Aqbeż għall-kontenut
    Mur 'il quddiem biex taċċessa r-riżultati suġġeriti

    Il-Politika taċ-Ċirkostanzi Attenwanti u l-coronavirus (COVID-19)

    Aġġornat f'did-data: 1 ta' Ottubru 2020

    Fil-11 ta' Marzu, l-Organizzazzjoni Dinjija tas-Saħħa (WHO) iddikjarat li t-tifqigħa tal-coronavirus, magħrufa bħala COVID-19, hija pandemija globali. Minn dakinhar, it-tifqigħa evolviet b'rata mgħaġġla u l-gvernijiet madwar id-dinja ħadu azzjoni rapida biex inaqqsu l-veloċità tat-tixrid tal-COVID-19.

    Bħala reazzjoni għal dan, aħna qed nipprovdu l-kopertura li ġejja għall-COVID-19 taħt il-politika taċ-ċirkostanzi attenwanti tagħna biex nipproteġu u noffru serħan il-moħħ lill-komunità tagħna. Jekk jogħġbok segwi din il-paġna għal aġġornamenti dwar il-kopertura.

    Parir: Jekk inti klijent, tista' ssib l-għażliet ta' kanċellazzjoni u ħlas lura billi tmur fil-paġna tal-Vjaġġi u tagħżel il-vjaġġ tiegħek—sir af kif. Jekk inti host, se ssib l-informazzjoni fid-dashboard tal-hosting tiegħek.

    Taqsira

    Il-bookings għaż-żjarat u għall-Esperjenzi ta' Airbnb li saru sa dakinhar tal-14 ta' Marzu 2020 u li għandhom data taċ-checkin fi żmien 45 jum mil-lum jaqgħu taħt il-politika u jistgħu jiġu kkanċellati qabel iċ-checkin. Il-klijenti li jikkanċellaw se jkollhom għażliet għal kanċellazzjoni u ħlas lura u l-hosts jistgħu jikkanċellaw mingħajr ebda tariffa jew impatt fuq l-istatus ta' Superhost tagħhom. Airbnb se trodd lura t-tariffi tas-servizz kollha għall-kanċellazzjonijiet koperti jew inkella se toħroġ kreditu għall-ivvjaġġar li jinkludi dawn it-tariffi tas-servizz. Biex tikkanċella skont dil-politika se jkollok tagħmel dikjarazzjoni dwar il-fatti u/jew tipprovdi provi dokumentati għaċ-ċirkostanza attenwanti tiegħek.

    Il-politika ta' kanċellazzjoni tal-host se tgħodd bħas-soltu għall-bookings li saru wara l-14 ta' Marzu 2020.

    Iċ-ċirkostanzi attenwanti meqjusa għall-kanċellazzjoni se jkunu dawk iċ-ċirkostanzi koperti fil-mument li ssir it-talba u l-bookings li diġà ġew ikkanċellati mhux se jkunu jistgħu jagħmlu użu minn dil-politika.

    Jekk booking ikun diġà beda (iċ-checkin ikun sar), l-ebda ċirkostanza attenwanti mhi se tiġi meqjusa.

    Il-bookings miċ-Ċina kontinentali għaċ-Ċina kontinentali u dawk ta' Luxe jew Luxury Retreats għandhom politiki differenti.

    Liema bookings huma koperti

    Bookings li saru sa dakinhar tal-14 ta' Marzu 2020

    Il-bookings għaż-żjarat u għall-Esperjenzi ta' Airbnb li saru sa dakinhar tal-14 ta' Marzu 2020 u li għandhom data taċ-checkin fi żmien 45 jum mil-lum jistgħu jiġu kkanċellati qabel iċ-checkin. Dan ifisser li l-klijenti li jikkanċellaw taħt il-politika se jitħallsu lura l-ammont kollu jew se jirċievu kreditu tal-ivvjaġġar għall-ammont li ħallsu (meta l-kreditu tal-ivvjaġġar ikun disponibbli), il-hosts jistgħu jikkanċellaw taħt il-politika mingħajr ebda tariffa jew impatt fuq l-istatus ta' Superhost tagħhom u li Airbnb se trodd lura t-tariffi tas-servizz kollha jew toħroġ kreditu tal-ivvjaġġar għall-ammont li jinkludi dawn it-tariffi kollha.

    Il-bookings għaż-żjarat u għall-Esperjenzi ta' Airbnb li saru sa dakinhar tal-14 ta' Marzu 2020, b'data taċ-checkin bogħod iktar minn 45 jum mil-lum, bħalissa ma jaqgħux taħt iċ-ċirkostanzi attenwanti relatati mal-COVID-19. Il-politika ta' kanċellazzjoni tal-host se tibqa' tgħodd bħas-soltu.

    Dil-politika taċ-ċirkostanzi attenwanti ma tgħoddx f'każ li booking ikun diġà beda (iċ-checkin ikun diġà sar).

    Bookings li saru wara l-14 ta' Marzu 2020

    Il-bookings għal żjarat u Esperjenzi ta' Airbnb li saru wara l-14 ta' Marzu 2020 mhux se jaqgħu taħt il-politika taċ-ċirkostanzi attenwanti tagħna, ħlief fil-każ fejn il-host jew il-klijent ikunu morda bil-COVID-19. Iċ-ċirkostanzi relatati mal-COVID-19 li mhumiex koperti jinkludu: tfixkil u kanċellazzjonijiet tat-trasport; avviżi u restrizzjonijiet dwar l-ivvjaġġar; avviżi tas-saħħa u kwarantini; bidliet fil-liġi u deċiżjonijiet eżekuttivi oħra tal-gvernijiet—bħal ordnijiet ta' evakwazzjoni, għeluq tal-fruntieri, projbizzjonijiet fuq kirjiet għal żmien qasir u ordnijiet biex in-nies ma joħorġux mid-dar. Il-politika ta' kanċellazzjoni tal-host se tibqa' tgħodd bħas-soltu.

    Il-politika taċ-ċirkostanzi attenwanti tagħna hija maħsuba biex tipproteġi lill-klijenti u l-hosts minn ċirkostanzi mhux mistennija li jinqalgħu wara l-booking. Wara li l-Organizzazzjoni Dinjija tas-Saħħa ddikjarat lill-COVID-19 bħala pandemija globali, il-politika taċ-ċirkostanzi attenwanti m'għadhiex tgħodd minħabba li l-COVID-19 u l-konsegwenzi tagħha m'għadhomx mhux mistennija. Jekk jogħġbok, qabel tibbukkja dejjem irrevedi sew il-politika ta' kanċellazzjoni tal-host u qis jekk jaqbillekx tagħżel għażla li tagħtik iktar flessibbiltà.

    Kif taħdem

    Jekk inti klijent, tista' ssib l-għażliet ta' kanċellazzjoni u ħlas lura billi tmur fil-paġna tal-Vjaġġi u tagħżel il-vjaġġ tiegħek—sir af kif. Jekk inti host, se ssib l-informazzjoni fid-dashboard tal-hosting tiegħek.

    Aġġornamenti u riżorsi dwar il-coronavirus

    Fiċ-Ċentru tar-Riżorsi ġbarna numru ta' artikli biex ngħinu lill-komunità tagħna matul dan iż-żmien. Tista' ssib l-aħħar informazzjoni dwar ir-reazzjoni tagħna għall-COVID-19, mill-aġġornamenti għall-politiki sar-riżorsi għall-hosts u għall-klijenti.

    Tista' taqra wkoll il-politika taċ-ċirkostanzi attenwanti biex issir taf liema sitwazzjonijiet li m'għandhomx x'jaqsmu mal-COVID-19 jaqgħu taħt dil-politika.

    Nitolbu lill-membri kollha tal-komunità biex juru rispett, ikunu inklussivi u jimxu skont il-politika ta' nondiskriminazzjoni tagħna meta jikkomunikaw ma' membri oħra tal-komunità tagħna.

    Se nkomplu nirrevedu l-mod kif tiġi użata dil-politika. Jekk jogħġbok segwi dil-paġna għall-aġġornamenti u għall-aħħar informazzjoni.

    Ingħatajt l-għajnuna li kellek bżonn?
    Artikli relatati