L-importanza tar-reviews

Ir-reviews jgħinu lill-klijenti jagħżlu fejn jibbukkjaw. Id-dejta ta' Airbnb turi li klijent li jkun qed iqalleb paġna ta' listing għandu ċans ikbar li jibbukkja post tiegħek jekk isib li għandu rating bl-istilel ogħla.*

Wara kull checkout, il-Hosts u l-klijenti jkollhom l-opportunità li jiktbu review dwar xulxin. Il-Host u l-klijent ikollhom 14-il jum ċans mid-data taċ-checkout biex jiktbu review, li tibqa' moħbija sakemm it-tnejn jibagħtu r-reviews tagħhom jew sakemm jgħaddu l-14-il jum ċans biex jinkitbu r-reviews. Wara li jiġri hekk, ir-reviews jiġu ppubblikati fuq il-profil tal-klijent u fuq il-paġni tal-listing u tal-profil tal-Host.

Minbarra li jistgħu jiktbu review, il-klijenti jistgħu jagħtu punteġġ lill-esperjenza ġenerali tagħhom permezz tal-istilel—minn waħda sa ħamsa. Ir-rating bl-istilel ġenerali tiegħek jintwera fuq il-listing wara li tkun ksibt l-ewwel tliet reviews.

Dil-ħaġa hija importanti ħafna, kemm għall-klijenti li jkunu qed iqisu għandhomx jibbukkjaw l-ispazju tiegħek jew le kif ukoll għalik biex tikseb l-istatus ta' Superhost. Is-Superhosts mistennija li jkollhom rating ġenerali medju ta' mill-inqas 4.8 stilel minn 10 vjaġġi jew minn 3 bookings li bejniethom jgħoddu 100 lejl.

Il-klijenti jistgħu wkoll jagħtu rating bl-istilel lil kategoriji partikolari u jispjegaw x'mar tajjeb jew x'seta' mar aħjar. Jekk pereżempju l-post tiegħek nadif tazza, il-klijent jaf jagħtik ħames stilel u jagħżel "kamra tal-banju nadifa tazza". Jaf ukoll tikseb punteġġ bl-istilel baxx għall-komunikazzjoni jekk klijent jaħseb li l-istruzzjonijiet taċ-checkout tiegħek huma esaġerati.

Il-kategoriji disponibbli għall-klijenti huma u jiktbu review huma:

• Checkin: Proċess taċ-checkin ċar u sempliċi jgħin biex il-klijenti jkollhom esperjenza sabiħa.
• Indafa: Il-klijenti jistennew li jsibu l-istess spazju nadif u pulit li kien qed jintwera fir-ritratti tal-listing tiegħek.
• Preċiżjoni: Dettalji tal-listing preċiżi jgħinu lill-vjaġġaturi jifhmu jekk l-ispazju tiegħek jgħoddx għalihom.
• Komunikazzjoni: Li tikkuntattja lill-klijenti minn jeddek u twieġeb il-messaġġi tagħhom malajr huwa importanti biex tiżgura li għandhom dak kollu li jeħtieġu.
• Post: Il-klijenti jistgħu jaqsmu l-ħsibijiet u l-kummenti tagħhom dwar jekk il-listing tiegħek kienx qed juri l-post preċiż.
• Valur: Il-klijenti jagħtu rating lill-ispazju tiegħek skont kemm ikunu ħassew li l-prezz li tlabt kien ta' valur għal flushom.

Ir-ratings huma importanti biex tikseb l-istatus ta' Superhost. Is-Superhosts mistennija li jkollhom rating ġenerali medju ta' mill-inqas 4.8 stilel minn 10 vjaġġi jew minn 3 bookings li bejniethom jgħoddu 100 lejl. Ir-ratings bl-istilel fil-kategoriji ma jaffettwawx l-istatus ta' Superhost jew ir-rating ġenerali tal-Hosts.

Il-klijenti jistgħu jagħtuk perspettivi li kieku ma kontx tqishom. Nissuġġerulek li tqis ir-reviews ħżiena bħala opportunitajiet biex ittejjeb il-post jew il-livell ta' ospitalità li toffri.

Dejjem se tkun tista' twieġeb għar-reviews pubblikament fuq il-listing tiegħek. Meta tagħti tweġiba kostruttiva, tkun qed turi li tieħu l-kummenti, il-ħsibijiet u s-sodisfazzjon tal-klijenti bis-serjetà.

Bħala parti mill-kummenti u l-ħsibijiet tagħhom, il-klijenti jistgħu jibagħtulek messaġġ privat. Dil-informazzjoni tinqasam miegħek biss. Din tkun opportunità għall-klijenti biex jaqsmu l-ħsibijiet tagħhom miegħek mingħajr ma jaffettwaw ir-rating jew ir-review tiegħek. Tista' wkoll tibgħat messaġġ privat lura lill-klijenti biex twieġeb il-kummenti u l-ħsibijiet tagħhom.

Ir-review li tikteb lill-klijenti tiegħek hija opportunità biex turi l-gratitudni tiegħek u toffri kummenti u ħsibijiet siewja. Dil-ħaġa tfakkar lill-klijenti biex jiktbu review għalik ukoll.

Dawn huma xi pariri li għandek iżżomm f'moħħok int u tikteb review dwar il-klijenti:

• Uri rispett.

• Meta tkun tista' agħti eżempji partikolari bħal: "Dal-klijent m'għamilx storbju fis-sigħat kwieti u mexa tajjeb ħafna mal-istruzzjonijiet taċ-checkout".

• Uri tjubija int u titkellem fuq kwistjonijiet sensittivi, jew issemmihomx f'review pubblika.

*Skont id-dejta interna li Airbnb ġabret sa Novembru tal-2022 dwar il-listings attivi.

L-informazzjoni f'dal-artiklu jaf laħqet inbidlet minn meta ġie ppubblikat.