l-websajt ta' Airbnb biex nagħmluha eħfef li ssib dak li teħtieġ. Wara li rċevejna ħafna kummenti mingħand il-Hosts fuq das-suġġett, bdilna l-interfaċċja tal-app u tal-websajt tagħna b'mod li issa se ssib l-istess buttuni u tabs, ikun xi jkun it-tagħmir li tkun qed tuża.

Skopri l-bidliet

It-tab Illum: il-paġna ewlenija l-ġdida tiegħek għall-hosting
Bħala parti minn dal-bidliet, ħloqna wkoll bażi ġdida għall-Hosts li hija t-tab Illum. It-tab Illum tiġbor f'post wieħed l-iktar biċċiet tax-xogħol, avviżi u aġġornamenti importanti biex b'hekk tkun tista' tieħu ħsieb dawk l-affarijiet li għandek tagħmel ta' kuljum bħala Host minn post wieħed.

Fil-passat ħafna Hosts qalulna li kienu qed jaħlu wisq ħin biex isibu dak li jeħtieġu. Grazzi għat-tab Illum hemm paġna waħda biss—disponibbli fuq kull tagħmir—li tista' tiċċekkjaha malajr biex issib x'bookings, talbiet, mistoqsijiet, aħbarijiet u avviżi għandek.

Sir af iktar dwar il-bażi l-ġdida tiegħek

Inbox aħjar li taħdem iktar malajr
Kull Host tajjeb jaf li żjara ta' 5 stilel tibda b'komunikazzjoni tajba mal-klijenti. L-inbox tiegħek hija parti kruċjali mill-kaxxa tal-għodda tal-ospitalità tiegħek u għalhekk għamilna xi aġġornamenti importanti biex nagħmluhielek aħjar.

L-inbox il-ġdida taħdem sa 10 darbiet iktar malajr u toffri faċilitajiet bħal fittex u ffiltra—faċilità maħsuba biex int tkun tista' ssib l-iktar messaġġi importanti iktar malajr. Żidna wkoll għodod biex jgħinuk tiffranka l-ħin—il-messaġġi skedati u t-tweġibiet ta' malajr jgħinuk tħaffef u tagħmel ir-rutina tal-ospitalità tiegħek waħda iktar awtomatika.

Skopri iktar dwar dal-aġġornamenti

Gwidi għall-Wasla tal-klijenti—ġodda u awtomatiċi
Iċ-checkin huwa mument importanti għal kull booking. Irċevejna l-kummenti tal-Hosts li qalulna li ċ-checkins jafu jkunu tedjanti u jieħdu ħafna ħin.

Dax-xahar se nkunu qed inniedu għodda ġdida li, 48 siegħa qabel il-ħin taċ-checkin, turi awtomatikament l-iktar informazzjoni importanti dwar iċ-checkin mal-klijenti fit-tab Vjaġġi tagħhom.

Agħti ħarsa lejn il-Gwida tal-Wasla l-ġdida u ħejji l-gwida tiegħek

Servizzi ta' Għajnuna lill-Komunità mtejba
L-għodod tal-Għajnuna lill-Komunità tagħna u l-Ambaxxaturi tal-Għajnuna ta' Airbnb huma l-qofol tar-relazzjoni tagħna mal-Hosts. Qed nibdlu l-mod ta' kif noffru l-għajnuna biex naqduk aħjar, skont ma talbuna Hosts bħalek fil-ħsibijiet u l-kummenti li qasmu magħna.

Se nagħmlu hekk billi nkabbru n-numru ta' Ambaxxaturi tal-Għajnuna b'iktar mid-doppju tan-numru li kellna daż-żmien is-sena l-oħra, nuru iktar empatija fil-mod kif nikkomunikaw fiċ-Ċentru tal-Għajnuna u nagħmlu l-politiki tagħna iktar trasparenti u konsistenti. Qed naħdmu wkoll biex mit-30 ta' Settembru 'l quddiem nibdew noffru Għajnuna Maħsuba għas-Superhosts—għall-ewwel fl-Amerika ta' Fuq imbagħad, sal-aħħar tas-sena, madwar id-dinja kollha.

Sir af iktar dwar l-Għajnuna lill-Komunità mtejba

Dawn il-bidliet huma biss ftit minn iktar minn 100 bidla li se nħabbru dax-xahar. Inħeġġuk tagħti titwila lejn il-lista sħiħa ta' aġġornamenti, tipprova l-għodod u l-faċilitajiet il-ġodda u tibgħatilna l-kummenti u l-ħsibijiet tiegħek biex inkomplu ntejbu s-servizz li noffru.