Regoli bażi għall-klijenti

tal-editur: Dan l-artiklu ġie ppubblikat bħala parti mill-Aġġornament ta' Airbnb: Xitwa 2022. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.

Fl-2022, tmienja minn kull għaxar bookings ta' Airbnb wasslu għal review ta' ħames stilel għall-Host. Tagħmel xogħol kbir biex tieħu ħsieb il-klijenti. Nixtiequ li tħoss li qed nieħdu ħsiebek ukoll.

Biex niżguraw li l-klijenti jirrispettaw djarkom, qed inniedu r-regoli bażi—standards obbligatorji li jorbtu lill-klijenti li jirrispettaw darek u jobdu r-regoli tad-dar tiegħek. Dawn huma sempliċi u ċari u nuruhom lil kull klijent qabel jibbukkja.

Ir-regoli tad-dar jgħinuk biex mill-bidu nett turi lill-klijenti x'tistenna mingħandhom. Grazzi għar-regoli bażi, kull regola tad-dar standard li tagħżel tista' tiġi mwettqa jekk ma tistax tilħaq qbil direttament mal-klijent.

Tista' tagħżel minn lista ta' regoli tad-dar standard fejn jidħlu:

• Pets
• Avvenimenti
• It-tipjip, il-vaping u s-sigaretti elettroniċi
• Sigħat kwieti
• Ħinijiet taċ-checkin u taċ-checkout
• L-ikbar numru ta' klijenti fil-post
• Fotografija u teħid ta' filmati kummerċjali

Jekk għandek xi istruzzjonijiet speċjali oħra li ma ssibhomx fir-regoli tad-dar standard, tista' tiktibhom fit-taqsima Regoli miżjuda fis-settings tal-listing tiegħek.

Ir-regoli tad-dar tiegħek jiġu enfasizzati f'erba' postijiet: fuq il-paġna tal-listing tiegħek, fuq il-paġna tal-konferma tal-booking, fl-email "Lesti l-bagalji!" u fil-"Gwida tal-Wasla" li l-klijenti jirċievu qabel il-vjaġġ tagħhom.

Ir-regoli bażi jobbligaw lill-klijenti jieħdu ħsieb darek qisha kienet darhom. Il-klijenti m'għandhomx iħallu l-ispazju tiegħek fi stat li jeħtieġu tindif żejjed jew fil-fond (pereżempju twapet imtebba' mill-pets).

Jekk il-klijenti jagħmlu ħsara li tmur lil hinn mit-tkagħbir mistenni, nistennew li dawn il-klijenti jilħqu ftehim miegħek biex jikkumpensawk. Nistennew ukoll li jħallsu għat-talbiet għall-kumpens raġjonevoli jekk ikun responsabbli għal ħsara, oġġetti neqsin jew spejjeż għat-tindif mhux mistennija.

Jekk ma jagħmlux hekk, aħna nħarsuk mill-Ħarsien mill-ħsara għall-Hosts, parti minn AirCover għall-Hosts.

Jekk klijent ma jimxix mar-regoli tad-dar tiegħek tista' tirrapporta dil-ħaġa billi tagħti rating baxx għall-indafa jew għar-regoli tad-dar int u tikteb ir-review jew billi tikkuntattja lit-tim tal-Għajnuna lill-Komunità.

Ejja ngħidu li pereżempju r-regoli tad-dar standard tiegħek isemmu li ma taċċettax tipjip. Jekk klijent ipejjep fil-post tiegħek u tirrappurtah lilna, aħna se nżommuh responsabbli.

Il-klijenti li jkomplu jiksru r-regoli tad-dar standard jistgħu jiġu sospiżi jew jitneħħew minn Airbnb jekk ma jibdlux l-imġiba tagħhom. Jekk klijent jikser ir-regoli miżjuda tiegħek, se ngħinuk int u tieħu passi xierqa.

Jekk tgħarraf lill-klijent li kiser ir-regoli tad-dar tiegħek u dan jiktiblek review ħażina bi tpattija, tista' titlobna nħassru dik ir-review.

L-informazzjoni f'dal-artiklu jaf laħqet inbidlet minn meta ġie ppubblikat.

Il-programm Ħarsien mill-ħsara għall-Hosts mhux polza tal-assigurazzjoni u għandu r-regoli, il-kundizzjonijiet u l-esklużjonijiet tiegħu. Ma jħarisx lill-Hosts li joffru l-postijiet fejn toqgħod ġewwa l-Ġappun għax dawk huma mħarsa mill-Assigurazzjoni tal-Hosts tal-Ġappun u lanqas għall-Hosts li joffru l-postijiet fejn toqgħod permezz ta' Airbnb Travel LLC. Il-Hosts li joffru l-postijiet fejn toqgħod ġewwa ċ-Ċina kontinentali huma mħarsa mill-Polza għall-Ħarsien tal-Hosts ġewwa ċ-Ċina. Għall-Hosts u l-Organizzaturi li joqogħdu jew huma bbażati ġewwa l-Awstralja, Ħarsien mill-ħsara għall-Hosts jaqa' taħt ir-Regoli għal Ħarsien mill-Ħsara għall-Hosts għall-Utenti Awstraljani. Żomm f'moħħok li l-limiti tal-ħarsien qed jintwerew kollha bil-munita USD.

Għal-listings ġewwa l-Istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-programm Ħarsien mill-ħsara għall-Hosts mhux marbut mal-Assigurazzjoni għar-responsabbiltà tal-Hosts. Grazzi għall-programm Ħarsien mill-ħsara għall-Hosts, jekk il-klijenti jagħmlu xi ħsarat fil-propjetà tiegħek jew fi ħwejġek u ma jħallsukx għalihom, tista' tikseb kumpens għal dik il-ħsara.