Ikteb l-informazzjoni dwar id-dar biex taqsam l-informazzjoni dwar l-ispazju tiegħek

"Kif nista' naqbad mal-wifi? Fejn jinsab il-kontroll tat-temperatura? Liema remote għandi nuża?" Dawn huma ftit mill-mistoqsijiet li l-klijenti jafu jkollhom meta jkunu qed iżuru l-ispazju tiegħek. Tista' tgħinnhom jiksbu t-tweġibiet—u tiżgura li l-appliances u l-faċilitajiet l-oħra tad-dar tiegħek jintużaw kif suppost—grazzi għall-għodda tal-istruzzjonijiet dwar id-dar ta' Airbnb.

Grazzi għal għodda bħall-istruzzjonijiet dwar id-dar, tista' tagħti lill-klijenti tiegħek istruzzjonijiet pass pass ċari u tispjegalhom fejn jistgħu jsibu affarijiet importanti bħat-tagħmir tas-sigurtà jew ir-router tal-wifi. Oħloq l-istruzzjonijiet tiegħek darba u ma jkollokx għalfejn terġa' tikteb jew terġa' tibgħat l-emails għal kull booking—jiffrankawlek ħafna ħin. U billi l-klijenti se jkunu jistgħu jaċċessawhom direttament mill-app, jistgħu jaqrawhom meta jridu minn fejn iridu. Il-Host Neil minn Mountain View, California sab dil-faċilità utli ħafna biex jevita "messaġġi f'nofs ta' lejl, telefonati ta' klijenti ppanikkjati u l-agħar ħaġa: reviews negattivi."

Ħu kemm tista' mill-għodda tal-istruzzjonijiet dwar id-dar grazzi għal dal-pariri li jaħdmu mogħtija minn Hosts bħalek.

Hija waħda mill-ewwel affarijiet li jitolbu l-klijenti meta jaslu, għalhekk ħafna Hosts iqegħduha fin-naħa ta' fuq nett tal-istruzzjonijiet dwar id-dar. "Kulħadd jitlob għall-kodiċi tal-wifi għalhekk nużah bħala mod kif inġiegħelhom jiftħu l-istruzzjonijiet tad-dar bit-tama li jaqrawhom," tgħid Marit Anne minn Troms, in-Norveġja.

Aċċess ħafif għall-password tal-wifi huwa utli ħafna għal dawk li jaħdmu mid-dar u li malli jaslu fil-post tiegħek jaf ikollhom bżonn jingħaqdu ma' xi laqgħa virtwali, jibagħtu email jew ilestu rapport.

Ir-regoli u s-sinjali tal-parkeġġ fit-triq jafu ma jkunux ċari, speċjalment jekk il-klijent ma jitkellimx l-ilsien tal-post. Nissuġġerixxu li tagħti struzzjonijiet ċar, bħalma jagħmlu Ben u Angel minn Wellington, New Zealand: "Tista' tipparkja quddiem iċ-ċint tal-injam abjad fuq in-naħa tal-lemin tad-daħla li tagħti għall-post, qrib l-arbuxell."

Jekk qed tilqa' l-pets jew it-tfal fl-ispazju tiegħek, ma tagħmilx ħażin li ssemmi kull faċilità li qed toffri apposta għalihom, speċjalment issa li, biex tgħinhom jippjanaw bil-quddiem, tista' taqsam l-istruzzjonijiet dwar id-dar mal-klijenti tiegħek qabel jaslu. Tista' tuża l-informazzjoni dwar id-dar tiegħek biex:

• Spjega fejn jinsabu l-iskutelli għall-ikel u l-ilma tal-pets
• Spjega liema xugamani għandhom jintużaw għas-saqajn maħmuġin tal-pets
• Semmi x'kumditajiet għat-tfal toffri, bħal benniena jew siġġu għoli
• Semmi liema kmamar huma mgħammra b'allarmi tad-duħħan u tal-monossidu tal-karbonju

Wara vjaġġ twil, jaf tkun diffiċli ssib u tuża xi affarijiet essenzjali tad-dar. Il-Hosts Joh u Gian minn San Francisco offrew dal-eżempji:

• "Heater: Se ssib il-kontroll tat-temperatura mal-ħajt, qrib is-sett tat-TV. Tinsiex titfih qabel toħroġ.
• Toilet: Jekk jogħġbok tarmi xejn fit-toilet ħlief it-toilet paper. Għall-affarijiet l-oħra kollha hemm barmil taż-żibel żgħir.
• Oġġetti tal-kċina: Il-platti u l-kikkri jinsabu fl-armarji ta' fuq, fuq kull naħa tal-microwave. Il-pożati qegħdin fil-kexxun fuq in-naħa tax-xellug tal-forn u t-twaġen qegħdin fl-armarju. Uża li trid minnhom biex tipprepara l-ikliet tiegħek. Meta tlesti, tista' tpoġġi l-platti maħmuġin fid-dishwasher. Meta d-dishwasher timtela', nixgħeluha."

Nissuġġerixxu li l-Hosts li ma jgħixux fil-, jew qrib tal-propjetà, iħallu struzzjonijiet dwar iż-żibel, l-ilma u d-dettalji uniċi oħra taż-żona:

• "Żibel: Qiegħed iż-żibel fil-landa ta' 130 litru li tinsab fil-kantina. Jekk jogħġbok tqiegħedx il-boroż taż-żibel barra jew fil-veranda għax l-għasafar, ir-rakkuni u ħlejjaq oħra jistgħu jidħlu ġo fihom." —Kim, Upson, Wisconsin
• "Ilma u Elettriku: Jekk jogħġbok oqgħod attent/a għal kemm tuża ilma u elettriku. L-ilma sħun huwa limitat." —Fred, Placencia, il-Belize

Struzzjonijiet dettaljati huma importanti ħafna skont il-Hosts Joh u Gian. Fl-istruzzjonijiet tagħhom jispegaw kif il-klijenti jistgħu jużaw is-servizzi ta' streaming tagħhom b'dal-mod:

"Kif tuża Netflix, Prime Video jew servizzi ta' streaming oħra:

1. Ixgħel is-sett tat-TV fil-kamra tas-sodda u stenna ftit. Sadattant se tara biss ross.
2. Wara minuta agħfas fuq il-buttuna b'ħafna kuluri b'forma ta' djamant.
3. Agħżel l-app li tixtieq taqbad magħha u agħfas il-buttuna ewlenija. Għal Netflix nistednuk tuża l-kont Guest li ħloqna apposta għalik."

Ħafna Hosts jinsistu kemm hu importanti li l-istruzzjonijiet dwar id-dar tiegħek ikunu qosra mingħajr ħafna logħob bil-kliem. "Ma tridx lill-klijenti jħossu li ma jistgħux jieħdu nifs biex ma jiksruhiex mal-Host," tgħid il-Host Tina minn Nanaimo, il-Kanada. "Sib bilanċ bejn il-ħtiġijiet tiegħek u bejn li tgħin lill-klijenti jħossuhom milqugħin ġewwa darek."

Wara li tkun ktibt l-istruzzjonijiet dwar id-dar tiegħek, nissuġġerulek biex xi mkien fl-ispazju tiegħek tqiegħed messaġġ, illaminat biex ikun faċli tnaddfu, bi struzzjonijiet ċari dwar kif tidħol fil-wifi. Dan huwa biss mod ieħor kif tagħmel l-informazzjoni iktar aċċessibbli għall-klijenti. U biex tgħin lill-klijenti jħossu li għandhom iħallulek reviews mill-aqwa, kull darba.

Tgħallem kif iżżid l-istruzzjonijiet dwar id-dar