Bord Konsultattiv tal-Hosts

Jien Mexxej tal-Komunità tal-post u Ambaxxatur Superhost ġewwa Maceió, il-Brażil. Inħobb ħafna nilqa' n-nies fuq Airbnb għax b'hekk inkun nista' nitgħallem mill-qrib dwar ħafna nies u kulturi.

Fl-2017 bdejt nilqa' n-nies fi studio żgħir li jinsab fid-dar tiegħi ġewwa Florida biex inkun nista' nħallas il-flus li ssellift mill-bank. Nieħu ħsieb għadd ta' postijiet u għażilt li nibda naħdem bħala Ambaxxatur Superhost biex ngħin lill-Hosts il-ġodda jibdew jużaw Airbnb.

Għadni sal-lum nieħu gost nara wiċċ il-klijenti malli jaslu, kważi għaxar snin wara li bdejt nilqa' n-nies f'yurts fl-agrituriżmu tagħna fil-Park Nazzjonali Peak District ġewwa l-Ingilterra. Jien Ambaxxatur Superhost ukoll.

Billi l-listing ta' Airbnb tiegħi jinsab fil-Gżira Ġermaniża ta' Ruegen, 400 kilometru bogħod mid-dar tiegħi fil-belt ta' Brandenburg an der Havel, nieħu gost noħloq esperjenza perfetta għall-klijenti tiegħi mingħajr ma nkun fuq il-post. Il-komunikazzjoni mal-klijenti hija iktar minn kliem biss!

Mill-2015 'l hawn, li nilqa' n-nies hija l-iktar ħaġa li nħobb nagħmel! Bħala Mexxej tal-Komunità u Ambaxxatur Superhost ġewwa Nairobi, nieħu gost ħafna nara li wħud minn dawk li għent illum saru Superhosts.

L-avventura sabiħa tiegħi fil-qasam tal-ospitalità bdiet fl-2014. Bħala Ambaxxatur Superhost u Mexxej tal-Komunità, għent ħafna lill-Hosts tal-post u ġġilidt biex ġewwa Lake Arrowhead, California jkollna regoli li jqisu l-ħtiġijiet tagħna.

Fl-2019 bdejt norganizza Esperjenza ta' Airbnb marbuta mal-arti tat-triq ġewwa Delhi, l-Indja u issa għadni kemm bdejt avventura ġdida fejn nilqa' n-nies fi djar ekoloġiċi uniċi. Bħala Mexxej tal-Komunità tal-Esperjenzi, nieħu gost nibni rabtiet bejn il-kulturi.

Bħala Messikan u Mexxej tal-Komunità kburi, inħobb ħafna l-post fejn noqgħod u għalija m'hemm xejn isbaħ milli nispira lill-oħrajn isibu t-triq tagħhom fil-ħajja. Ili mill-2019 nilqa' n-nies fuq Airbnb.

Ninsab kburi li ili mill-2016 nilqa' nies minn kulturi differenti ġewwa Okinawa, il-Ġappun. Ili mill-bidu nett naħdem bħala Mexxej tal-Komunità u nistinka biex inżid l-opportunitajiet għall-ospitalità fuq il-gżira.

Fl-2016 bdejt nilqa' n-nies ġewwa Adelaide, l-Awstralja. Illum jien Ambaxxatur Superhost u Mexxej tal-Komunità. Il-motto mhux uffiċjali tiegħi għal Airbnb hu: "Tgħallem mingħand l-oħrajn, aqsam mal-oħrajn, aqdi lill-oħrajn."

Jien Mexxej tal-Komunità ġewwa t-Tajlandja u nieħu gost nara kif Airbnb qed tqarreb lin-nies lejn xulxin. Bdejt nilqa' n-nies fl-2013 bħala passatemp u llum xogħli huwa li nagħmilha ta' Host u Co-Host tad-djar u Organizzatur u Ko-Organizzatur tal-Esperjenzi.

Meta nilqa' n-nies nista' nitgħallem iktar dwar id-dinja ta' madwari u għalija m'hemm xejn isbaħ minn hekk. Ingħaqadt ma' Airbnb fl-2013, minn raħal żgħir qrib Chartres, Franza u llum nagħti sehemi bħala voluntier u Mexxej tal-Komunità.

Bdejt nilqa' n-nies fl-2015 u flimkien ma' Hosts oħra ġewwa l-Italja kont waħda mill-fundaturi tal-grupp tal-Komunità ta' Airbnb tal-Lag Como. Meta nilqa' n-nies, niffoka fuq l-inklużjoni soċjali, l-aċċessibbiltà ekonomika u r-rispett għall-ambjent.

Bdejt nilqa' n-nies fl-2012 u llum hija l-iktar ħaġa li nħobb nagħmel! Bħala Ambaxxatur Superhost ġewwa Spanja, inħeġġeġ u nħajjar lin-nies biex ikunu parti minn dil-avventura sabiħa.

Bdejt norganizza l-Esperjenzi ta' Airbnb fl-2014. Jien Mexxejja tal-Komunità ġewwa Cape Town, l-Afrika t'Isfel kif ukoll attivista għall-vjaġġi aċċessibbli.

Ili mill-2020 nilqa' n-nies f'raħal qrib il-Foresta Fontainebleau ġewwa Franza. Bħala mexxejja tal-komunità tiegħi, l-għan tiegħi huwa li naħdem bis-sħiħ biex it-turiżmu jkun dejjem iktar sostenibbli.

Ilni nilqa' l-klijenti f'dir-rokna sabiħa tagħna ta' Sydney għal iktar minn għaxar snin. L-għan tiegħi huwa li nuri lin-nies kif inaqqsu l-emissjonijiet tal-gassijiet b'effett ta' serra, inaqqsu l-użu tar-riżorsi u jnaqqsu l-iskart.

Bdejt nilqa' n-nies fl-2017 ġewwa Georgian Bay Biosphere, il-Kanada, l-ikbar arċipelagu ta' ilma frisk fid-dinja. Immexxi Esperjenza fuq kif tivvjaġġa b'mod sostenibbli u nagħti eżempji ta' kif il-parteċipanti minn madwar id-dinja kollha jistgħu jivvjaġġaw b'mod sostenibbili.

Bdejt nilqa' n-nies fl-2020 ma' ħabiba tiegħi ġewwa Atlanta u fi ftit żmien għamilna suċċess bħala Superhosts. Ngħin ukoll lill-Hosts il-ġodda tal-pjattaforma.

Sirt Host fl-2016 wara li bnejt l-ewwel dar ċkejkna tiegħi. Issa qed nieħu ħsieb listing ieħor u ħerqana ħafna li nista' naħdem ma' Hosts oħra bħala Mexxejja tal-Komunità ġewwa Atlanta.

Bdejt nilqa' n-nies għal-Logħob Olimpiku tax-Xitwa 2018 u ili minn dak iż-żmien sal-lum Host u Ambaxxatur. Ħriġt ktieb bl-istejjer u l-pariri tiegħi. Għalija importanti ħafna li ngħin lill-Hosts b'esperjenza jmexxu n-negozju tagħhom. Iktar minn nofs il-Hosts li għent jgħidu li ħajjarthom jagħmlu bħali wkoll.

Twelidt u trabbejt ġewwa Puerto Rico u bdejt nilqa' n-nies fl-2015 fil-kamra tas-sodda żejda li kelli ġewwa Chicago. Illum inħarreġ lill-Hosts, nagħmilha ta' Co-Host u kburi li jien Superhost. Immexxi wkoll ħames Esperjenzi fuq Airbnb.

Ħajti kienet dejjem fil-qasam tal-ospitalità, anki qabel bdejt nilqa' n-nies fuq Airbnb fl-2015. Jien Mexxejja tal-Komunità ġewwa r-Repubblika Dominikana u naħdem id f'id ma' Hosts oħra.