Mur 'il quddiem biex taċċessa r-riżultati suġġeriti

    X'għandek tkun taf meta tiġi biex tilqa' l-pets

    Ikseb id-dettalji dwar it-tariffi tal-pets, il-ħarsien ikbar li qed noffru kontra l-ħsara li jistgħu jagħmlu l-pets u ħafna iktar.
    Minn Airbnb f'did-data: 9 ta’ Nov 2021
    Qari ta' 3 minuti
    Aġġornat f'did-data: 7 ta’ Ġun 2022

    Punti ewlenin

    • Il-postijiet fejn toqgħod li jaċċettaw il-pets huma wħud mill-iktar postijiet imfittxija

    • Żid tariffa għall-pets mal-prezz ta' kull lejl tiegħek

    Ħafna klijenti jivvjaġġaw mal-familja kollha u ta' spiss jivvjaġġaw bil-pets magħhom. Tant hu hekk li waħda mill-iktar kumditajiet popolari li l-klijenti jfittxu f'post hija dik li jaċċetta l-pets.

    Nafu li mhux kulħadd jista' jilqa' l-pets. Imma jekk tista' taddatta l-ispazju tiegħek biex tkun tista' taċċetta' l-pets, tista' żżid tariffa għall-pets mal-prezz ta' kull lejl tiegħek.

    Kif jaħdem

    Tista' tuża t-tariffa għall-pets biex tagħmel tajjeb għat-tindif li tistenna li se jkollok tagħmel wara li tilqa' l-pets—pereżempju li tnaddaf il-post bil-vacuum cleaner biex tneħħi s-suf tal-pets jew li ddur il-post biex tneħħi l-marki ta' mnieħer jew saqajn il-pets minn mal-bibien tal-ħġieġ.

    It-tariffa tiżdied mal-prezz ta' kull lejl tiegħek u tinqasam fuq it-tul taż-żjara tal-klijent. Meta l-klijent jiġi biex iħallas, din tiżdied mal-prezz aħħari u mhux se tintwera bħala tariffa waħidha.

    Diġà kont qed taċċetta l-pets? Meta żżid tariffa għall-pets mal-prezz ta' kull lejl tiegħek ifisser li mhux se jkollok għalfejn tkompli titlob it-tariffa miċ-Ċentru tar-Riżoluzzjonijiet tagħna wara li taċċetta booking—jew toqgħod tiġri wara l-klijenti li jdumu biex iħallsuha.

    Kif tarma spazju addattat għall-pets

    Ħafna pets imdorrijin jivvjaġġaw mas-sidien tagħhom u ma jeħtiġux ħafna bidliet biex ikunu jistgħu joqogħdu komdi fl-ispazju tiegħek.

    Biss jekk taċċetta l-pets fl-ispazju tiegħek, nissuġġerulek toffri:

    • Skutelli għall-ikel u l-ilma
    • Għata tal-għamara addattata għall-pets
    • Ħafna xugamani biex timsaħ saqajn il-pets tiegħek qabel jidħlu fil-post
    • Ġugarell maħsub biex il-qtates ikunu jistgħu jigirfuh u kaxxa għall-ħmieġ tal-pets (dak magħmul minn kaxxa tal-kartun biżżejjed)
    • Iktar prodotti għat-tindif

    Kif taġġorna d-dettalji tal-listing tiegħek

    Il-klijenti li qed jivvjaġġaw mal-pets jistgħu jixtiequ jkunu jafu x'jistgħu jistennew li jsibu fl-ispazju tiegħek—jekk għandekx bitħa magħluqa jew terrazzin privat. Ara li ssemmi kull kumdità u faċilità marbuta mal-pets fid-dettalji tal-listing tiegħek.

    Affarijiet oħra li tista' tagħmel biex taddatta l-listing tiegħek għall-pets:

    • Aġġorna r-regoli tad-dar tiegħek biex il-klijenti jkunu jafu kemm taċċetta pets għal kull żjara. Tista' wkoll tispjega x'tip ta' pets taċċetta, jekk il-klijenti jistgħux iħallu l-pets waħidhom fl-ispazju tiegħek, liema huma dawk il-postijiet fil-propjetà tiegħek fejn ma jistgħux jidħlu l-pets, f'liema każijiet pet għandu jkollu ċ-ċinġa u fejn għandu jintrema l-ħmieġ tal-pets.
    • Aġġorna l-gwida tal-ivvjaġġar tiegħek biex tinkludi suġġerimenti dwar parks għall-klieb, vets u ħwienet bil-prodotti għall-annimali fil-qrib. Aħseb biex tissuġġerixxi wkoll xi servizzi ta' pet-sitters u kennels.

    Kif tikseb ħlas biex jagħmel tajjeb għall-ħsara li għamlu l-pets

    It-tariffi għat-tindif u għall-pets huma maħsuba biex jagħmlu tajjeb għall-ispejjeż mistennija. Imma kultant l-inċidenti jiġru, anke b'pets imħarrġa li jafu jġibu ruħhom sew.

    Għall-ispejjeż mhux mistennija bħal dawk marbuta ma' tebgħat jew tapizzerija migrufa minħabba l-pets hemm AirCover għall-Hosts li jħarsek kontra l-ħsara sa $1M USD.* Ara li l-ewwel tieħu r-ritratti tal-ħsara biex ikollok prova u mbagħad itlob ħlas miċ-Ċentru tar-Riżoluzzjonijiet tagħna biex jagħmillek tajjeb għall-ħsara.

    U l-annimali tas-servizz?

    Importanti żżomm f'moħħok li l-annimali tas-servizz ma jitqisux bħala pets. Annimal tas-servizz huwa annimal li ġie mħarreġ apposta biex jgħin jew jagħmel xi biċċiet tax-xogħol għal persuna b'diżabbiltà.

    Ma tistax twaqqaf annimal tal-għajnuna milli jidħol fil-post ma' sidu (sakemm m'għandekx eżenzjoni) u ma tistax titlob lil sid l-annimal iħallas tariffa għall-pets. Ħlief fil-postijiet fejn il-liġijiet ma jħallukx tagħmel hekk (pereżempju f'California u New York), meta taċċetta l-annimali għall-wens emozzjonali tista' titlob tariffa għall-pets.

    Sir af iktar dwar l-annimali tas-servizz

    Il-*Ħarsien mill-ħsara għall-Hosts mhux polza tal-assigurazzjoni. Ma jħarisx lill-Hosts li joffru żjarat permezz ta' Airbnb Travel, LLC, jew lill-Hosts ġewwa ċ-Ċina kontinentali jew il-Ġappun. Żomm f'moħħok li l-limiti tal-ħarsien qed jintwerew kollha bil-munita USD u l-ħarsien għandu termini, kundizzjonijiet u esklużjonijiet oħra.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Il-postijiet fejn toqgħod li jaċċettaw il-pets huma wħud mill-iktar postijiet imfittxija

    • Żid tariffa għall-pets mal-prezz ta' kull lejl tiegħek

    Airbnb
    9 ta’ Nov 2021
    Dan kien ta' għajnuna għalik?