Mur 'il quddiem biex taċċessa r-riżultati suġġeriti

    L-użu ta' kameras u t-tagħmir ta' reġistrazzjoni

    Biex nagħmlu l-almu tagħna ħalli l-Hosts u l-klijenti jserrħu moħħhom, il-miżuri tas-sigurtà bħall-kameras tas-sigurtà u t-taħgmir għat-tkejjil tal-istorbju jistgħu jintużaw biss sakemm il-klijenti jkunu avżati b'mod ċar dwarhom fid-deskrizzjoni tal-listing u sakemm ma jmorrux kontra l-privatezza ta' persuna oħra. Ir-regoli dwar it-tagħmir jgħoddu għall-kameras, għat-tagħmir ta' reġistrazzjoni, għat-tagħmir intelliġenti u għat-tagħmir ta' sorveljanza kollu.

    X'naċċettaw

    • Li jkun hemm tagħmir ta' sorveljanza tal-ispazji pubbliċi u l-ispazji komuni li l-klijenti jkunu ġew avżati dwaru: Jista' jkollok tagħmir li jħallik tara jew tissorvelja spazju pubbliku (bħal pereżempju bieb ta' barra jew daħla) jew spazju komuni u li jkun immarkat u li l-klijenti jkunu ġew avżati dwaru qabel jibbukkjaw. Il-postijiet tal-irqad u l-kmamar tal-banju ma jistgħu qatt jitqiesu bħala spazji komuni.

    X'ma naċċettawx

    • Li jkun hemm tagħmir moħbi jew li l-klijenti ma kinux avżati dwaru li jissorvelja l-ispazji komuni: Kull tagħmir li jissorvelja spazju komuni għandu jitwaħħal b'mod li jkun jista' jidher u għandu jissemma fid-deskrizzjoni tal-listing.
    • Li jkun hemm tagħmir li jinsab jew li jissorvelja l-ispazji privati: L-ebda tagħmir m'għandu jissorvelja spazji privati (bħalma huma l-kmamar tas-sodda, il-kmamar tal-banju u ż-żoni komuni li jintuża għall-irqad bħal pereżempju salott b'sufan sodda). Jista' jkun hemm xi tagħmir li ma jintużax basta dan ikun mitfi u l-klijenti jkunu avżati dwaru bil-quddiem.
    • Li jkun hemm tagħmir ta' reġistrazzjoni fi djar jew appartamenti sħaħ (għaċ-Ċina Kontinentali biss): Ma jistax ikollok kameras jew tagħmir ta' reġistrazzjoni ġewwa d-djar sħaħ jew l-appartamenti bl-eċċezzjoni ta' meta jkunu ġewwa l-ispazji komuni ta' listings tat-tip "resort", "kastell" jew "villa" u jkunu ġew immarkati u l-klijenti jkunu ġew avżati dwarhom. Sir af iktar dwar dar-regoli ġewwa ċ-Ċina Kontinentali.

    Qegħdin hawn biex ngħinuk

    Jekk inti jew xi ħadd ieħor tħossukhom mhedda jew mhux siguri, jekk jogħġbok l-ewwel ikkuntattja lill-forzi tal-ordni lokali biex jgħinukhom. Barra minn hekk, jekk tara jew tisfa vittma ta' mġiba li tmur kontra l-politiki tagħna, jekk jogħġbok avżana dwarha.

    Għalkemm dal-linji gwida ma jsemmux kull sitwazzjoni possibbli, huma mfassla biex jagħtuk gwida ġenerali dwar il-politiki tal-komunità ta' Airbnb.

    Artikli relatati