X'tista' tagħmel issa stess biex tħajjar lill-klijenti li qed ifittxu biex jibbukkjaw għal żmien il-Milied

Tiftakar il-vjaġġi ta' żmien il-Milied? Reġgħu magħna issa li l-ħidma mid-dar, it-tilqim u l-ftuħ mill-ġdid tal-fruntieri qed jgħinu biex in-nies ikunu jistgħu mill-ġdid iżuru lill-għeżież tagħhom u jivvjaġġaw għal skopijiet ta' divertiment.

Dan huwa kif għandek taġġorna l-listing—u l-ispazju—tiegħek biex tħajjar il-klijenti jibbukkjaw miegħek u tieħu kemm tista' mill-opportunitajiet ta' żmien il-Milied u ta' żminijiet popolari oħra.

Il-klijenti ta' spiss jiffiltraw ir-riżultati tat-tiftix tagħhom skont xi kumditajiet popolari bħalma huma wifi, parkeġġ bla ħlas jew spazju addattat għall-pets. Biex tgħin lil-listing tiegħek jispikka u tgħin lill-klijenti jsibu l-ispazju tiegħek huma u jfittxu, addatta l-ispazju tiegħek u aġġorna l-lista tal-kumditajiet tiegħek.

Iftaħ it-tab Opportunitajiet tiegħek biex issib xi ideat utli li tista' tuża minnufih għan-negozju tal-ospitalità tiegħek. L-informazzjoni li se ssib hemm—bħal pereżempju dati popolari li qed jiġu bbukkjati, it-tul medju taż-żjarat u l-iktar kumditajiet popolari fiż-żona tiegħek—hija personalizzata għal-listing tiegħek u tiġi aġġornata skont il-bidliet fix-xejriet tal-ivvjaġġar u fil-preferenzi tal-klijenti.

Kont taf li iktar minn 60% tal-listings jinstabu meta klijent jogħġbu ritratt tal-propjetà tiegħek? Ara li tuża ritratti ta' kwalità għolja biex tħajjar iktar klijenti jiskopru u jibbukkjaw il-listing tiegħek.

Qiegħed l-aħjar ritratt bħala l-ewwel ritratt—dan se jintwera fir-riżultati tat-tiftix—u ikteb il-captions biex tgħin lill-klijenti jifhmu x'jistgħu jistennew li jsibu. Tista' jew tieħu r-ritratti int stess jew taħdem ma' fotografu professjonali biex tolqot lill-klijenti bir-ritratti tiegħek.

Il-vjaġġaturi ta' spiss ifittxu faċilitajiet tal-aċċessibbiltà bħal daħliet mingħajr għetiebi. Meta toffri ritratti ċari ta' dal-faċilitajiet tkun qed tgħin lill-klijenti jifhmu jekk l-ispazju tiegħek jgħoddx għalihom jew le.

Matul dal-aħħar xhur, il-mod ta' kif jivvjaġġaw in-nies inbidel ħafna. In-nies issa jistgħu jivvjaġġaw iktar ta' spiss għal żmien itwal, iżuru iktar postijiet u saħansitra jgħixu fejn jixtiequ.

Iż-żjarat ta' 28 lejl jew iktar saru iktar popolari. Iktar minn nofs il-listings minn madwar id-dinja joffru skontijiet għal żjarat ta' xahar jew iktar*—u l-listings li joffru skont ta' mill-inqas 10% għal dat-tip ta' żjarat jingħataw prominenza.

Il-klijenti li jibbukkjaw iż-żjarat fit-tul ta' sikwit ifittxu listings li joffru skont. Għalkemm il-fatt li tbaxxi l-prezz ta' kull lejl tiegħek jaf jinstema' stramb, meta toffri skontijiet għal żjarat itwal taf tagħmel tajjeb għall-jiem mhux ibbukkjati li jkollok bejn żjara qasira u oħra.

Tista' tagħmel ftit riċerka biex tifhem l-aħjar prezzijiet għall-ispazju tiegħek skont l-istaġjun. Skopri x'qed jitolbu l-lukandi u Hosts oħra għal akkomodazzjonijiet bħal tiegħek fl-istess żona u uża għodod tal-prezzijiet differenti biex ittejjeb l-istrateġija tiegħek.

Inkella tista' tixgħel il-Prezzijiet Intelliġenti li, skont is-settings tiegħek, id-domanda staġjonali u iktar minn 70 fattur ieħor, jibdlu l-prezzijiet ta' kull lejl tiegħek awtomatikament. Tista' tagħżel l-inqas prezz li lest/a taċċetta biex il-prezz qatt ma jinżel inqas minn dak li tħossok komdu/a bih.

Iż-żona tiegħek iżuruha iktar vjaġġaturi mis-soltu matul il-festi u l-avvenimenti speċjali? Jekk iva, ara li l-kalendarju tiegħek ma jkunx imblukkat matul dawk id-dati li matulhom tkun mistennija domanda kbira għall-akkomodazzjoni lokali.

Biex tiftaħ iktar iljieli tista' tuża s-settings tad-disponibbiltà u l-bookings mill-kalendarju tal-ospitalità tiegħek. Ħafna Hosts jagħżlu li jżdiu l-inqas tul ta' żjara għal dati b'domanda ikbar. Meta teħtieġ li l-klijenti jibbukkjaw iktar iljieli għal żjarat, filwaqt li tkun qed tkabbar id-dħul tiegħek, tispiċċa tqatta' inqas ħin tieħu ħsieb il-bookings u tnaddaf l-ispazju tiegħek.

Jekk ippubblikajt l-ispazju tiegħek fuq pjattaformi oħra, uża l-faċilità tas-sinkronizzazzjoni tal-kalendarju biex tevita bookings doppji u l-kanċellazzjonijiet marbuta magħhom.

Għalkemm mhux f'kull spazju jaf tista' tilqa' lit-tfal u lill-pets, meta tilqa' l-familji jaf iżżid iċ-ċans li tikseb iktar bookings. Fl-ispazju tiegħek tista' tqiegħed benniena u siġġu għoli, skutelli għall-ikel u l-ilma tal-pets u affarijiet oħra li jistgħu jagħmlu żjara ta' familja eħfef u iktar komda. Għad-divertiment lokali, nissuġġerulek toħloq gwida tal-ivvjaġġar tal-attivitajiet li l-klijenti jistgħu jagħmlu qrib il-post li jkunu bbukkjaw.

L-ikel normalment huwa parti importanti mil-laqgħat u ċ-ċelebrazzjonijiet l-oħra tal-famlji matul żmien il-Milied. Jekk l-ispazju tiegħek fih kċina, ara li l-appliances kollha jkunu jaħdmu, ixtri ftit affarijiet bażiċi li l-klijenti jafu jkunu jeħtieġu biex jaħmu l-ikel u ara li jkun hemm platti, tazzi u pożati għal kull klijent li tilqa'.

Hekk kif tkun qed tħejji biex tilqa' lill-klijenti matul żmien il-festi, nissuġġerulek biex tillaxka jew tissikka r-regoli tad-dar tiegħek skont il-każ u tfakkar lill-klijenti li qabel jibbukkjaw jeħtiġilhom jaqblu mar-regoli tiegħek.

Biex tevita l-problemi, inħeġġuk taqra l-aħħar Politika għall-Parties u l-Avvenimenti tagħna.

L-ispazju tiegħek għandu l-heaters tal-gass, il-ġeneraturi u ċ-ċmieni li jistgħu jintużaw l-iktar matul ix-xhur kesħin. Dawn jistgħu jwasslu għal riskju ikbar ta' nirien u avvelenament bil-monossidu tal-karbonju.

Ara li fl-ispazju tiegħek twaħħal apparat għat-tifi tan-nar u allarmi tad-duħħan u l-monossidu tal-karbonju u li ssemmihom fil-faċilitajiet tas-sigurtà tal-listing tiegħek. Ma tagħmilx ħażin anqas li kull sena tqabbad lil xi ħadd jiċċekkjalek iċ-ċmieni u l-fetħiet tal-arja sħuna biex tkun ċert/a li mhux misduda jew imsadda.

Huwa żmien li matulu jivvjaġġaw ħafna nies u bi ftit ħsieb tista' tħajjar uħud minn dawk il-klijenti jibbukkjaw il-post tiegħek. Jekk teħtieġ ftit ispirazzjoni, skopri kif xi Hosts esperti użaw dal-pariri għall-istaġun tal-Milied.

*Skont id-dejta interna li Airbnb ġabret matul Novembru tal-2021.

L-informazzjoni li tinsab f'dal-artiklu jaf laħqet inbidlet minn meta ġie ppubblikat.